2 Yoane 1
1
1Imi Wange w’Etanda, nd’asosɔnɔ lokasa-lo ende botomali wa elame oyaaomu la Mungu, la ende bana bande, ebasamomu lami batotina la wewe; la inga ko lami kongo, kangä imɔ ko la batoti ebaluwi njasɔ ya wewe, 2ko l’eoka ya wewe eboyali nda betema yasu la ebokayaleke imɔ lasu ko layalaya. 3Booto la shota la lilatemi ya Mungu Sango la Yesu Masiya ako Wana wa Sango, biyaleke lasu nda wewe la losamɔ!
Tokɛndɛlɛkɛ la lilitesi nda losamɔ
4Isokaka limɛngɔ finɛ eoka isoosha bamɔi ba bana baɛ batokɛndɛlɛ ko nda wewe, kwa atelomoko iso ekela ko la Sango. 5La kwani, Botomali wa elame, isömb’aɛ ing’imɔ ndosɔnɛl’aɛ ekela eyai, kangä ko yao eyaaka lasu ko nda liako, eko mbo tosamaneke. 6La losamɔ lona lole ngo ko mbo tokɛndɛlɛkɛ ko nda bikela yande; ekela ena, kwa okakä ino ko nda liako, mbo okɛndɛlɛkɛ nda losamɔ. 7Eoka balimbakeli wike basokakɛndɛkɛ nda wenda-bo, bato ebaitoaola mbo Yesu Masiya asoya nda bindo ya boto. Bɔfɔnɔ-bo ale bolimbakeli la bofekwani la Masiya. 8Lambaka betema yanu, mbo otalefesa yao ebisokuwel’ino, kangä mbo bɔɔlɛkɛ bondanda ebosɔɔlwa. 9Boto oyatoetela oso, angokɔkɔmɔ ko nda liekesi lia Masiya, ambo ona atiyale la Mungu; nde oyasokɔkɔmɔ nda liekesi, ambo ona asoyala la Sango la Wana. 10Boto eya end’ino ani atieshe liekesi-li, ɔtɛsɛ̈k’inde nda ndakɔ, oseelëk’inde! 11Eoka boto oyatoseel’inde, ambo asosangana lande nda bekeeli bibe yande.
12Ile la njasɔ wike yoonga lanu, nde itiangosɔnɔ la lokasa la wino kongo ko yende la iɛli shoyɛn’ino la ndoongana lanu l’ɔmbo l’ɔmbɔ, mbo limɛngɔ lianu liɔlwɛkɛ.
13Bana ba etungani yaɛ etomali oyasoaomo basoseel’aɛ.
Currently Selected:
2 Yoane 1: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
