Baebelo 8
8
Basankoga ba baLewi Babezaga Kisusania kia Yesu uli Sankoga U tanakuzinda.
1Umpanga ku bibino bitukutenda, kitondo kili kinene u kikino buno, Tuli na sankoga munene, wikeide ku kuboko kua seidume kua Bukota bunene bua muigulu, 2mukiti mu busio buasuagibua nunse, nu wa mu numba za nsulu za bulili, zabikile Mukota, tondo ta muntu. 3Kubuno na sankoga na sankoga munene wabikua buno akasane nkaso nu kubika bisansa: kubuno buatunganana nuwe akasane kage. 4Kubuno songo abezaga ku kisi, ntanabede sankoga, kubuno kuli basankoga bekukasanaga nkaso zikukakizibua ku mulembe; 5bekukita mu lukita lua kisusania kia bitondo bia muigulu, anga bualagilue Mose na Kalaga gabezaga ese buigi na kukita zezo numba za nsulu; kubuno, atendile bune, Unguilila, kita binsania ku lukita lulo luwalolesezibue ku muiduko.#Ekesode 25:40. 6Tondo kano kaluma ese na mulimo musoga nunse, nu eli mukulumania weidagano isoga nunse, lialagilue ku malagano masoga nunse. 7Kubuno, songo lilio lia kulinga liasuagile, takunabede lingo. 8Kubuno ntabogilebogile na buakitile bantu bage, atendile bune,
Unguililazi, bindi bikuvua, ubukutenda Mukota,
Gankalaga idagano ito ku kikanga kia Isalele nu ku kikanga kia Yuda;
9Tanga idagano linalagile basoeinyue,
Ku busi bubo bunabatikizie ku kisi kia Ezipeto;
Kubuno tabakitile anga bunabalagile,
Nunne nsiabangile, ubuatendile Mukota.
10Kubuno lilino u idagano linkalagana na kikanga kia Isalele
Kutinga kua bindi bibio, ubukutenda Mukota;
Nabike milembe zane mu makengelo mabo,
Nu nazisanze mu mitima zabo;
Nunne nabe Kalaga wabo,
Nubo babe bantu bane;
11Nubo tabakeigisania buabo buabo,
Nu nawe nawe ku mubuto wage ekutenda bune,
Menya Mukota;
Kubuno bansania bakamenyinina,
kutukila ku muana muto aba nu ku mukulu munene.
12Kubuno nkabasigilila mibi zabo,
Nu misako zabo za buagi nsikazikengela lingo.#Yelemia 31:31-34.
13Nu ku kuko kutenda, idagano ito, liabigizie lilio itangi. Tondo kikio kise kiakunguka nu kubiga nti kisavua kukua.
Currently Selected:
Baebelo 8: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
