II Bakolinto 3
3
Kitondo kia Yesu Klisto Kiatinga Kitondo kia Mose.
1Ndi tukulinga lingo kuikaka tubenyene? aba ndi tukuiyanina, anga bango, mikanda za kumukaka aba zikutuka kumuli? 2Inyue muli mukanda weitu, wasanzilue mu mitima zeitu, wamenyininua nu kusomua na bantu bansania; 3mukumoneka buno buli mukanda wa Klisto, muli mulimo weitu, wasanzilue, ta ku mazi ma kusanza, tondo na Muuza wa Kalaga uli Mulami; ta ku mbabu za makozi, tondo ku mbabu za mitima. 4Nu kikino kili kilemanizio kituli nakio ku Kalaga mu Klisto: 5kubuno tatukengele buno menge meitu makutukaga kutuli isue benyene, tondo makutukaga ku Kalaga; 6nuwe atusuagizie buno tube bakiti beidagano ito; ta ku mulembe, tondo wa Muuza: kubuno mulembe ukuita, tondo Muuza ukukasanaga kalamo. 7Tondo ndi lilio lia lukuo, liasanzilue ku makozi, liavule mu lutanuno, nu bana ba Isalele tabavuamine kulola nunse ku Mose kubuno meiso mage malangalaga; nu lulo lutanuno taluizizizie: 8embe ndi lilino lia Muuza, ndi nti talili na lutanuno? 9Kubuno ndi lililo lia lusungio lili na lutanuno, kasi lilino lisanana nti liatinga lutanuno. 10Kubuno aba lilio liatanuinue taliabezaga na lutanuno ku bubuno, ku kitondo kia lutanuno luatinga nunse. 11Kubuno ndi lilio liatikizibue liabezaga na lutanuno, kasi lilino likuikala lili na lutanuno.
12Umpanga ku kuba tuli na kilemanizio kia lukita luluno, tukutenda buligo nunse, 13nuisue tatuli anga Mose, wikukide nsulu ku meiso, buno bana ba Isalele bubatanalola nunse kuzinda kua lilio taluizizizie; 14tondo bumenyinino buabo buabede bubibu; kubuno aba nu lelo mu kusoma idagano lia wakalazi nsulu zezo zikede, kubuno tabamenyinine buno, zatikizibue mu Klisto. 15Tondo aba nu lelo kungua bekusoma mulembe wa Mose, beli anga batakumenya. 16Tondo nkungu zibakagalukila Mukota, uzibakamenyinina. 17Umpanga Mukota eli Muuza: nu kuko kuli Muuza wa Mukota, ukuko kuli bukandulua. 18Tondo isue tatuakukilua na nsulu ku meiso, kubuno tukusania lutanuno lua Mukota, anga bukusania kiyolo; tukugalukibua ku kisusania kiage, kutuka ku lutanuno aba ku lutanuno anga bulukutukaga kua Mukota uli Muuza.
Currently Selected:
II Bakolinto 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
