Emibiri 14
14
Ikonio
1Neryo eIkonio mobingira haguma omo nyumba yerihi ndana ya baYuda, mobabuga eKinywa kyaleka endeko nene yabaYuda na baGiriki ibikirirya. 2Nikwa abaYuda abagana erikirirya mobasembegetya eBihanda mobabindula oburingikania bwabo mo bubi oko balikyetu. 3Neryo mobikala eyo omugulu muli, eribuga busana noMukama neritindiubaha, naye mwatulago nekinywa kyolukogo luwe, iniakaha ebiminyi kalo nebyeriswekera bikolawe nebyala byabo. 4Nikwa abandu bomomuyi mobagabana; abandi oko baYuda nabandi oko bakwenda. 5Nomugulu eBihanda na baYuda, haguma naba rongani babo, balenga erilwa nabo neriitabo omo mabwe, 6mobaminya mobatibita eListra neDerbe, emiyi yeLikaonia, nomo kihugo kihirerenieyo; 7neyo mobatula engulu yowene.
Kirema kyeListra
8EListra habya omundu, isiaritoka erigenda; abutawa ikwane atya, isiariatayigendera na kera. 9Naye mowa Paulo akabuga; na Paulo akamusamalira ndeke nerilangira kwawite erikirirya ryerilamibwa, 10mwabuga nomulenge munene, ati, Hangana, wimane omo bisandu byawe. Naye mwabatuka mwayigendera. 11Nesyondeko syamabilangira ekyo Paulo akola, mobasumba emilenge yabo, mobabuga omo mubuge wabanyaLikaonia, bati, Emiungo yamatwandagalirako omo bisosire abandu! 12Barunaba mobamwahula mo Zeu, na Paulo mobamwahula mo Herme. 13Nomuhereri wa Zeu, ehekalu yago yabya mbere yomuyi, neryo mwaleta esyonume nehikira hyobusoyo okwilimbo ibakasonda eriherera haguma nabandu ababyaho. 14Nikwa abakwenda Barunaba na Paulo babere babiowa mobatula esyongimba syabo mobatibita eyihya om ondeko, mobasumba emilenge, bati, 15Balume, busana naki mukakola eki kwehi? Netu turi bandu, abaringene nenyu, Tukabaletera engulu yowene, mulwe oko myatsi mityamitya mubindukira Mungu oyuriho oyo wabumba olubula ne kihugo nengetsi nebyosi ko birimo. 16Omo syondengo syabirilaba abirileka ebihanda byosi erilendera omo syonzira syabo ibobene; 17nikwa mwatayileka butsira omulangiri, kusangwa mwakola bibuya mwabaha embula erilwa elubula, nebirimo byerigesa, akugutaya emitima yenyu nakaryo nobutseme. 18Omo binywa ebi mobasonda eritaluka erikakirya bandu erihererebo.
Eriswirya Paulo na mabwe
19Nikwa abaYuda mobahikaho bakalwa Antiokia neIkonio; mobabindula bandu, mobita Paulo omo mabwe, mobamukurira ekyaswa kyomuyi, mobaringikania bati abirihola. 20Nikwa omugulu abiga bamutimbako, mwahangana mwingira omo muyi: nengyakya mwaya eDerbe haguma na Barunaba. 21Neryo babere babitula engulu yowene oko muyi oyo ibama biyira abiga bangi, mobasuba eListra neIkonio neAntiokia, 22nerisikya emitima yabiga erihanabo bayitsinge omwikirirya, bati ritolere itwingira omo bwami bwoMungu na malige mangi. 23Neryo babere babiyisoga abakulu bomo syokanisa syosi, haguma nerisaba neritsira, mobahirabo oko Mukama oyo bikiriraya.
24Neryo mobalaba ePisidia mobahika ePamfilia. 25Neryo babere babibuga eKinywa ePerga mobandagalira eAtalia; 26nerilwa eyo mobaya eAntiokia omo bwato, aho bahirawa oko lukogo lwoMungu busana nomubiri ogo babugirira. 27Neryo babere babihika, mobahindania ekanisa mobakani ryayo ebyosi Mungu akola nabo, kandi ngoko akingula oluyi lwerikirirya oko Bihanda. 28Neryo mobikalayo migulu mingi haguma nabiga.
Currently Selected:
Emibiri 14: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 14
14
Ikonio
1Neryo eIkonio mobingira haguma omo nyumba yerihi ndana ya baYuda, mobabuga eKinywa kyaleka endeko nene yabaYuda na baGiriki ibikirirya. 2Nikwa abaYuda abagana erikirirya mobasembegetya eBihanda mobabindula oburingikania bwabo mo bubi oko balikyetu. 3Neryo mobikala eyo omugulu muli, eribuga busana noMukama neritindiubaha, naye mwatulago nekinywa kyolukogo luwe, iniakaha ebiminyi kalo nebyeriswekera bikolawe nebyala byabo. 4Nikwa abandu bomomuyi mobagabana; abandi oko baYuda nabandi oko bakwenda. 5Nomugulu eBihanda na baYuda, haguma naba rongani babo, balenga erilwa nabo neriitabo omo mabwe, 6mobaminya mobatibita eListra neDerbe, emiyi yeLikaonia, nomo kihugo kihirerenieyo; 7neyo mobatula engulu yowene.
Kirema kyeListra
8EListra habya omundu, isiaritoka erigenda; abutawa ikwane atya, isiariatayigendera na kera. 9Naye mowa Paulo akabuga; na Paulo akamusamalira ndeke nerilangira kwawite erikirirya ryerilamibwa, 10mwabuga nomulenge munene, ati, Hangana, wimane omo bisandu byawe. Naye mwabatuka mwayigendera. 11Nesyondeko syamabilangira ekyo Paulo akola, mobasumba emilenge yabo, mobabuga omo mubuge wabanyaLikaonia, bati, Emiungo yamatwandagalirako omo bisosire abandu! 12Barunaba mobamwahula mo Zeu, na Paulo mobamwahula mo Herme. 13Nomuhereri wa Zeu, ehekalu yago yabya mbere yomuyi, neryo mwaleta esyonume nehikira hyobusoyo okwilimbo ibakasonda eriherera haguma nabandu ababyaho. 14Nikwa abakwenda Barunaba na Paulo babere babiowa mobatula esyongimba syabo mobatibita eyihya om ondeko, mobasumba emilenge, bati, 15Balume, busana naki mukakola eki kwehi? Netu turi bandu, abaringene nenyu, Tukabaletera engulu yowene, mulwe oko myatsi mityamitya mubindukira Mungu oyuriho oyo wabumba olubula ne kihugo nengetsi nebyosi ko birimo. 16Omo syondengo syabirilaba abirileka ebihanda byosi erilendera omo syonzira syabo ibobene; 17nikwa mwatayileka butsira omulangiri, kusangwa mwakola bibuya mwabaha embula erilwa elubula, nebirimo byerigesa, akugutaya emitima yenyu nakaryo nobutseme. 18Omo binywa ebi mobasonda eritaluka erikakirya bandu erihererebo.
Eriswirya Paulo na mabwe
19Nikwa abaYuda mobahikaho bakalwa Antiokia neIkonio; mobabindula bandu, mobita Paulo omo mabwe, mobamukurira ekyaswa kyomuyi, mobaringikania bati abirihola. 20Nikwa omugulu abiga bamutimbako, mwahangana mwingira omo muyi: nengyakya mwaya eDerbe haguma na Barunaba. 21Neryo babere babitula engulu yowene oko muyi oyo ibama biyira abiga bangi, mobasuba eListra neIkonio neAntiokia, 22nerisikya emitima yabiga erihanabo bayitsinge omwikirirya, bati ritolere itwingira omo bwami bwoMungu na malige mangi. 23Neryo babere babiyisoga abakulu bomo syokanisa syosi, haguma nerisaba neritsira, mobahirabo oko Mukama oyo bikiriraya.
24Neryo mobalaba ePisidia mobahika ePamfilia. 25Neryo babere babibuga eKinywa ePerga mobandagalira eAtalia; 26nerilwa eyo mobaya eAntiokia omo bwato, aho bahirawa oko lukogo lwoMungu busana nomubiri ogo babugirira. 27Neryo babere babihika, mobahindania ekanisa mobakani ryayo ebyosi Mungu akola nabo, kandi ngoko akingula oluyi lwerikirirya oko Bihanda. 28Neryo mobikalayo migulu mingi haguma nabiga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.