1 Yoane 2
2
Bana ba Mungu bende la losamɔ loa Mungu
1E bana bami bakɛkɛ, isosɔnɛl’ino njasɔ-bi mbo otatwanelo; nde eya to mbo boto etwanelo, ani tole la Boongeli woongel’iso ende Sango, ako Yesu Masiya Oyengani, 2la Inde nd’ale Likambi lioendol’iso loasɔ loa batwanelo basu, inga ko eoka eyasu kongo, kangä eoka ya eba wenda bototi. 3Toluwi nde mbo tosolu wak’Inde ko ani asolites’iso bikela yande. 4Oyatoonga mbo— Isoluw’Inde, ani atilitese bikela yande, inde ale ngo la lolanga la wewe bot’imɔ nda botema wande; 5nde oyatolitesa lioi liande, wewe losamɔ loa Mungu losoengana chaa nda botema wande. Ko la loasɔ-lo tosoluwa mbo toyali nde tɔɔ end’Inde; 6boto oyatoonga mbo asokɔkɔmɔ tɔɔ end’Inde, ambo aondu nde ndoyala la boyaeli ewayalaka lande.
7Ino basamomu, itisɔnɛl’ino ekela eyai, kangä ekela eyesoumwaka la eyaɔlɔk’ino ko nda liakoli; ekela eyesoumwa yende lioi elisokak’ino. 8Nde isosɔnɛl’ino oko ekela eyai, la end’Inde la end’ino lisanga yende ngo wewe, mbo lilima lisowanjwa la löwa loa wewe losoana oko kwani. 9Boto oyasoonga mbo ale nda löwa ani asoiyana la booto lande, akoyali ngo ko nda lilima ko kwani. 10Boto oyasosama booto lande, asoanyema nda löwa la at’imɔ la litina liokwesaka basi likulia. 11Nde boto oyasoiyana la booto lande akoyali kɔni nda lilima la akokɛndɛkɛndɛ nda lilima, aitoluwa olo atɔkɛ lande eoka lilima lisotufesa baiso bande.
12Bana bakɛkɛ, isosɔnɛl’ino lokasa eoka batwanelo banu basomɛsɛlɔmɔ ko l’eoka ya lina liande. 13Basango, isosɔnɛl’ino lokasa eoka oluwi nde Inde Oyayali ko nda liakoli. Tosenge, isosɔnɛl’ino lokasa eoka osokwesa la osolonga Ewa Bobe. Bana, isosɔnɛl’ino lokasa eoka osoluwa Sango. 14Basango, isosɔnɛl’ino lokasa eoka oluwi nde Inde Oyayali ko nda liakoli. Tosenge, isosɔnɛl’ino lokasa eoka wende la bofoka finɛ, la lioi lia Mungu likoyali nda betema yanu la eoka osokwesa Ewa Bobe.
15Osamëke wenda-bo, ango ko biengo ebile nda wenda-bo; eya mbo boto esama wenda-bo, ambo ati la losamɔ loa Mungu nda botema wande. 16Eoka bitoti ebile nda wenda, biko yɛmɛ ya bindo, la yɛmɛ yolola ebitɔɛnɛ bato la baiso, la tofälä twa liwawi-li, yao-bi bitisekwe ende Sango kangä nda wenda-bo. 17Wenda-bo bosowanjwa mbao la yɛmɛ ya wao imɔ, kongo ko inde oyatolitesa lisangi lia Mungu atotikala nde ko layalaya.
Beimo ende bana ba Etanda ya Masiya
18Bana’mi, mbile ya liko esoya to; kwa okak’ino mbo Bofekwani la Masiya atoya, ongoma kwani bafekwani ba Masiya basoyala; ko ongoma tosoluwa mbo mbile ya liko esoya. 19Basekwak’end’iso nde batiayalaka ebasu, eoka eya to mbo beyalaka ebasu, ani basoumwaka lasu; nde basekwaka end’iso eoka ndwɛnɛsɛ fololo mbo batotina bati ebasu. 20La ino nd’asowɛlɔmɔ ko loücho loa Ewa Botanu, limɔ ino batotina nd’aluwi ebile wewe; 21isosɔnɛl’ino lokasa, inga eoka mbo otiluwe wewe, kangä mbo oluwi nde wao la mbo lolanga loti ango loa wewe.
22¿Ndai to nd’ayali ewa lolanga, sakolo ngo ko inde oyatoanganya mbo— Yesu ati Masiya? Oyatoanganya Sango la Wana, boto ona ende Bofekwani la Masiya; 23angwɛnɛ boto oyatoanganya Wana, koyala la Sango. Nde oyatoaolela Wana, ale imɔ ko la Sango. 24Nde ebisokak’ino ko nda liakoli, bitikaleke ngo ko lanu; eya to mbo yao ebiokak’ino nda liakoli betikala nda betema yanu, ani ono kotikala tɔɔ ende Wana la ende Sango imɔ. 25La lisakä eliatikelak’Inde etikel’iso liende ngo ko mbo Liwawi lia layalaya.
26Isosɔnɛl’ino njasɔ-bi loasɔ loa bato ebatoengoles’ino. 27Nde loücho elosowɛlɛmɛ ino ko end’Inde, losotikala lanu, la bot’imɔ la boeno mbo boto ekesek’ino; kangä eloande loücho lotoekekes’ino njasɔ bitotina la loao loende wewe, loti lolanga. La kwani asoekesa loao oekes’ino, tikalaka ngo ko end’Inde.
28Kwani, bana bakɛkɛ, yalakaka ngo ko end’Inde, litina mbo akɛnɛlɛk’Inde toyaleke ko la lotendela lolau, angowangatalel’Inde la sɔni nda loyo loande. 29Eya to mbo boluwa mbo ende Wengani, luwaka imɔ ko mbo boto oyakakeleke ko eya liengani, ambo aotomu nde ko lande.
Currently Selected:
1 Yoane 2: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
