مَتّا 22
22
بادشاهئے چُکّئے آرۆس
(لوکا 14:15–24)
1ایسّایا پدا گۆن مردمان په دَروَر و مِسال هبر کرت و گوَشتی: 2”آسمانی بادشاهی، هما بادشاهئے پئیما اِنت که په وتی چُکّئے آرۆسا مهمانیے کرتی. 3آییا وتی گُلام لۆٹتگێن مهمانانی رندا راه داتنت، بله مهمانانی دلا نه‌اَت که بیاینت. 4گڑا آییا دگه لهتێن گُلام راه دات و هُکمی دات که گۆن هما لۆٹتگێن مردمان بگوَشنت: ’من ورگ تئیار کرتگ‌اَنت، کاییگر#22:4 کاییگر، بزان مزنێن نَرێن گۆک. و پابُندی#22:4 پابُندی، بزان هما پس و گۆک که په هِلار کنگا لۆگئے دپا دارنتی. گوَسک#22:4 گوَسک، بزان گۆلۆ، گۆکئے چُکّ. کُشتگ و هر چیزّ تئیار اِنت. آرۆسئے مهمانیا بیاێت.‘ 5بله مهمانان هچّ پَرواه نداشت و شتنت، یکّے وتی ڈگارئے نێمگا و یکّے دێم په وتی سئوداگریا. 6آ دگران آییئے گُلام گپت و بے‌اِزّت کرت و کُشتنت. 7بادشاه سکّ زهر گپت و وتی سپاهیگی راه داتنت. آیان هۆنیگ کُشتنت و آیانی شهر سۆتک.
8نون بادشاها گۆن وتی گُلامان گوَشت: ’آرۆسئے مهمانی تئیار اِنت، بله هما که لۆٹگ بوتگ‌اَتنت، آیگئے لاهک نه‌اتنت. 9پمێشکا برئوێت، راه و رَهسران هرکَسا که گِندێت، آیان مهمانیا بیارێت.‘ 10بادشاهئے گُلام شتنت و شَرّ و گَندگ، هرکَسِش که دیست، سجّهێنِش یکجاه کرت و آورتنت و آرۆسئے دیوانجاه چه مهمانا پُرّ بوت.
11وهدے بادشاه مهمانانی چارگا آتک، یکّ اَنچێن مردے دیستی که دیوانی پۆشاکی گوَرا نه‌اَت. 12بادشاها چه آییا جُست کرت: ’سنگت! بے دیوانی پۆشاکا، تئو چۆن تۆکا پترتگئے؟‘ آییا هچّ پَسّئو دات نکرت. 13گڑا بادشاها گۆن وتی هِزمتکاران گوَشت: ’اِشیئے دست و پادان ببندێت و ڈنّا تَهاریا دئوری بدئیێت.‘ اۆدا گرێوگ و پریات و زاریَ بیت. 14چێا که لۆٹتگێن باز اَنت، بله گچێن کرتگێن کمّ اَنت.“
مالیاتئے بارئوا
(مَرکاس 12:13–17؛ لوکا 20:20–26)
15همے وهدا پَریسی شتنت و شئورِش کرت که ایسّایا چه آییئے جندئے هبران مانَ گیشّێن و داما دئور دئیێن. 16وتی لهتێن شاگردِش هیرودیانی#22:16 هیرودی، بزان هیرودیس بادشاهئے دۆزواه. همراهیا آییئے کِرّا رئوان دات که بگوَشنت: ”او استاد! ما زانێن که تئو تچک و راستێن مردمے ائے و هُدائے راهئے سۆجا په راستیَ دئیئے و هچکَسئے نێمگا نگرئے، چێا که سجّهێنان یکّ هِسابا چارئے. 17مارا بگوَش، تئیی هئیالا رومئے بادشاه کئیسَرا#22:17 کئیسر رومئے بادشاهانی لَکَب بوتگ، هچّ بادشاهئے جندئے نام نبوتگ. رومئے هر بادشاه کئیسر گوَشگ بوتگ. سُنگ و مالیات دئیگ رئوا اِنت یا نه؟“ 18ایسّایا آیانی بَدێن نیّت زانت و گوَشتی: ”او دورو و دوپۆستێن مردمان! منا چێا چَکّاسگا اێت؟ 19چه هما زَرّان یکّے منا پێش بدارێت که په مالیاتا دئینتِش.“ آیان یکّ دینارے آورت. 20ایسّایا جُست کرت: ”اے نام و نَکش کئیگ اَنت؟“ 21گوَشتِش: ”کئیسَرئے.“ نون ایسّایا درّاێنت: ”گڑا کئیسَرئیگا کئیسَرا بدئیێت و هُدائیگا هُدایا.“ 22اے هبرانی اِشکنگا آ هئیران بوتنت و ایسّااِش اِشت و شتنت.
آهِرت و سانگ و سور
(مَرکاس 12:18–27؛ لوکا 20:27–40)
23هما رۆچا، لهتێن سَدوکی ایسّائے کِرّا آتک. سَدوکیَ نمنّنت که مُردگ پدا زندگَ بنت. جُستِش کرت: 24”او استاد! موسّایا گوَشتگ: ’اگن کَسے بے ائولادا بمریت، گُڑا باید اِنت آییئے برات گۆن آییئے جنۆزاما سور بکنت تانکه په وتی براتا چُکّ و ائولادے پێدا بکنت.‘#22:24 موسّائے واز 25:5 و رَند. 25مئے کِرّا هپت برات هست‌اَت. ائولی براتا سور کرت، بے ائولادا مُرت و وتی جنی په آ دگه براتا اِشت. 26پدا گۆن دومی و سئیمی تان هپتمیا اَنچُش بوت. 27سجّهێنان و رند آ جنێن هم مُرت. 28نون آهِرتئے رۆچا اے جنێن چه هپتێن براتان کجام یکّئیگَ بیت؟ چێا که سجّهێن براتانی جَن بوتگ.“
29ایسّایا پَسّئو دات: ”شما رَد وارتگ، چێا که نه چه پاکێن کتابان چیزّے سَرکِچَ ورێت#22:29 سَرکِچ وَرگ، بزان سرپد بئیگ، پۆه بئیگ. و نه هُدائے واک و زۆرا سرپدَ بێت. 30آهرتئے رۆچا مردم نه سورَ کننت و نه سور دئیگَ بنت، آسمانی پرێشتگانی ڈئولا بنت. 31زانا شما مُردگانی زندگ بئیگئے بارئوا هما هبر نئوانتگ که هُدایا شمارا گوَشتگ: 32’من آن، اِبراهێمئے هُدا و اِساکئے هُدا و آکوبئے هُدا‘؟#22:32 دَررئو 3:6. بزان مُردگانی هُدا نه‌اِنت، زندگێنانی هُدا اِنت.“ 33مردم چه ایسّائے تالیمانی اِشکنگا هئیران و هَبَکَّه بوتنت.
مسترێن پرمان
(مَرکاس 12:28–34؛ لوکا 10:25–28)
34وهدے پَریسی سهیگ بوتنت که ایسّایا چۆن سَدوکیانی دپ بستگ، گڑا یکجاه بوت و آتکنت. 35چه آیان یکّے، شَریَتئے کازیے اَت. آییا په ایسّائے چَکّاسگا جُست کرت: 36”او استاد! شَریَتئے مسترێن پرمان کجام اِنت؟“ 37ایسّایا پَسّئو دات:
”وتی هُداوندێن هُدایا چه دلئے جُهلانکیا، و گۆن سجّهێن جان و ساه و گۆن سجّهێن پَهم و پِگرا دۆست بدار.#22:37 موسّائے واز 6:4 و رَند. 38مسترێن و ائولی پرمان همِش اِنت. 39دومی پرمان هم، همِشیئے ڈئولا اِنت: وتی همساهگا وتی جندئے پئیما دۆست بدار.#22:39 لاویان 19:18. 40همے دوێن پرمان، موسّائے سجّهێن شَریَت و نبیانی پرمانانی بُنیاد اَنت.“
مَسیه کئیی چُکّ اِنت؟
(مَرکاس 12:35–37؛ لوکا 20:41–44)
41همے وهدا که پَریسی یکجاه بوت و آتکنت، ایسّایا چه آیان جُست کرت: 42”مَسیهئے بارئوا شما چے گوَشێت؟ آ کئیی چُکّ اِنت؟“ آیان پَسّئو دات: ”داوود بادشاهئے چُکّ اِنت.“ 43گوَشتی: ”گڑا چێا داوود چه پاکێن روهئے اِلهاما مسیها وتی هُداوندَ زانت، وهدے گوَشیت:
44 هُداوندا گۆن منی هُداوندا گوَشت:
’منی راستێن کشا تان هما وَهدا بنند
که من تئیی دژمنان تئیی پادانی چێرا دئورَ دئیان.‘ # 22:44 اسلیگێن یونانی نبشتانکَ گوَشیت: ”تئیی پادانی چێرئے تهتُکے بکنان“. # 22:44 زَبور 110:1.
45نون اگن داوود مَسیها وتی هُداوندَ گوَشیت، گڑا مَسیه چۆن آییئے چُکّ بوتَ کنت؟“ 46هچکَسا آییئے هبرانی پَسّئو دات نکرت و چه آ رۆچا و رند کَسّا دل نکرت که چه آییا دگه جُستے بکنت.
Currently Selected:
مَتّا 22: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
مَتّا 22
22
بادشاهئے چُکّئے آرۆس
(لوکا 14:15–24)
1ایسّایا پدا گۆن مردمان په دَروَر و مِسال هبر کرت و گوَشتی: 2”آسمانی بادشاهی، هما بادشاهئے پئیما اِنت که په وتی چُکّئے آرۆسا مهمانیے کرتی. 3آییا وتی گُلام لۆٹتگێن مهمانانی رندا راه داتنت، بله مهمانانی دلا نه‌اَت که بیاینت. 4گڑا آییا دگه لهتێن گُلام راه دات و هُکمی دات که گۆن هما لۆٹتگێن مردمان بگوَشنت: ’من ورگ تئیار کرتگ‌اَنت، کاییگر#22:4 کاییگر، بزان مزنێن نَرێن گۆک. و پابُندی#22:4 پابُندی، بزان هما پس و گۆک که په هِلار کنگا لۆگئے دپا دارنتی. گوَسک#22:4 گوَسک، بزان گۆلۆ، گۆکئے چُکّ. کُشتگ و هر چیزّ تئیار اِنت. آرۆسئے مهمانیا بیاێت.‘ 5بله مهمانان هچّ پَرواه نداشت و شتنت، یکّے وتی ڈگارئے نێمگا و یکّے دێم په وتی سئوداگریا. 6آ دگران آییئے گُلام گپت و بے‌اِزّت کرت و کُشتنت. 7بادشاه سکّ زهر گپت و وتی سپاهیگی راه داتنت. آیان هۆنیگ کُشتنت و آیانی شهر سۆتک.
8نون بادشاها گۆن وتی گُلامان گوَشت: ’آرۆسئے مهمانی تئیار اِنت، بله هما که لۆٹگ بوتگ‌اَتنت، آیگئے لاهک نه‌اتنت. 9پمێشکا برئوێت، راه و رَهسران هرکَسا که گِندێت، آیان مهمانیا بیارێت.‘ 10بادشاهئے گُلام شتنت و شَرّ و گَندگ، هرکَسِش که دیست، سجّهێنِش یکجاه کرت و آورتنت و آرۆسئے دیوانجاه چه مهمانا پُرّ بوت.
11وهدے بادشاه مهمانانی چارگا آتک، یکّ اَنچێن مردے دیستی که دیوانی پۆشاکی گوَرا نه‌اَت. 12بادشاها چه آییا جُست کرت: ’سنگت! بے دیوانی پۆشاکا، تئو چۆن تۆکا پترتگئے؟‘ آییا هچّ پَسّئو دات نکرت. 13گڑا بادشاها گۆن وتی هِزمتکاران گوَشت: ’اِشیئے دست و پادان ببندێت و ڈنّا تَهاریا دئوری بدئیێت.‘ اۆدا گرێوگ و پریات و زاریَ بیت. 14چێا که لۆٹتگێن باز اَنت، بله گچێن کرتگێن کمّ اَنت.“
مالیاتئے بارئوا
(مَرکاس 12:13–17؛ لوکا 20:20–26)
15همے وهدا پَریسی شتنت و شئورِش کرت که ایسّایا چه آییئے جندئے هبران مانَ گیشّێن و داما دئور دئیێن. 16وتی لهتێن شاگردِش هیرودیانی#22:16 هیرودی، بزان هیرودیس بادشاهئے دۆزواه. همراهیا آییئے کِرّا رئوان دات که بگوَشنت: ”او استاد! ما زانێن که تئو تچک و راستێن مردمے ائے و هُدائے راهئے سۆجا په راستیَ دئیئے و هچکَسئے نێمگا نگرئے، چێا که سجّهێنان یکّ هِسابا چارئے. 17مارا بگوَش، تئیی هئیالا رومئے بادشاه کئیسَرا#22:17 کئیسر رومئے بادشاهانی لَکَب بوتگ، هچّ بادشاهئے جندئے نام نبوتگ. رومئے هر بادشاه کئیسر گوَشگ بوتگ. سُنگ و مالیات دئیگ رئوا اِنت یا نه؟“ 18ایسّایا آیانی بَدێن نیّت زانت و گوَشتی: ”او دورو و دوپۆستێن مردمان! منا چێا چَکّاسگا اێت؟ 19چه هما زَرّان یکّے منا پێش بدارێت که په مالیاتا دئینتِش.“ آیان یکّ دینارے آورت. 20ایسّایا جُست کرت: ”اے نام و نَکش کئیگ اَنت؟“ 21گوَشتِش: ”کئیسَرئے.“ نون ایسّایا درّاێنت: ”گڑا کئیسَرئیگا کئیسَرا بدئیێت و هُدائیگا هُدایا.“ 22اے هبرانی اِشکنگا آ هئیران بوتنت و ایسّااِش اِشت و شتنت.
آهِرت و سانگ و سور
(مَرکاس 12:18–27؛ لوکا 20:27–40)
23هما رۆچا، لهتێن سَدوکی ایسّائے کِرّا آتک. سَدوکیَ نمنّنت که مُردگ پدا زندگَ بنت. جُستِش کرت: 24”او استاد! موسّایا گوَشتگ: ’اگن کَسے بے ائولادا بمریت، گُڑا باید اِنت آییئے برات گۆن آییئے جنۆزاما سور بکنت تانکه په وتی براتا چُکّ و ائولادے پێدا بکنت.‘#22:24 موسّائے واز 25:5 و رَند. 25مئے کِرّا هپت برات هست‌اَت. ائولی براتا سور کرت، بے ائولادا مُرت و وتی جنی په آ دگه براتا اِشت. 26پدا گۆن دومی و سئیمی تان هپتمیا اَنچُش بوت. 27سجّهێنان و رند آ جنێن هم مُرت. 28نون آهِرتئے رۆچا اے جنێن چه هپتێن براتان کجام یکّئیگَ بیت؟ چێا که سجّهێن براتانی جَن بوتگ.“
29ایسّایا پَسّئو دات: ”شما رَد وارتگ، چێا که نه چه پاکێن کتابان چیزّے سَرکِچَ ورێت#22:29 سَرکِچ وَرگ، بزان سرپد بئیگ، پۆه بئیگ. و نه هُدائے واک و زۆرا سرپدَ بێت. 30آهرتئے رۆچا مردم نه سورَ کننت و نه سور دئیگَ بنت، آسمانی پرێشتگانی ڈئولا بنت. 31زانا شما مُردگانی زندگ بئیگئے بارئوا هما هبر نئوانتگ که هُدایا شمارا گوَشتگ: 32’من آن، اِبراهێمئے هُدا و اِساکئے هُدا و آکوبئے هُدا‘؟#22:32 دَررئو 3:6. بزان مُردگانی هُدا نه‌اِنت، زندگێنانی هُدا اِنت.“ 33مردم چه ایسّائے تالیمانی اِشکنگا هئیران و هَبَکَّه بوتنت.
مسترێن پرمان
(مَرکاس 12:28–34؛ لوکا 10:25–28)
34وهدے پَریسی سهیگ بوتنت که ایسّایا چۆن سَدوکیانی دپ بستگ، گڑا یکجاه بوت و آتکنت. 35چه آیان یکّے، شَریَتئے کازیے اَت. آییا په ایسّائے چَکّاسگا جُست کرت: 36”او استاد! شَریَتئے مسترێن پرمان کجام اِنت؟“ 37ایسّایا پَسّئو دات:
”وتی هُداوندێن هُدایا چه دلئے جُهلانکیا، و گۆن سجّهێن جان و ساه و گۆن سجّهێن پَهم و پِگرا دۆست بدار.#22:37 موسّائے واز 6:4 و رَند. 38مسترێن و ائولی پرمان همِش اِنت. 39دومی پرمان هم، همِشیئے ڈئولا اِنت: وتی همساهگا وتی جندئے پئیما دۆست بدار.#22:39 لاویان 19:18. 40همے دوێن پرمان، موسّائے سجّهێن شَریَت و نبیانی پرمانانی بُنیاد اَنت.“
مَسیه کئیی چُکّ اِنت؟
(مَرکاس 12:35–37؛ لوکا 20:41–44)
41همے وهدا که پَریسی یکجاه بوت و آتکنت، ایسّایا چه آیان جُست کرت: 42”مَسیهئے بارئوا شما چے گوَشێت؟ آ کئیی چُکّ اِنت؟“ آیان پَسّئو دات: ”داوود بادشاهئے چُکّ اِنت.“ 43گوَشتی: ”گڑا چێا داوود چه پاکێن روهئے اِلهاما مسیها وتی هُداوندَ زانت، وهدے گوَشیت:
44 هُداوندا گۆن منی هُداوندا گوَشت:
’منی راستێن کشا تان هما وَهدا بنند
که من تئیی دژمنان تئیی پادانی چێرا دئورَ دئیان.‘ # 22:44 اسلیگێن یونانی نبشتانکَ گوَشیت: ”تئیی پادانی چێرئے تهتُکے بکنان“. # 22:44 زَبور 110:1.
45نون اگن داوود مَسیها وتی هُداوندَ گوَشیت، گڑا مَسیه چۆن آییئے چُکّ بوتَ کنت؟“ 46هچکَسا آییئے هبرانی پَسّئو دات نکرت و چه آ رۆچا و رند کَسّا دل نکرت که چه آییا دگه جُستے بکنت.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.