Liɛnɛsu 6
6
Wana wa bɔkɔkɔ loliokola bisɔlɔnɛlɔ ya Lokasa
1Limɔ imi lɔɛnɛ ani asɔmbɔlɔkɔ Wana wa bɔkɔkɔ ɛmɔi ya bisɔlɔnɛlɔ bosambale, la imi loka ɔmɔi w’eba liwawi banɛi ani atoonga la limiki kwa elundi, mbo— Yauku! 2Imi lɔɛnɛ la tɛnɛ ngo punda efufu, la boto oyatalemi nda yao lounda botaliya la inde lofomo iyoyo sha lilongi, limɔ inde lokuswa okalongela wenda.
3Limɔ asɔmbɔlɔkɔ Inde ɛsɔlɔnɛlɔ ya imbale, imi loka ewa liwawi lia ambale ani inde loonga mbo— Yauku! 4La punda yasi lɔtɛmwa eyetelu la boto oyatalemi nda yao lofomo isosha shɔɔnɔkɔlɔ lilatemi nda wenda mbo bato boolakaneke, la afomoko ambɔtɛ wa likama.
5Limɔ asɔmbɔlɔkɔ Inde ɛsɔlɔnɛlɔ ya isatɔ, imi loka ewa liwawi lia asatɔ ani inde loonga mbo— Yauku! Imi lɔɛnɛ la tɛnɛ ngo punda yindo, la oyatalemi nda yao lounda ikweelo sha bolito nda bosamba wande. 6Limɔ imi loka kwa mbo limiki, sisi y’eba liwawi banɛi, elitoonga mbo— Ikweelo sha bofonga sitokwa lofalanga lɔmɔi la tokweela tosatɔ twa bangwindi ko lofalanga lɔmɔi, nde obebesëke baita la bänä!
7Limɔ asɔmbɔlɔkɔ Inde esɔlɔnɛlɔ ya inɛi, imi loka limiki lia ewa liwawi lia anɛi ani inde loonga mbo— Yauku! 8Imi lɔɛnɛ la tɛnɛ ngo punda elafwi kwa bolyo, la oyatalemi nda yao lotomo lina liko Liwa la ngɛnɛ wa Ewelo lotutana lande la iyo lofomo isosha shokakalesa botüku wa inɛi wa wenda, ndoola bato la ambɔtɛ la londo la loo la nyama ya lokonda.
9Limɔ asɔmbɔlɔkɔ Inde ɛsɔlɔnɛlɔ ya bɔɔmwi; ose ya etumbelo ya lifaefi, imi lɔɛnɛ belimo ya bato ebaolomoko eoka ya lioi lia Mungu la eoka ya likambesi liau liokambekesa basi; 10iyo loamama la limiki lifi, iyo mbo— ¿E Ngɛnɛ oyale Botanu la Wewe, otoumwaka to ko mbile yanga, angotaatel’iso njasɔ la angotakundel’iso bakila end’iyo ana ebayali nda wenda-bo? 11Limɔ boto la boto lofomo kanjo efufu la iyo loongomo mbo bataɛumaka kɔni mbile sinyo, ko nd’akaɔlwɛkɛ loketi loa ebasangani lau, bako bɛkɔwa la bitungani ebakaolomoko kwa aolomoko imɔ ko iyo angɛnɛ.
12Limɔ imi lɔɛnɛ ani asɔmbɔlɔkɔ Inde ɛsɔlɔnɛlɔ ya liambɛ, la nyɛlɛ lotukatuka likama la liso-lia-use lowindiala kwa likunia la songe lokweelo bakila, 13la tolonge twa use lokwaka se nda nyɛlɛ kwa atotaka bokumo baküka se ani botolɛlɛsɔmɔ ko la lofofo lofi. 14Limɔ biuse losɛnyakana kwa lokasa elosoundukolomo la föngo la besanga betotina losokolomo nda biyaelo ya yao.
15Limɔ bɛkɔta ya biese la benyafala la betoli oso ya bita, la bafoka la bato bafi la bɛkɔwa bitoti la toote imɔ, iyo loisakama nda fowa la nda batalɛ ba föngo; 16l’ani batoonga la föngo la batalɛ mbo— Wɛlɛkɛmɛkɛ se olikolo liasu la isamelak’iso nda bɔmbɔ wa Inde oyayali se nda kɛka efi la nda efango ya Wana wa bɔkɔkɔ, 17eoka lise lina lifi lia efango yande lisoya, limɔ ¿Ndai to atokɔkɔlɔ ndoemesana fii omao?
Currently Selected:
Liɛnɛsu 6: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
