Liɛnɛsu 1
1
1Liɛnɛsu lia Yesu Masiya, eliafaefaka Mungu Inde, mbo atambeke bɛkɔwa yande njasɔ ebisamboya la Inde lotoma bokitomo wande ndoluwesa liao ende bɔkɔwa wande ako Yoane, 2oyakambesaka lioi lia Mungu la likambesi lia Yesu Masiya, ko bitotina eyɛnɛk’inde. 3Limɛngɔ end’inde oyatotangelaka bato l’ende ebatokaka baoi ba litɔndɔli-li l’ebatolitekesa ebisosɔnɔmɔ nda liao; eoka mbile esamboya tina.
4Yoane, ende bitanda osambale ebile nda yese ya Asia,
Booto la lilatemi end’ino, eya Inde oyayali, la oyayalaka, la oyakayeke; la eya Belimo bosambale ebiyali oso wa kɛka yande, 5la eya Yesu Masiya, Bokambesi wolendelomo la ewa oso ewatɛmwaka nda liwa la Bokakalesi wa Bɛkɔta ya wenda.
6Ende Inde oyasosamak’iso la oyasɔɔnɔkɔlɔk’iso nda batwanelo basu ko la losendwo loa bakila bande angɛnɛ la oyasoyales’iso yakakaelo la botukä wa Kanga ebüchomu ende Mungu la Sango wande, tala la isosha bifomoko ngo ko end’Inde ko layalaya! Ongoma. 7Tɛnɛ ngo, atoya nda bafita la baiso batotina bɛlɛnɛk’Inde swaa, buu ko l’ebatumak’Inde likonga, tukela bitotina ya wenda elaleelak’Inde etondo; ngo ko anyo, ongoma.
8Bɔkɔta Mungu asoonga mbo— Imi yende Alafa la Omega, litina mbo liako la losilo, oyayali, la oyayalaka la oyakayeke ako Ngɛnɛ wa Bofoka bototina.
Liɛnɛsu eliɛnɛkɛ Yoane nda Patemo
9Imi Yoane, boloo wanu la ɔmɔi oyasangani lanu nda bifembi la nda likakalesi la nda likɔkɔmɛlɛ lia Yesu Masiya, imi loyala oko nda bosanga ewatangomoko mbo Patemo loasɔ loa lioi lia Mungu la likambesi lia wɛndi wa Yesu Masiya. 10Nda lise lia Ngɛnɛ, yakwaka nda Bolimo kwa nda efima, limɔ ombisa yami, imi loka limiki lifi kwa elia ifonge, 11eliaongaka mbo— Sɔnɔkɔ nda lokasa ko yao ebikɛnɛk’aɛ la tomaka loao ende bitanda bosambale, nda Efeso, la nda Semuluna, la nda Pelagamona, la nda Tuateila, la nda Saladisi, la nda Filadelafia, la nda Laodikiya.
12Limɔ imi lokikwa mbo yɛnɛkɛ ngɛnɛ wa limiki eliaongaka lami, la akikwaka’mi, limɔ imi lɔɛnɛ bitalielo ya päka bosambale ebitulomu nda mbela, 13la atiteni ya bitalielo ya päka, imi lɔɛnɛ ɔmɔi oyɛnɛli kwa Wana wa Boto. Awataka kanju ko nda batindi la bɔkɔli wa mbela nda bokükü. 14Botö wande la swee biyali bifufu kwa fululu angɛnɛ, bifufu kwa basasɛ ba mbula la baiso bande bayali kwa bösä wa loiloi, 15la batindi bande bayali kwa bosongo ebosofufolomo ani bosotalangolomo la bösä, la limiki liande liyali kwa elundi ya tolimo; 16la nda bosamba wa olome, inde lounda tolonge osambale la ambɔtɛ wa fänga imbale ebiötu lokuswa nda bɔnɔkɔ wande, la bɔmbɔ wande kwa liso lia use, ani liao lisoanganga nda efanga ya löwa.
17Limɔ ɛnɛkɛ’mi wɛnɛ Inde, imi lokwa se nda batindi bande, kwa mbo isowa; Inde lotaliela’mi bosamba wande wa olome, Inde loonga mbo— Owangëke, Imi yende ewa oso, l’ewa mbisa, 18la Oyakoyali la loiko; yawäkä, nde tɛnɛngo, ikoyali la loiko loa layalaya la isounda fungola ya liwa la eya Ewelo. 19Eokao sɔnɔkɔ njasɔ ebisɔɛn’aɛ, la yao ebiyali la ebikayeke mbisa. 20Feu ya loasɔ loa tolonge bosambale etwɛniki aɛ nda bosamba wami wa olome la bitalielo bosambale ya päka ya mbela, ambo tolonge bosambale twende bakitomo ba bitanda bosambale, la bitalielo ya päka bosambale yende bitanda bosambale angɛnɛ.
Currently Selected:
Liɛnɛsu 1: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
