Yoane 17
17
Erisaba ryaYesu
1Emyatsi eyi Yesu mwabugayo; nerilalamira elubula, mwabuga, ati, Tata, endambi yamahika; ukenge Mugala wawe, noMugala akukenge: 2ngoko wabirimuha ehamuli oko byosi ebiwite omubiri, iniaha engebe yerikota oko bosi wamuha. 3Eyi ni ngebe yerikota, bakuminye we Mungu muguma wekwenene, noyo watuma, Yesu Kristo. 4Monakukenga omu kihugo, inabiribuga mubiri wamba erikola. 5Na lino Tata, unyikenge haguma nawe uwowene, nolukengerwa olo nabya nalo haguma nawe embere we kihugo eribya. 6Monaminyikalya erina ryawe oko bandu abo wamba omo e kihugo: babya bawe, mowambabo; kandi babiriteya eKinywa kyawe. 7Lino banasi ko myatsi yosi yahi eyo wamba ikalwa ukuwe: 8kusangwa ebinywa ebyo wamba nabirihabyobo; babiriimyabyo, babiri minya kwenene ko nalwa ewawe, mobikirirya ko wanyituma. 9Ngasabirabo: sindisabira e kihugo, nikwa ngasabira abo wamba; kusangwa ni bawe: 10nemyatsi yosi yage ni yawe: nage ngakengawa omwisi syayo. 11Nage sinyiri kandi omo kihugo, naba bari omo kihugo, nage ngasa kuwe. Tata Ubu yirire, utegayebo omo rina ryage abo wamba, babye muguma, nga twi. 12Omugulu nabya nabo, monateyabo omo rina ryawe abo wamba: monalemberabo ndeke, mohatahera nomu guma, yono mugala werihera; erisaka ribererere. 13Nikwa lino ngasa kuwe; nemyatsi eyi ngabugayo omo kihugo, ibatoka eriusulibwa nobutseme bwage omwisi wabo. 14Nabirihabo eKinywa kyawe; ne kihugo mokyakwabo obusu, kusangwa sibe kihugo, nage ngoko nyite we kihugo. 15Sindisaba nyiti ulu sayebo omo kihugo, nikwa utegayebo oko mubi. 16Sibe kihugo, nage ngoko nyite we kihugo.
17Uhigulebo babye babuyirire omo kwenene: eKinywa kyawe ni kwenene. 18Ngoko wanyituma omo kihugo, nage nabiritumabo omo kihugo. 19Busana nomwatsi wabo ngayihigula, ibatoka erihigulwa omo kwenene. 20Kandi sindisaba busana naba ibobene, nikwa busana naba kanyikiriraya busana nekinywa kyabo; 21abosi babye muguma; ngoko uwe Tata, uri omwisi wage, nage omwisi wawe, nabo batoke eribya omwisi wetu: e kihugo kikiriraye kwari ini we wanyituma. 22Nolukengerwa olo wabirimba nabirihalobo; babye muguma ngoko turi muguma. 23Ingye omwisi wabo, nawe omwisi wage, bayirawe mo muguma kwenene; e kihugo kiminye kwari ni we wanyituma, wabirianzabo, ngoko wanyanza. 24Tata, abo wabirimba ngasonda aho nyiri nabo babyeho haguma nage, balangire olukengerwa lwage, olo wamba: ku sangwa wanyanza embere wekibanza kye kihugo. 25Tata ugutunganene, e kihugo mokitetakuminya, nikwa ingye naku minya; naba nabo mobaminya kwari ini we wanyituma; 26kandi monaminyisyabo erina ryawe, nasyaswaminyi swaryo; olwanzo olo wanyanza nalo lubye omwisi wabo, nage omwisi wabo.
Currently Selected:
Yoane 17: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.