Yoane 16
16
Eriendirerya rye kihugo
1Emyatsi eyi nabiribuga nenyu, imutabana ekyeribatwi kalya. 2Basyabahiga omo manyumba werihindana: kandi, endambi ikasa, oyo wasyabita asyaringikania nga akakola omubiri busana noMungu. 3Nemyatsi eyi basyakolayo ku sangwa sibetaminya Tata, kutse ingye. 4Nikwa nabiribabwira emyatsi eyi, neryo omugulu endambi yasyabya yahika, imwi bukayo, ngoko nababwira. Nemyatsi eyi eritsuka erimbere mondababwirayo, kusangwa nabya nenyu. 5Nikwa lino ngaya ukwoyo wanyituma; sihari muguma kwinywe oyu kambulaya, ati, Ukayahi kwehi? 6Nikwa kusangwa nabiribabwira emyatsi eyi, emitima yenyu ikusula nobulige. 7Nikwa ngababwira kwenene: Litolere busana nenyu inagenda, kusangwa nama tindagenda, Embuyi isiyendisyasa kwinywe; nikwa namagenda, nasyabatumirayo. 8Naye, asyabya asa, asyasinga e kihugo busana nebibi, nebitunganene, neritswera: 9busana nebibi, kusangwa sibetanyikirirya; 10busana neritunganene, kusangwa ngaya ewaTata, nenyu imutaswanyilolako; 11busana neri tswera, kusangwa omusoki we kihugo eki amatswerwa lubi.
12Ngwite kandi emyatsi mingi yeribabwira, nikwa simwangatoka erihekayo lino. 13Nikwa omugulu iye, Kirimu kyekwenene kyasyasa, asyabasondolera omo kwenene yosi: kusangwa siendisyabuga erilwa kwiye; nikwa emyatsi yahi asyowa yakandisyabuga: kandi asyabatulirayo eyikandisyasa. 14Asyanyikenga: kusangwa asyimya ebyage, iniabatulirabyo. 15Emyatsi yosi yahi Tata awite ni yage: kikaleka inabuga, nyiti, akimaya ebyage, asyabatulirabyo.
Enyuma hake
16Hakisiya katambi kake imutaswanyilolako; nakandi ka tambi kake imwaswanyilolako. 17Abandi boko biga mobabulania, bati, Eki ni kyahi ekyakabuga netu, ati, Hakisiya akatambi kake imutaswanyilolako; na kandi katambi kake, imwaswanyilolako: na kandi, ati, Kusangwa ngaya ewaTata. 18Kyaleka ibabuga, bati, Eki ni kyahi ekyakabuga, ati Aka tambi kake, kwehi? Sitwasi ebyamabuga. 19Yesu mwaminya kobakasonda erimubulya, mwabulyabo, ati, Mukabulanaya busana nekyo ngabibuga nyiti. Hakisiya akatambi kake, imuta swanyilolako, na kandi katambi kake, imwaswanyilolako kwehi? 20Kundu, kundu, ngabuga nenyu, Mwasyarira, nerilaka, nikwa e kihugo kyasyatsema: mwasyasusumana, nerisusumana ryenyu ryasyabindulwa mo butseme. 21Omukali omugulu akakunda ari nobulige, kusangwa endambi yiwe yamahika: nikwa omu gulu amabibuta omwana, siaribuka kandi eriagalwa, busana nobutseme kusangwa omundu amabutwa omo kihugo. 22Ne nyu muri nobulige lino: nikwa nasya swabalolako, nemitima yenyu yasyatsema, nobutseme bwenyu sihali mundu wasyaba sagulabo. 23Noko kiro ekyo simwendisyabulyaki. Kundu, kundu, ngabuga nenyu, nyiti, Kindu kyahi mwasyabulya Tata, asyabahakyo omo rina ryage. 24Erihika lino simwatabulyaki omo rina ryage: musabe, imwasimya, obutseme bwenyu butoke erisulibwa.
25Emyatsi eyi nabiribabwirayo omo misyo: endambi ikasa sindiendisyabuga nenyu omo misyo, nikwa nasyababwira emyatsi ya Tata neriminyikalya. 26Oko kiro ekyo mwasyasaba omo rina ryage: sindibuga nenyu, nyiti, Nasyasaba Tata busana nenyu; 27kusangwa Tata anabanzire iyowenewene, kusangwa mwabirinyanza, mwabirikirirya ko nalwa ku Tata. 28Nalwa ku Tata, monasa omo kihugo: kandi, ngasiga e kihugo, ngaya ewa Tata. 29Abiga biwe bati, Lebaya, lino ukabuga nerimi nyikalya, suribuga omo misyo. 30Lino tunasi ko wasi emyatsi yosi isutolere mundu akakubulya: busana neki tukikiriraya ko walwa oko Mungu. 31Yesu mwabulyabo, ati, Mwamikirirya lino kwehi? 32Lebaya, endambi ikasa, kandi yamahika, imwasyapanzapanzwa, ogundi ewuwe, nogundi ewuwe, mwa syanyisiga ingyowene: nikwa sindi ingyowene: kusangwa Tata ari haguma nage. 33Emyatsi eyi namabuga nenyu, mubye nobuholo omwisi wage. Omo kihugo muri neriendereribwa: nikwa muyisyandire; nabirikinda e kihugo.
Currently Selected:
Yoane 16: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.