Emibiri 19
19
Abiga baYoane neKirimu Kibuyirire
1Nomugulu Apolo abya eKorinto, Paulo mwalaba omo kihugo kyendata mwahika Efeso. Neryo mweyayo abandi biga. 2Mwabulyabo ati, Momwangirira eKirimu Kibuyirire omugulu mwikiriraya? mobasubirya bati, Eyihi, sitwetowa ko hari eKirimu Kibuyirire. 3Neryo mwabuga ati, Mwabatisi bawa muki kwehi? Nabo bati, Omo batisimo ya Yoane. 4Paulo ati, Yoane abatisaya omo batisimo yeribinduka, aka bwira bandu ati bikiriraye oyu kandisyasa enyuma kwiye, ni Yesu. 5Neriowa eki mobabatisibwa omo rina ryoMukama Yesu. 6Nomugulu Paulo abere abihira kubo kwebyala, eKirimu Kibuyirire mokyasa kubo; mobabuga neyindi mibuge mobaminyerera. 7Nabo babya nga bandu ikumi nababiri.
Erikania ryeKinywa kyoMungu
8Neryo mwingira omo nyumba yerihindana mwabugayo emikera isatu akatula engulu yowene neritindiubaha nerikuba obuhaka nerihatikanabo busana nobwami bwoMungu. 9Nikwa omugulu abandi bakubo bakala mobatikirirya, ibakabuga nabi busana neNzira eyo embere syendeko, iye mwalwa kubo, mwatwala abiga haguma naye, mwabya akakuba obuhaka oburi kiro omo nyumba yeriigirimo ya Tirano. 10Neryo mwakola atya mwabuga emituta ibiri, kyaleka abosi ababya bikere eAsia, abaYuda na baGiriki ibowa eKinywa kyoMukama.
11NoMungu mwakola ebitikotiko omu byala byaPaulo ebitebyatakolwa, 12kyaleka ibatwala ebihande byesyongimba nesyongimba bakatulyasyo oko mubiri wuwe ibatwalirasyo abakoni, neryo esyondwala isyalwa kubo nesyombinga isya lwamo. 13Neryo abandi babasaki babaYuda abalenderi mobalenga eriahula erina ryoMukama Yesu endata wabari kwesyombinga bati, Ngakusema Yesu oyo Paulo akakangiriraya. 14Abagala balinda bomuhereri mukulu muYuda oyo kahulawa mo Sikewa babya bakakola batya. 15Nikwa embinga eyo moyasubirya, iti, Yesu nyimwasi, na Paulo nabirimuminya; nikwa inywe muri bahi kwehi? 16Nomundu oyo wabya kwembinga mwagulukirabo, mwakindabo bosi, mwatokabo, mobatibita eyihya yondumbu ibamabihutala ebironda. 17No mwatsi oyo mwaminyikala oko bosi abikere Efeso, abaYuda nabaGiriki; mobakwa obuba abosi; nerina ryoMukama Yesu moryakengwa. 18Abangi boko bikirirye mobasa nerikangania nerihulukya emibiri yabo. 19Nabandi boko bakumu mobaleta ebitabu byabo haguma mobahisyabyo omo meso wabosi; mobaganza obuguri bwabyo mobwabya esyofranka syekitsipa elfu makumi atano. 20Nekinywa kyoMukama mokyatsungana mokyasingana namaka.
Abahesi bArtemi
21Neryo enyuma wemyatsi eyi Paulo mwaganirya omo Kirimu erilaba eMakedonia neAkaya neriya eYerusalema, ati, Nasyabya nabibyayo, ritolere inaya lebya neRoma. 22Neryo abere abituma abawatikya buwe babiri, Timoteo na Erasto eMakedonia, iye mwasigala eAsia ebiro bike.
23Oko mugulu oyo omwaga munene mwahuluka busana neNzira eyo. 24Kusangwa omundu oyo kahulawa mo Demetrio, omuhesi webitsipa, oyo wabya akahesa emisaka yekitsipa yerisabiramo Artemi, mwaletera abahesi endundi nene. 25Mwahindaniabo haguma na bandi abakakola omubiri oyo, mwabuga ati, Inywe balume munasi endundi yetu ikalwa oko mubiri oyu. 26Mukalangira neriowa butsira Efeso hasa nikwa hakuhi neAsia hosi Paulo oyu abiribindula endeko nene yabandu, ati emiungu ikakokotibawa omo byala si miungu. 27Hari kyeriitisya butsira oko mubiri wetu musa watindahera nikwa ehekalu yomungu mukulu wobukali Artemi iyaganzwa nga buyira, naye mbino inialusibwa oko bubuya buwe, Oyu kasabawa eAsia yosi ne kihugo.
28Omugulu bowa ebi mo bahitana kutsibu, mobabugira igoma bati, Artemi wEfeso ni Mukulu! 29Nomuyi gosi musula nolukuko; mobatibita haguma omo nyumba yebitsange, 30ibaka kura haguma nabo Gayo na Aristarko, abanyaMakedonia ababya bakagenda na Paulo. Na Paulo mwasonda eriingira omo ndeko, nikwa abiga mobamukaga. 31Nabandi bakulu beAsia, ababya abira buwe, mobamutumirako mobamugonga-gonga bati sialenge eriingira omo nyumba yeritsangiramo. 32Neryo abandi mobabirikira omwatsi muguma, nabandi ogundi; kusangwa endeko yabya lityalitya, nabangi bakubo isibasi ikiryaleka ibahindana. 33Nabandi bendeko mobahulu kya Alesanduro, oyo baYuda bahira emuliro wabandu. Neryo Alesanduro mwakoheryabo iniakasonda eriyigana oko bandu. 34Nikwa omugulu baminya kwari muYuda, abosi mobabugira igoma ngendambi ibiri, bati, Artemi wabaEfeso ni mukulu! 35Nomugulu omusaki weka amabibonderya endeko eribya bukutu, mwabuga ati, Balume bEfeso, kwe nindi oyo tasi komuyi wabanyaEfeso ni muteya wehekalu yaArtemi mukulu, noweribwe eribuyirire eryatoga rikalwa omo kyanya kwehi? 36Nikwa kusangwa munasi kwe myatsi eyi kwiteyangatoka eriganwa mutolere eribya bukutu neritindakola lubaluba. 37Kusangwa mwabirileta abandu aba hano abate barahi bebyo mohekalu kutse batsumi bomungu wetu wobukali. 38Neryo Demetrio, nabakakola haguma naye bamabya bawite olubanza oko mundu, hane aheribugire nabatsweri; neryo baletane nesyombanza syabo. 39Nikwa mwamasonda ogundi mwatsi asyasoherwa omwibugiro haguma na batsweri. 40Kusangwa tukahwa nomwaga wamunabwire, kusangwa sihari nekiguma ekyo twangabuga busana nolukanda olu. 41Amabibuga atya, mwakulukya endeko.
Currently Selected:
Emibiri 19: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 19
19
Abiga baYoane neKirimu Kibuyirire
1Nomugulu Apolo abya eKorinto, Paulo mwalaba omo kihugo kyendata mwahika Efeso. Neryo mweyayo abandi biga. 2Mwabulyabo ati, Momwangirira eKirimu Kibuyirire omugulu mwikiriraya? mobasubirya bati, Eyihi, sitwetowa ko hari eKirimu Kibuyirire. 3Neryo mwabuga ati, Mwabatisi bawa muki kwehi? Nabo bati, Omo batisimo ya Yoane. 4Paulo ati, Yoane abatisaya omo batisimo yeribinduka, aka bwira bandu ati bikiriraye oyu kandisyasa enyuma kwiye, ni Yesu. 5Neriowa eki mobabatisibwa omo rina ryoMukama Yesu. 6Nomugulu Paulo abere abihira kubo kwebyala, eKirimu Kibuyirire mokyasa kubo; mobabuga neyindi mibuge mobaminyerera. 7Nabo babya nga bandu ikumi nababiri.
Erikania ryeKinywa kyoMungu
8Neryo mwingira omo nyumba yerihindana mwabugayo emikera isatu akatula engulu yowene neritindiubaha nerikuba obuhaka nerihatikanabo busana nobwami bwoMungu. 9Nikwa omugulu abandi bakubo bakala mobatikirirya, ibakabuga nabi busana neNzira eyo embere syendeko, iye mwalwa kubo, mwatwala abiga haguma naye, mwabya akakuba obuhaka oburi kiro omo nyumba yeriigirimo ya Tirano. 10Neryo mwakola atya mwabuga emituta ibiri, kyaleka abosi ababya bikere eAsia, abaYuda na baGiriki ibowa eKinywa kyoMukama.
11NoMungu mwakola ebitikotiko omu byala byaPaulo ebitebyatakolwa, 12kyaleka ibatwala ebihande byesyongimba nesyongimba bakatulyasyo oko mubiri wuwe ibatwalirasyo abakoni, neryo esyondwala isyalwa kubo nesyombinga isya lwamo. 13Neryo abandi babasaki babaYuda abalenderi mobalenga eriahula erina ryoMukama Yesu endata wabari kwesyombinga bati, Ngakusema Yesu oyo Paulo akakangiriraya. 14Abagala balinda bomuhereri mukulu muYuda oyo kahulawa mo Sikewa babya bakakola batya. 15Nikwa embinga eyo moyasubirya, iti, Yesu nyimwasi, na Paulo nabirimuminya; nikwa inywe muri bahi kwehi? 16Nomundu oyo wabya kwembinga mwagulukirabo, mwakindabo bosi, mwatokabo, mobatibita eyihya yondumbu ibamabihutala ebironda. 17No mwatsi oyo mwaminyikala oko bosi abikere Efeso, abaYuda nabaGiriki; mobakwa obuba abosi; nerina ryoMukama Yesu moryakengwa. 18Abangi boko bikirirye mobasa nerikangania nerihulukya emibiri yabo. 19Nabandi boko bakumu mobaleta ebitabu byabo haguma mobahisyabyo omo meso wabosi; mobaganza obuguri bwabyo mobwabya esyofranka syekitsipa elfu makumi atano. 20Nekinywa kyoMukama mokyatsungana mokyasingana namaka.
Abahesi bArtemi
21Neryo enyuma wemyatsi eyi Paulo mwaganirya omo Kirimu erilaba eMakedonia neAkaya neriya eYerusalema, ati, Nasyabya nabibyayo, ritolere inaya lebya neRoma. 22Neryo abere abituma abawatikya buwe babiri, Timoteo na Erasto eMakedonia, iye mwasigala eAsia ebiro bike.
23Oko mugulu oyo omwaga munene mwahuluka busana neNzira eyo. 24Kusangwa omundu oyo kahulawa mo Demetrio, omuhesi webitsipa, oyo wabya akahesa emisaka yekitsipa yerisabiramo Artemi, mwaletera abahesi endundi nene. 25Mwahindaniabo haguma na bandi abakakola omubiri oyo, mwabuga ati, Inywe balume munasi endundi yetu ikalwa oko mubiri oyu. 26Mukalangira neriowa butsira Efeso hasa nikwa hakuhi neAsia hosi Paulo oyu abiribindula endeko nene yabandu, ati emiungu ikakokotibawa omo byala si miungu. 27Hari kyeriitisya butsira oko mubiri wetu musa watindahera nikwa ehekalu yomungu mukulu wobukali Artemi iyaganzwa nga buyira, naye mbino inialusibwa oko bubuya buwe, Oyu kasabawa eAsia yosi ne kihugo.
28Omugulu bowa ebi mo bahitana kutsibu, mobabugira igoma bati, Artemi wEfeso ni Mukulu! 29Nomuyi gosi musula nolukuko; mobatibita haguma omo nyumba yebitsange, 30ibaka kura haguma nabo Gayo na Aristarko, abanyaMakedonia ababya bakagenda na Paulo. Na Paulo mwasonda eriingira omo ndeko, nikwa abiga mobamukaga. 31Nabandi bakulu beAsia, ababya abira buwe, mobamutumirako mobamugonga-gonga bati sialenge eriingira omo nyumba yeritsangiramo. 32Neryo abandi mobabirikira omwatsi muguma, nabandi ogundi; kusangwa endeko yabya lityalitya, nabangi bakubo isibasi ikiryaleka ibahindana. 33Nabandi bendeko mobahulu kya Alesanduro, oyo baYuda bahira emuliro wabandu. Neryo Alesanduro mwakoheryabo iniakasonda eriyigana oko bandu. 34Nikwa omugulu baminya kwari muYuda, abosi mobabugira igoma ngendambi ibiri, bati, Artemi wabaEfeso ni mukulu! 35Nomugulu omusaki weka amabibonderya endeko eribya bukutu, mwabuga ati, Balume bEfeso, kwe nindi oyo tasi komuyi wabanyaEfeso ni muteya wehekalu yaArtemi mukulu, noweribwe eribuyirire eryatoga rikalwa omo kyanya kwehi? 36Nikwa kusangwa munasi kwe myatsi eyi kwiteyangatoka eriganwa mutolere eribya bukutu neritindakola lubaluba. 37Kusangwa mwabirileta abandu aba hano abate barahi bebyo mohekalu kutse batsumi bomungu wetu wobukali. 38Neryo Demetrio, nabakakola haguma naye bamabya bawite olubanza oko mundu, hane aheribugire nabatsweri; neryo baletane nesyombanza syabo. 39Nikwa mwamasonda ogundi mwatsi asyasoherwa omwibugiro haguma na batsweri. 40Kusangwa tukahwa nomwaga wamunabwire, kusangwa sihari nekiguma ekyo twangabuga busana nolukanda olu. 41Amabibuga atya, mwakulukya endeko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.