3 Yoane 1
1
1Imi Wange w’Etanda nd’asosɔnɔ lokasa-lo ende Gayo oyasamomu lami la wewe. 2Isosomboel’aɛ oyasamomu lami, mbo oyalakeke la ngwɛngwɛlɛ nda njasɔ bitotina la nda bosasu lisanga, kwa ayal’imɔ ko bolimo waɛ la ngwɛngwɛlɛ. 3Eoka isokaka bootaota finɛ ani asoya bitungani bimɔi y’Etanda oyaluwesa’mi loasɔ loa wewe ebole laɛ la kwa atokɛndɛl’aɛ ko nda wewe. 4Iti ango la bootaota wolongela ebo, boko mbo bana bami batokɛndɛkɛ ngo ko nda wewe.
Sungaka eb’Etanda ba wewe, nde okwelëke ebabe
5Bosamomu lami, asosungak’aɛ osunga bitungani y’Etanda, simbi to bɛɛnda, ambo lole bokeeli wa liimeli, 6la basokambesa Etanda loasɔ loa losamɔ loaɛ; otokela bolau finɛ ndokatik’iyo nda kɛndɔ, kwa aondu nde la likuwa lia Mungu. 7Eoka basoila lɔkɛndɔ ko l’eoka ya Lina liande la batiɔsɛkɛ yeka ende ebati basu. 8Eokao lole end’iso ndosungaka bato bana, mbo toyaleke ebasangani lau nda likuwa lia wewe.
9Yasɔnɔkɔ sumbu ende eb’Etanda, kongo ko Diotelefe oyalɛmbi finɛ ndoyala botoli oso, atikulie ndolites’iso; 10Eokao, yeya, itoenyakela ebitokelak’inde la baoi babe ebatoongaong’inde loasɔ loasu, nde atisɛlɛ eya, inde angɛnɛ angonyangela bitungani la asosokol’iyo nda Etanda.
11Bosamomu lami, otutelëke bekeeli ebe, kanga ebilau. Oyatokelaka olau, ale wana wa Mungu; nde oyatokelaka obe ambo atiɛnɛkɛ Mungu. 12Demetulio asokuliomo la batotina mbo boto olau la imɔ ko l’eoka ya wewe angɛnɛ; iso imɔ nd’asokulia mbo ale bolau la oluwi nde mbo likulyi liasu lile ngo ko wewe.
13Iyaliki nde la njasɔ wike yosɔnɛl’aɛ, nde itilɛmb’imɔ ndosɔnɔ la bɔsɔni wa wino; 14nde yende la iɛli shoyɛn’aɛ mbisa ya mbile sinyo limɔ iso koongana l’ɔmbɔ l’ɔmbɔ. 15Lilatemi liyaleke laɛ! Baina ono basoseel’aɛ. Seelaka baina lasu boto la boto ko la lina liande.
Currently Selected:
3 Yoane 1: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.