مَتّا 23
23
ایسّا، پَریسی و شَریَتئے زانۆگران پاشکَ کنت
(مَرکاس 12:38–40؛ لوکا 11:37–52؛ 20:45–47)
1نون ایسّایا گۆن مُچّیئے مردمان و وتی مُریدان اے هبر کرتنت، گوَشتی: 2”شَریَتئے زانۆگر و پَریسی، موسّائے کرسیا نِشتگ‌اَنت. 3پمێشکا هرچے که شمارا گوَشنت، آیانی گُپتارا بزورێت و اَنچۆ بکنێت، بله آیانی کردارا مزۆرێت، پرچا که آ گپَّ جننت، بله کارَ نکننت. 4گرانێن بارَ بندنت و مردمانی کۆپگا لَڈَّنت، بله وت په آ بارانی چست کنگا لَنکُکے هم نسُرێننت. 5هرچے که کننت، په مردمانی پێش دارگا کننت. وتی تاییتان#23:5 اے تاییت تئوراتئے نبشتگێن بَند اَنت که پۆستێن هُکَّهئے تها پۆش کنگ و باسک و پێشانیگا بندگَ بنت. مزن و چادرئے لَمبانی بندیکّان#23:5 یَهودی چادرئے لَمبان بندیکَّ بندنت، که هُدائے پرمانانی یاتا ببنت. دْراجَ کننت. 6داوَتانی شَرترێن جاگه و کَنیسَهانی ائولی رِدِش دۆستَ بیت. 7بازارانی تَرّ و گَردئے وهدا لۆٹنت که مردم آیان سلام بدئینت و ’استاد‘ تئوار بکننت. 8بله مردمان مئیلێت که شمارا ’استاد‘ بگوَشنت، چێا که شمئے استاد بَسّ یکّے و شما سجّهێن یکدومیئے#23:8 یکدومی، بزان یَکدِگَر، یَکّ و دومی. برات اێت. 9شما اے دنیایا هچکَسا ’پت‘ تئوار مکنێت، چێا که شمئے پت بَسّ یکّے، هما که اَرشا اِنت. 10مردمان مئیلێت که شمارا ’تالیم دئیۆک‘ بگوَشنت، چێا که شمئے تالیم دئیۆک بَسّ یکّے و آ مَسیه اِنت. 11هما که شمئے نیاما چه سجّهێنان مستر اِنت، آ دگرانی هِزمتکار ببیت. 12چێا که هرکَس وتا مزنَ کنت، کَمشرپَ بیت و هرکَس که وتا جَهل و اێردستَ مَنّیت، وشنام و شرپدارَ بیت.
13بله بَژن و اَپسۆز په شما، او شَریَتئے زانۆگران و پَریسیان! او دورو و دوپۆستێن مردمان! شما آسمانی بادشاهیئے دروازگا په مردمان بندَ کنێت، نه وت تها رئوێت و نه دگران رئوَگا کِلّێت. 14بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما جنۆزامان رَد دئیێت و پُلێت و په پێش دارگا وتی دْوایان دْراجکَشَّ کنێت. شمارا گنترێن سِزا رَسیت.#23:14 لهتێن دَزنبشتا بَند 14 نێست‌اِنت. 15بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما په یکّ مردمێئے یَهودی کنگا،#23:15 یَهودی کنگ، بزان درکئومێن مردمێا په یَهودیانی باوَرئے مَنّگا رزا کنگ. دریا و هُشکیان سپرَ کنێت، بله وهدے کَسے شمئے راها زوریت، آییا چه وتی جندا دو سری#23:15 دو سری، بزان دو برابر. گێشتر دۆزهیَ کنێت.
16او کۆرێن رَهشۆنان! بژن و اپسۆز په شما که مردمان سۆجَ دئیێت که اگن کَسے مزنێن پرستشگاهئے سئوگندا بوارت پرواه نێست، بله اگن یکّے پرستشگاهئے تلاهانی سئوگندا بوارت، گڑا باید اِنت وتی سئوگندا پوره بکنت. 17او نادانان! او کۆران! کجام چیزّئے دَرجه بُرزتر اِنت، تلاهانی یا هما پرستشگاهئے که تلاهان پاک و پَلگارَ کنت؟ 18شما چُش هم گوَشێت که اگن کَسے کُربانجاهئے سئوگندا بوارت پرواه نێست، بله اگن کَسے کُربانجاهئے کُربانیگئے سئوگندا بوارت، گڑا باید اِنت وتی سئوگندا پوره بکنت. 19او کۆران! کجام چیزّئے دَرجه بُرزتر اِنت، کُربانیگئے یا هما کُربانجاهئے که کُربانیگا پاک و پَلگارَ کنت؟ 20پمێشکا کَسے که کُربانجاهئے سئوگندا وارت، بزان کُربانجاه و کُربانیگ کرتگێن سجّهێن چیزّانی سئوگندا وارت. 21هرکَس که مزنێن پرستشگاهئے سئوگندا وارت، بزان پرستشگاه و آییئے جَهمنندئے سئوگندا وارت. 22هرکَس که اَرشئے سئوگندا وارت، هُدائے تَهت و آ تَهتئے سرا نندۆکئے سئوگندا وارت.
23بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما پورچێنک و گواتَگ و زیرَّگئے دَه‌یَکّا کَشّێت و هُدائے ناما دئیێت بله چه شَریَتئے مسترێن هُکما، بزان اِنساپ و رَهمدلی و وپاداریا نادلگۆش اێت. دْرێگتا،#23:23 دْرێگتا، بزان دْرێگتێن، دْرێچا. پارسی و اردو ”کاش“. شما اے کار بکرتێننت و آ هم یله مداتێننت. 24او کۆرێن رَهشۆنان! شما پَشّگا کَمَکا#23:24 کَمَک، بزان گێچن، الَک، چانی. گێچێت و درَ کنێت، بله اُشترا اێرَ برێت.
25بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما وتی پیاله و کاسگانی ڈنّی نێمگا ساپ و سَلّهَ کنێت بله آیانی تَه و تۆک سِلّ اِنت. شمئے دل و درون#23:25 درون، بزان باتِن، اَندرون. چه لالِچ#23:25 لالِچ، بزان تماه، هِرس. و تَماه و بێپهرێزیا سررێچ اِنت. 26او کۆرێن پَریسی! پێسرا وتی پیالهئے تۆکا سپا کن که ڈنّی نێمگی هم سپا ببیت.
27بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما رنگ جتگێن اِسپێتێن کَبرانی پئیما اێت که سرزاهرا ڈئولدار اَنت، بله تۆکا چه مُردگانی هَڈّ و هر پئیمێن گَند و گَسڑا پُرّ اَنت. 28همے ڈئولا شما هم سرزاهرا مردمانی چمّان پهرێزکارێن مردم اێت بله شمئے دل چه شَتَلکاری و ناشَریا#23:28 ناشَری، بزان شَریَتئے هُکمانی سرا اَمَل نکنگ. سررێچ اِنت.
29بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما نبیانی کبرانَ بندێت و پهرێزکارانی کبرانَ سمبهێنێت. 30چُش هم گوَشێت که اگن ما وتی پت و پیرُکانی زَمانگا بوتێنێن، پئیگمبرانی کُشگا آیانی همراه نبوتگ‌اَتێن. 31اے ڈئولا شما وتی بارئوا وَت شاهدیَ دئیێت که ما همایانی نَسل و اۆبادگ اێن که پئیگمبرِش کُشتگ‌اَنت. 32گڑا هما کارا سرجم بکنێت که شمئے پت و پیرُکان بُنگێج کرتگ.
33او ماران! او سْیَه‌مارزادگان! شما چۆن چه دۆزهئے سِزایا رَکّتَ کنێت؟ 34گُڑا بچار، من پئیگمبر و زانتکار و شَریَتئے زانۆگر شمئے کِرّا راهَ دئیان، بله شما چه آیان لهتێنا کُشێت و سَلیبَ کَشّێت، دگه لهتێنا وتی کَنیسَهان شلّاک و هئیزرانَ جنێت و شهر په شهر آیانی رَندا کپێت. 35گڑا چه پهرێزکارێن هابیلا بگر تان بَرَکیائے چُکّ زَکَریایا که شما مزنێن پرستشگاه و کُربانجاهئے نیاما کُشت، اے سجّهێن پهرێزکارانی هۆن که دنیایا رێچگ بوتگ، شمئے گردنا بیت. 36شمارا راستێنَ گوَشان، اے سجّهێنانی کۆشئے سِزا همے زمانگئے مردمانَ رسیت.
په اورشَلیما ایسّائے گَم و اندۆه
(لوکا 13:34–35)
37اورشَلیم، او اورشَلیم! تئو پئیگمبرانَ کُشئے و همایان سِنگسارَ کنئے که هُدا په تئو راهَ دنت. باز رندا من لۆٹتگ تئیی چُکّان وتی کِرّا یکجاه بکنان، اَنچُش که نکێنکێن مُرگے چورگ و چیپُّکان وتی بال و بانزُلانی چێرا مُچَّ کنت، بله شما نلۆٹت. 38نون بچار شمئے لۆگ وئیرانا شمئے جندئے دستا دئیگَ بیت. 39شمارا گوَشان، دگه برے منا نگِندێت تان آ وهدا که وت بگوَشێت: ’مبارک اِنت هما که هُداوندئے ناما کئیت.‘“#23:39 زَبور 118:26.
Currently Selected:
مَتّا 23: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
مَتّا 23
23
ایسّا، پَریسی و شَریَتئے زانۆگران پاشکَ کنت
(مَرکاس 12:38–40؛ لوکا 11:37–52؛ 20:45–47)
1نون ایسّایا گۆن مُچّیئے مردمان و وتی مُریدان اے هبر کرتنت، گوَشتی: 2”شَریَتئے زانۆگر و پَریسی، موسّائے کرسیا نِشتگ‌اَنت. 3پمێشکا هرچے که شمارا گوَشنت، آیانی گُپتارا بزورێت و اَنچۆ بکنێت، بله آیانی کردارا مزۆرێت، پرچا که آ گپَّ جننت، بله کارَ نکننت. 4گرانێن بارَ بندنت و مردمانی کۆپگا لَڈَّنت، بله وت په آ بارانی چست کنگا لَنکُکے هم نسُرێننت. 5هرچے که کننت، په مردمانی پێش دارگا کننت. وتی تاییتان#23:5 اے تاییت تئوراتئے نبشتگێن بَند اَنت که پۆستێن هُکَّهئے تها پۆش کنگ و باسک و پێشانیگا بندگَ بنت. مزن و چادرئے لَمبانی بندیکّان#23:5 یَهودی چادرئے لَمبان بندیکَّ بندنت، که هُدائے پرمانانی یاتا ببنت. دْراجَ کننت. 6داوَتانی شَرترێن جاگه و کَنیسَهانی ائولی رِدِش دۆستَ بیت. 7بازارانی تَرّ و گَردئے وهدا لۆٹنت که مردم آیان سلام بدئینت و ’استاد‘ تئوار بکننت. 8بله مردمان مئیلێت که شمارا ’استاد‘ بگوَشنت، چێا که شمئے استاد بَسّ یکّے و شما سجّهێن یکدومیئے#23:8 یکدومی، بزان یَکدِگَر، یَکّ و دومی. برات اێت. 9شما اے دنیایا هچکَسا ’پت‘ تئوار مکنێت، چێا که شمئے پت بَسّ یکّے، هما که اَرشا اِنت. 10مردمان مئیلێت که شمارا ’تالیم دئیۆک‘ بگوَشنت، چێا که شمئے تالیم دئیۆک بَسّ یکّے و آ مَسیه اِنت. 11هما که شمئے نیاما چه سجّهێنان مستر اِنت، آ دگرانی هِزمتکار ببیت. 12چێا که هرکَس وتا مزنَ کنت، کَمشرپَ بیت و هرکَس که وتا جَهل و اێردستَ مَنّیت، وشنام و شرپدارَ بیت.
13بله بَژن و اَپسۆز په شما، او شَریَتئے زانۆگران و پَریسیان! او دورو و دوپۆستێن مردمان! شما آسمانی بادشاهیئے دروازگا په مردمان بندَ کنێت، نه وت تها رئوێت و نه دگران رئوَگا کِلّێت. 14بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما جنۆزامان رَد دئیێت و پُلێت و په پێش دارگا وتی دْوایان دْراجکَشَّ کنێت. شمارا گنترێن سِزا رَسیت.#23:14 لهتێن دَزنبشتا بَند 14 نێست‌اِنت. 15بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما په یکّ مردمێئے یَهودی کنگا،#23:15 یَهودی کنگ، بزان درکئومێن مردمێا په یَهودیانی باوَرئے مَنّگا رزا کنگ. دریا و هُشکیان سپرَ کنێت، بله وهدے کَسے شمئے راها زوریت، آییا چه وتی جندا دو سری#23:15 دو سری، بزان دو برابر. گێشتر دۆزهیَ کنێت.
16او کۆرێن رَهشۆنان! بژن و اپسۆز په شما که مردمان سۆجَ دئیێت که اگن کَسے مزنێن پرستشگاهئے سئوگندا بوارت پرواه نێست، بله اگن یکّے پرستشگاهئے تلاهانی سئوگندا بوارت، گڑا باید اِنت وتی سئوگندا پوره بکنت. 17او نادانان! او کۆران! کجام چیزّئے دَرجه بُرزتر اِنت، تلاهانی یا هما پرستشگاهئے که تلاهان پاک و پَلگارَ کنت؟ 18شما چُش هم گوَشێت که اگن کَسے کُربانجاهئے سئوگندا بوارت پرواه نێست، بله اگن کَسے کُربانجاهئے کُربانیگئے سئوگندا بوارت، گڑا باید اِنت وتی سئوگندا پوره بکنت. 19او کۆران! کجام چیزّئے دَرجه بُرزتر اِنت، کُربانیگئے یا هما کُربانجاهئے که کُربانیگا پاک و پَلگارَ کنت؟ 20پمێشکا کَسے که کُربانجاهئے سئوگندا وارت، بزان کُربانجاه و کُربانیگ کرتگێن سجّهێن چیزّانی سئوگندا وارت. 21هرکَس که مزنێن پرستشگاهئے سئوگندا وارت، بزان پرستشگاه و آییئے جَهمنندئے سئوگندا وارت. 22هرکَس که اَرشئے سئوگندا وارت، هُدائے تَهت و آ تَهتئے سرا نندۆکئے سئوگندا وارت.
23بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما پورچێنک و گواتَگ و زیرَّگئے دَه‌یَکّا کَشّێت و هُدائے ناما دئیێت بله چه شَریَتئے مسترێن هُکما، بزان اِنساپ و رَهمدلی و وپاداریا نادلگۆش اێت. دْرێگتا،#23:23 دْرێگتا، بزان دْرێگتێن، دْرێچا. پارسی و اردو ”کاش“. شما اے کار بکرتێننت و آ هم یله مداتێننت. 24او کۆرێن رَهشۆنان! شما پَشّگا کَمَکا#23:24 کَمَک، بزان گێچن، الَک، چانی. گێچێت و درَ کنێت، بله اُشترا اێرَ برێت.
25بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما وتی پیاله و کاسگانی ڈنّی نێمگا ساپ و سَلّهَ کنێت بله آیانی تَه و تۆک سِلّ اِنت. شمئے دل و درون#23:25 درون، بزان باتِن، اَندرون. چه لالِچ#23:25 لالِچ، بزان تماه، هِرس. و تَماه و بێپهرێزیا سررێچ اِنت. 26او کۆرێن پَریسی! پێسرا وتی پیالهئے تۆکا سپا کن که ڈنّی نێمگی هم سپا ببیت.
27بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما رنگ جتگێن اِسپێتێن کَبرانی پئیما اێت که سرزاهرا ڈئولدار اَنت، بله تۆکا چه مُردگانی هَڈّ و هر پئیمێن گَند و گَسڑا پُرّ اَنت. 28همے ڈئولا شما هم سرزاهرا مردمانی چمّان پهرێزکارێن مردم اێت بله شمئے دل چه شَتَلکاری و ناشَریا#23:28 ناشَری، بزان شَریَتئے هُکمانی سرا اَمَل نکنگ. سررێچ اِنت.
29بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما نبیانی کبرانَ بندێت و پهرێزکارانی کبرانَ سمبهێنێت. 30چُش هم گوَشێت که اگن ما وتی پت و پیرُکانی زَمانگا بوتێنێن، پئیگمبرانی کُشگا آیانی همراه نبوتگ‌اَتێن. 31اے ڈئولا شما وتی بارئوا وَت شاهدیَ دئیێت که ما همایانی نَسل و اۆبادگ اێن که پئیگمبرِش کُشتگ‌اَنت. 32گڑا هما کارا سرجم بکنێت که شمئے پت و پیرُکان بُنگێج کرتگ.
33او ماران! او سْیَه‌مارزادگان! شما چۆن چه دۆزهئے سِزایا رَکّتَ کنێت؟ 34گُڑا بچار، من پئیگمبر و زانتکار و شَریَتئے زانۆگر شمئے کِرّا راهَ دئیان، بله شما چه آیان لهتێنا کُشێت و سَلیبَ کَشّێت، دگه لهتێنا وتی کَنیسَهان شلّاک و هئیزرانَ جنێت و شهر په شهر آیانی رَندا کپێت. 35گڑا چه پهرێزکارێن هابیلا بگر تان بَرَکیائے چُکّ زَکَریایا که شما مزنێن پرستشگاه و کُربانجاهئے نیاما کُشت، اے سجّهێن پهرێزکارانی هۆن که دنیایا رێچگ بوتگ، شمئے گردنا بیت. 36شمارا راستێنَ گوَشان، اے سجّهێنانی کۆشئے سِزا همے زمانگئے مردمانَ رسیت.
په اورشَلیما ایسّائے گَم و اندۆه
(لوکا 13:34–35)
37اورشَلیم، او اورشَلیم! تئو پئیگمبرانَ کُشئے و همایان سِنگسارَ کنئے که هُدا په تئو راهَ دنت. باز رندا من لۆٹتگ تئیی چُکّان وتی کِرّا یکجاه بکنان، اَنچُش که نکێنکێن مُرگے چورگ و چیپُّکان وتی بال و بانزُلانی چێرا مُچَّ کنت، بله شما نلۆٹت. 38نون بچار شمئے لۆگ وئیرانا شمئے جندئے دستا دئیگَ بیت. 39شمارا گوَشان، دگه برے منا نگِندێت تان آ وهدا که وت بگوَشێت: ’مبارک اِنت هما که هُداوندئے ناما کئیت.‘“#23:39 زَبور 118:26.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.