Emibiri 15
15
Erihindana ryekanisa
1Nikwa abandi bandu mo bandagala balwa eYudea moba kangirirya abalikyetu, bati, Mwamatindabana ngebihano byaMusa, isimwangatoka erilamibwa. 2Nikwa omugulu Paulo na Barunaba bamibinegena bakakuba obuhaka nabo, Paulo na Barunaba nabandi mobayisogwa erihetukira eYerusalema oko bakwenda nabakulu busana nomwatsi oyo. 3Neryo ekanisa moyatsindikabo mobalaba Foiniki neSamaria, ibanemukani ryabo eribinduka ryeBihanda, mobatsemesya balikyetu bosi kutsibu. 4Nomugulu bahika eYerusalema, mobakokibwa nekanisa nabakwenda nabakulu mobakaniryabo ebyosi ebyo Mungu akola nabo. 5Nikwa abandi abikirirye abekihanda kyabaFarisayo mobahangana, bati, Ritolere ibabanibwa neri tegekabo bati bategaye erihana ryaMusa.
Erikania ryaPetero
6Nabakwenda nabakulu mobahindana erikania omwatsi oyo. 7Nenyuma wobuhaka bunene, Petero mwahangana mwabuga nabo, ati, Balikyetu, munasi ngoko Mungu ayisoga omukati kati kenyu oko biro byerimbere, ati omu buno bwage eBihanda byowe eKinywa kyengulu yowene nerikirirya. 8Omungu oyo wasi omutima mwatula omwatsi kubo, iniakahabo eKirimu Kibuyirire ngoko atuhakyo; 9mwatahira erigabana omukati kati ketu nabo, nikwa mwerya emitima yabo nerikirirya. 10Neryo busana naki mukalenga oko Mungu erihira emiheke oko bikya byabiga eyo abotata wetu batatoka eriheka kutse itwe kwehi? 11Nikwa tukikiriraya ko tukandisyalamibwa omolukogo lwoMukama Yesu, ngabo.
Erikania ryaYakobo
12Nendeko yosi moyabya bukutu; mobahulikirira uku Barunaba na Paulo omugulu bakanaya ebiminyikalo nebyeri swekera ebyo Mungu ahabo erikola omo Bihanda. 13Neryo babere babibuga, Yakobo mwasubiryabo, ati, Balikyetu munyi hulikirire. 14Simeoni abiritulago ngoko Mungu atsuka eribana eBihanda, eriyisoga omukati-kati kabo ekitunga busana nerina riwe. 15Nebinwa ebi byamaringana nebyabaminyereri, ngoko kisakire, kiti,
16Enyuma waho nasyasubula,
Nasyaswahimba enyumba ya Dawidi, eyatera;
Nasyaswahimba, ahasambukala,
Nasyahanganiayo,
17Abakisiya babandu basonda-sondaye
oMukama,
NeBihanda byosi abakabirikirawa omo rina ryage,
18OMukama atya, oyo waminyisaya emyatsi eyi eritsuka kera kera. 19Neryo eritswera ryage riti sitwendereraye abeBihanda abakabindukira Mungu, 20nikwa tusakirebo tuti baleke ebikatsandaya byesisumba nerisingira nebinigire nomusasi. 21Kusangwa eritsuka oko syondengo syerimbere Musa anawite oko miyi yosi abakatula emyatsi yiwe, ikasomerawa omo manyumba werihindana oko sabato syosi.
Ebarua yabakwenda
22Neryo mokyatsemesya abakwenda nabakulu, haguma nekanisa yosi, eriyisoga abandu omukati-kati kabo neritumabo eAntiokia haguma na Paulo na Barunaba; mobatuma Yuda oyu kahulawa Baranaba, na Sila, abasondoli omukati-kati kabali kyetu, 23haguma nebarua eyi, iti, Balikyetu, abakwenda na bakulu, oko balikyetu abeBihanda eAntiokia neSiria neKilikia, tukabakeraya. 24Eritsuka ekiro towa abandu bakwitwe babi ribahahukya emitima nebinywa, erigangagangya oburingikania bwenyu, abo tutategeka, 25ryamatutsemesya ituhindene haguma eriyisoga bandu neritumabo kwinywe haguma nabanze betu Barunaba na Paulo, 26abandu babiriyisiga busana no Mukama wetu Yesu Kristo. 27Neryo twamatuma Yuda na Sila, nabo ibobene basyabatulira emyatsi eyi omo buno bwabo. 28Kusangwa yabiritsemesya eKirimu Kibuyirire netu eriti ndahira kwinywe omuheke owalabire emyatsi eyitolera eyi: 29muleke ekyabirihererwa oko sisumba, nomusasi, nekikani gawa, nerisingira; mwamayiteya ukwebi, imukakola ndeke. Mubye nobuholo.
30Abatsindikawa batya, mobandagalira eAntiokia; babere babihindanya endeko, mobahabo ebarua. 31Neryo babere basomayo mobatsema busana nerihana eryo. 32Yuda na Sila, ababya baminyereri, mobahana balikyetu nebinywa bingi mo bahabo maka. 33Nenyuma weriikalaho biro, balikyetu moba tsindikabo omo buholo oko batumabo. 34Nikwa Sila mwanza erisigalayo. 35Nikwa Paulo na Barunaba mobasigala eAntiokia, erikangirirya neritula eKinywa kyoMukama, haguma nabandi bangi nibya.
Olugendo lwa Paulo lwakabiri
36Nenyuma webindi biro bike Paulo mwabwira Barunaba, ati, Wase tusubule tuyabane balikyetu omo miyi yosi eyo twatula mwekinywa kyoMukama, tulebaye ngoko babere. 37Barunaba mwasonda eritwala Yoane oyo kahulawa mo Mariko haguma nabo. 38Nikwa Paulo mwataganirya nga ryowene eritwala oyo watswa kubo ePamfilia, oyu tagenda nabo oko mubiri. 39Neryo mohabya erinegena rikalire, kyaleka ibagabana; Barunaba mwatwala Mariko haguma naye moba sokera eKipuro omo bwato, 40Na Paulo mwayisoga Sila neryo mobalwayo, balikyetu ibamahirabo oko lukogo lwo Mukama. 41Naye mwalaba eSiria na Kilikia iniakaha amaka oko syokanisa.
Currently Selected:
Emibiri 15: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 15
15
Erihindana ryekanisa
1Nikwa abandi bandu mo bandagala balwa eYudea moba kangirirya abalikyetu, bati, Mwamatindabana ngebihano byaMusa, isimwangatoka erilamibwa. 2Nikwa omugulu Paulo na Barunaba bamibinegena bakakuba obuhaka nabo, Paulo na Barunaba nabandi mobayisogwa erihetukira eYerusalema oko bakwenda nabakulu busana nomwatsi oyo. 3Neryo ekanisa moyatsindikabo mobalaba Foiniki neSamaria, ibanemukani ryabo eribinduka ryeBihanda, mobatsemesya balikyetu bosi kutsibu. 4Nomugulu bahika eYerusalema, mobakokibwa nekanisa nabakwenda nabakulu mobakaniryabo ebyosi ebyo Mungu akola nabo. 5Nikwa abandi abikirirye abekihanda kyabaFarisayo mobahangana, bati, Ritolere ibabanibwa neri tegekabo bati bategaye erihana ryaMusa.
Erikania ryaPetero
6Nabakwenda nabakulu mobahindana erikania omwatsi oyo. 7Nenyuma wobuhaka bunene, Petero mwahangana mwabuga nabo, ati, Balikyetu, munasi ngoko Mungu ayisoga omukati kati kenyu oko biro byerimbere, ati omu buno bwage eBihanda byowe eKinywa kyengulu yowene nerikirirya. 8Omungu oyo wasi omutima mwatula omwatsi kubo, iniakahabo eKirimu Kibuyirire ngoko atuhakyo; 9mwatahira erigabana omukati kati ketu nabo, nikwa mwerya emitima yabo nerikirirya. 10Neryo busana naki mukalenga oko Mungu erihira emiheke oko bikya byabiga eyo abotata wetu batatoka eriheka kutse itwe kwehi? 11Nikwa tukikiriraya ko tukandisyalamibwa omolukogo lwoMukama Yesu, ngabo.
Erikania ryaYakobo
12Nendeko yosi moyabya bukutu; mobahulikirira uku Barunaba na Paulo omugulu bakanaya ebiminyikalo nebyeri swekera ebyo Mungu ahabo erikola omo Bihanda. 13Neryo babere babibuga, Yakobo mwasubiryabo, ati, Balikyetu munyi hulikirire. 14Simeoni abiritulago ngoko Mungu atsuka eribana eBihanda, eriyisoga omukati-kati kabo ekitunga busana nerina riwe. 15Nebinwa ebi byamaringana nebyabaminyereri, ngoko kisakire, kiti,
16Enyuma waho nasyasubula,
Nasyaswahimba enyumba ya Dawidi, eyatera;
Nasyaswahimba, ahasambukala,
Nasyahanganiayo,
17Abakisiya babandu basonda-sondaye
oMukama,
NeBihanda byosi abakabirikirawa omo rina ryage,
18OMukama atya, oyo waminyisaya emyatsi eyi eritsuka kera kera. 19Neryo eritswera ryage riti sitwendereraye abeBihanda abakabindukira Mungu, 20nikwa tusakirebo tuti baleke ebikatsandaya byesisumba nerisingira nebinigire nomusasi. 21Kusangwa eritsuka oko syondengo syerimbere Musa anawite oko miyi yosi abakatula emyatsi yiwe, ikasomerawa omo manyumba werihindana oko sabato syosi.
Ebarua yabakwenda
22Neryo mokyatsemesya abakwenda nabakulu, haguma nekanisa yosi, eriyisoga abandu omukati-kati kabo neritumabo eAntiokia haguma na Paulo na Barunaba; mobatuma Yuda oyu kahulawa Baranaba, na Sila, abasondoli omukati-kati kabali kyetu, 23haguma nebarua eyi, iti, Balikyetu, abakwenda na bakulu, oko balikyetu abeBihanda eAntiokia neSiria neKilikia, tukabakeraya. 24Eritsuka ekiro towa abandu bakwitwe babi ribahahukya emitima nebinywa, erigangagangya oburingikania bwenyu, abo tutategeka, 25ryamatutsemesya ituhindene haguma eriyisoga bandu neritumabo kwinywe haguma nabanze betu Barunaba na Paulo, 26abandu babiriyisiga busana no Mukama wetu Yesu Kristo. 27Neryo twamatuma Yuda na Sila, nabo ibobene basyabatulira emyatsi eyi omo buno bwabo. 28Kusangwa yabiritsemesya eKirimu Kibuyirire netu eriti ndahira kwinywe omuheke owalabire emyatsi eyitolera eyi: 29muleke ekyabirihererwa oko sisumba, nomusasi, nekikani gawa, nerisingira; mwamayiteya ukwebi, imukakola ndeke. Mubye nobuholo.
30Abatsindikawa batya, mobandagalira eAntiokia; babere babihindanya endeko, mobahabo ebarua. 31Neryo babere basomayo mobatsema busana nerihana eryo. 32Yuda na Sila, ababya baminyereri, mobahana balikyetu nebinywa bingi mo bahabo maka. 33Nenyuma weriikalaho biro, balikyetu moba tsindikabo omo buholo oko batumabo. 34Nikwa Sila mwanza erisigalayo. 35Nikwa Paulo na Barunaba mobasigala eAntiokia, erikangirirya neritula eKinywa kyoMukama, haguma nabandi bangi nibya.
Olugendo lwa Paulo lwakabiri
36Nenyuma webindi biro bike Paulo mwabwira Barunaba, ati, Wase tusubule tuyabane balikyetu omo miyi yosi eyo twatula mwekinywa kyoMukama, tulebaye ngoko babere. 37Barunaba mwasonda eritwala Yoane oyo kahulawa mo Mariko haguma nabo. 38Nikwa Paulo mwataganirya nga ryowene eritwala oyo watswa kubo ePamfilia, oyu tagenda nabo oko mubiri. 39Neryo mohabya erinegena rikalire, kyaleka ibagabana; Barunaba mwatwala Mariko haguma naye moba sokera eKipuro omo bwato, 40Na Paulo mwayisoga Sila neryo mobalwayo, balikyetu ibamahirabo oko lukogo lwo Mukama. 41Naye mwalaba eSiria na Kilikia iniakaha amaka oko syokanisa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.