Belemo Beki Bikima 1
1
1NKOTAKI bonkanda boki joso, O Teofilo, nd’ewela ea baoyi’auma baki Yesu oangaka lokela, ko baki’nd’oangaka lolaka, 2elaka nko mbile eki’nd’oulelaka, nd’afeka ba lotomo loki’nd’otomaka bikima biki’nd’osonaka la Bolimo w’olotsi: 3aoleney’ende mongo el’iyo ayoike nd’afeka b’elo eki’nde la ntaza iuke mongo, ko ayenya el’iyo bembile ntuku inei, ko ayosange baoyi ba likulaka ja Nzakomba; 4ko aki’nd’otakane l’iyo, aolasangela wete bafaimana lima Yelusalema, ko aokela, Lolendeza elaka ea Fafa ngok’iny’ookaka lim’el’emi: 5nd’ewela wae Yoane inak’anto nd’asi nsosolo; lolonde bembile bef’ouke lifinama nd’olimo w’olotsi.
6Koko, ak’iy’otakane, baolouola, bakela, Nkolo, wifuteya likulaka ele Yisalaele aeyoko nde? 7Ende aolakela, Afa mpifo ekinyo wae lea bikeke la bileko biki Fafa obuzaka nda mpifo ekande mongo. 8Lolonde ae Bolimo w’olotsi oya el’inyo, lifoata mpamba, ko lifo yalema temoins bakami nda Yelusalema, la nda bise bia Yudea la Samalia biuma, ko elaka nko ntundo mongo y’okili. 9Aki’nd’osangaka ngoko, aolulela o nd’aiso’akiyo; ko litute joloamba lim’aiso’akiyo. 10Andulel’ende, ko aal’iyo nda loola te, bala, bant’afe baolemala el’iyo la bito bia fe; 11iyo bakela, Iny’anto ba Ngalilaya, lemala ngone, ko loala te nda loola lae? Yesu one ondambemaki nda loola, ifuta lenkina nk’eleng’eko ek’iny’oenak’ende aokenda nda loola.
12Nkako iyo baoluta nda Yelusalema lima ngongo etangema Bilaya, eko wete ntutama la Yelusalema esi nga lokendo ja Sabata kika. 13Ak’iy’omotswaka, baounda nda ntena e’aliko, ek’iy’okokit’ase; Petelo la Yoane la Yakobo l’Andelo, la Filipo la Toma, la Balutomayo la Matayo, la Yakobo bona owa Alafayo, la Simona owa Zelote ko la Yuda bokune owa Yakobo. 14Bako bauma baoyala la loncinji la lokai lomoko nd’oondo, iyo l’amato bamo, la Malia nyango ea Yesu, ko l’akune ba Yesu.
15Ko nd’ekek’eko Petelo aolemala nd’etei e’alongo (ko etukuluku e’anto baki eko, nkina bonkama l’anto ntuku ife), aokela, 16Balongo, joi jolelama wae ekotelo ea Nzakomba iele, eko eki Bolimo w’olotsi otelaka l’omwa wa Dawidi nd’eloko ea Yudasa, oki bolonji owa mboka el’iy’akandaki Yesu. 17Nd’ewela wae ende aandemaki l’iso, ko ambaki mpifo nd’olemo bone. 18(Bont’oko asombaki lisala la nyongo ea bobe’okae; ko akweki besunangongo, likunju likae jolatsa kwa, ko besofo bekae beuma beolola bu. 19Ko joi liko joleana el’ant’auma bafetsaki nda Yelusalema; nd’ewel’eko lisala liko jotangema nda lofoso lokiyo Akeladama, wae Lisala j’alongo.) 20Ele joi jokotama nd’onkanda wa Nsau,
Kela lifeta likae liyaleme nk’elaji,
Ko nk’onto afets’eko nye:
ko,
Kel’onkina asulungane nda mpifo eki’nde.
21Nd’ewel’eko, lim’el’anto baki l’iso betso l’etso nd’ekeke euma eki Nkolo Yesu oetetaka el’iso wiji la wiji, 22lim’eki inelo ea Yoane, elaka nko mbile eki’nd’oambemaka lim’el’iso nda loola, lim’el’ant’ako eji wae omo ayale l’iso ngole temoin ea eetswelo ekae lim’iwa. 23Ko baolemaza bafe, wete Yosefa otangema Balusaba, oki la nkombo Yuseto, ko la Matia. 24Ko baondaki, baokela, We, Nkolo, ondea betema bi’ant’auma, oteneya ndats’iy’ak’afe oso oki we osonaka, 25wae asulungane nda mpifo l’olemo’one w’ekima eki Yudasa oimanaka, wae acwe nda wiji’okae mongo. 26Ko baokela ntaza ikiyo ya nsasona; ko esonelo eokwela Matia; ko ende aandemaki la ba-jom-l’omoko.
Currently Selected:
Belemo Beki Bikima 1: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
