Liɛnɛsu 21
21
Use boyai la wenda boyai
1Limɔ imi lɔɛnɛ use boyai, la se eyai, eoka wenda wa oso la use wa oso bisowanjwa, la eliya ya balia etiyale imɔ liasi. 2La imi lɔɛnɛ bokenge ona botanu, boko Yelusaleme eyai, ebotosulwa se ende Mungu nda use, la bosokomiomo kwa bowai asowatesomo lilɛngɔ eoka ya olome wande. 3Limɔ imi loka limiki lifi elisokuswa nda kɛka efi, elisoonga mbo— Toka kɔni, eyaelo ya Mungu ende sisi ya bato, la Inde atoyalaka amamwito lau, la iyo batoyalaka bato bande, la Mungu angɛnɛ nd’atoyalaka amamwito lau. 4Atɔɔmbɔkɔlɔ foo bitotina nda baiso bau, limɔ liwa litiayalek’imɔ liasi, ango ïkɛnɛnɛ, ango etondo ya lileli, ango wale angoyal’imɔ liasi, eoka eya oso bisowanjwa mbao.
5Limɔ Inde oyayali se nda kɛka efi loonga mbo— Toka kɔni, isokela bitotina biyai! Bokitomo loonga mbo— Sɔnɔkɔ mbo— Baoi-ba bende bolendelomu la momongo. 6Limɔ Inde loonga lami mbo— Losoya to ongoma. Imi yende Alafa la Omega, Liako la Losilo, Imi nd’atofaefak’inde oyayali la yɛmɛ yomwa balia ba isolo sha balia ba liwawi ko lifaefela; 7Inde oyatolonga esangolaka yao-bi la yeyalaka nde Mungu wande la inde eyalaka nde wana wami. 8Kongo ko bafefe ba bɔwa l’ebatiimele, l’eba betema ya bɛwɛwɛ, la baoli ba bato, l’eba belëfë, l’eba basoo ba fɔnɔli, l’ebatosemola bɛfɔnɔ ya mungu la batotina ba nanga, iyo ana bɛɔlɔkɔ eliau likaɔ nda eliya ya bösä ebosoaakana la boele, liwa-li liende elia ambale.
Bokenge boko Yelusaleme eyai
9Limɔ ɔmɔi wa bakitomo bosambale ebaundaka biengo bosambale ebitumi la baömä bosambale ba liili, inde loya la inde loonga lami mbo— Yauku l’ono, limɔ itotamb’aɛ Bowai, wali wa Wana wa bɔkɔkɔ! 10La inde lotola bolimo wami nda löngo lofi losa, limɔ inde lotamba’mi bokenge botanu, boko Yelusaleme ebosulwi se ende Mungu nda Use, 11eboanesomu la liangangi lia Mungu. Lolangalango loa wao loende kwa eloa lisasɛ lia bɔfɛkɔ wa loketi lofi loko jaspe, elile la liangangi kwa elia wɛ̈li. 12Bokenge bole la likula lifalu la botalemu fafo, elile la biome liu la imbale, la bakitomo liu la ambale bayali nda biome la baina batomu nda biome, bako baina ba tukela liu la imbale ya bana ba Isalaele. 13Nda fangi ya ɛsɔswɛlɔ ya bonyanya biyali biome bisatɔ, la nda fangi ya nord ko biome bisatɔ, la nda fangi ya sud ko biome bisatɔ, la nda fangi ya litele ko biome bisatɔ imɔ. 14La likula lia bokenge liaswomoko nda batalɛ ba lionda liu la bambale la baina liu la ambale batomu nda bao, bako baina ba Batomomu ba Wana wa bɔkɔkɔ.
15Inde oyaongaka lami ayalaka la isosola sha loela kwa ikweelo, mbo akweeleke bokenge la biome ya wao la likula lia wao. 16Bokenge loswomo la bako banɛi ebengani la bosa ɔmɔi; la bosa bole kwa bofalu wa wao. Limɔ inde lokweela bokenge la isosola, mbo bakilomɛta bilɛfu imbale la mia inɛi. La bosa, la bofalu, la botalemu wa bokenge biengani nde chaa. 17Limɔ inde lokweela likula lia bokenge, bofalu wengani banganjo mia la kama inɛi la inɛi, la ikweelo sha bolomboki, siko esha bokitomo imɔ.
18Yeka eyaswomoko la likula ko basasɛ ba bofɛkɔ bako jaspe la bokenge angɛnɛ waaka ko mbela ya loketi kwa talatala etani tanelele; 19la batalɛ ba lionda bakomyomoko la bɛfɛkɔ ya basasɛ ba loketi ba bɔfɔnɔ wike; elia oso ko jaspe, elia ambale ko saphir, elia asatɔ ko calcédoine, elia anɛi ko émeraude, 20elia bɔɔmwi ko sardonyx, elia liambɛ ko sardoine, elia bosambale ko chrysolithe, elia bonanɛi ko béryl, elia libwa ko topaze, elia liu ko chrysoprase, elia liu la limɔi ko jacinthe, elia liu la ambale ko améthyste. 21La biome liu la imbale loyala ko tokɛikɛli liu la tombale, bome ɔmɔi l’ɔmɔi ko ikɛikɛli simwito sifi; la lɔ̈mbɔ loa bokenge loyala ko mbela ya loketi kwa talatala etanu tanelele.
22Nde itiɛnɛkɛ Ndakɔ ya Mungu omao nda bokenge, eoka Ngɛnɛ Mungu oyale Ngɛnɛ wa Bofoka bototina, Inde nd’ayali Einelo ya wao la Wana wa bɔkɔkɔ lisanga. 23La bokenge boti ango la boeno wa löwa, ango ko tengai ndoanekesa wao, eoka tala ya Mungu angɛnɛ litoangangela wao la Wana wa bɔkɔkɔ ale kwa päka ya wao. 24Tukela ya wenda belakɛndɛkɛndɛkɛ nda liangangi lia wao, la bekɔta ya wenda belayaka ina la bɛfɛkɔ yau; 25La biome ya wao bitialiakomoko la löwa, imɔ ko la ocho, eoka bocho bot’imɔ omao; 26limɔ belaeshaka tala la lilitesi lia tukela ya wenda nda wao. 27Nde yeka eyetitane, ango boto wa bɔwɛwɛ, kwa oyatosama nanga, angɔɔtɔkɔ omao, kangä ko ebasotome baina nda Lokasa loa Loiko loa Wana wa bɔkɔkɔ.
Currently Selected:
Liɛnɛsu 21: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
