Emibiri 1
1
Yesu eriya elubula
1Omo kitabu ekyerimbere, uwe Teofilo nabirikusakira, bu sana nebyosi Yesu atsuka erikola nerikangirirya, 2erihika oko kiro akokibawa endata, amabitegeka abakwenda abo ayisoga busana neKirimu Kibuyirire: 3mwayikangya kubo inianeho enyuma wobuligo buwe busana nebiminyikalo bingi, neribu tukirabo ebiro amakumi ani akabuga emyatsi yobwami bwo Mungu: 4Neryo abere akine nabo, mwategekabo ati sibalwe eYerusalema, nikwa balindirire erilaga rya Tata, ati, eryo mowa kwingye: 5kusangwa Yoane abatisaya omo magetsi; nikwa inywe mwasyabatisibwa omo Kirimu Kibuyirire kute kwakya ebiro bingi,
6Nabo, bamabihindana haguma, mobamubulya bati, Mukama, oko mugulu oyu ukandisubya obwami oko Israeli kwehi? 7Naye mwabwirabo ati, Si busana nenyu eriminya emigulu kutse ebirimo, ebyo Tata abiritegeka omo hamuli yiwe iyowene. 8Nikwa mwasyabana maka, eKirimu Kibuyirire kyabibahikako; mwasyabya abatuli bomwatsi wage eYerusa lema, nomo Yudea yosi, neSamaria, nerihika oko nduli ye kihugo. 9Neryo ambibuga emyatsi eyi, ibanatungerere, mwahetukibwa; nekitu mokyamwimya erilwa omo meso wabo. 10Nomugulu balalamira elubula akagenda, lebaya, abalume babiri mobahangana hakuhi nabo nesyongimba sihenirye, 11ababuga bati, Inywe balume beGalilaya, busana naki mu hangene mukasamalira elubula kwehi? Yesu oyu, wamatwalwa elubula erilwa kwimwe, asyasa atya ngoko mwamamulebya akaya elubula.
Amena wabakwenda
12Neryo mobasuba eYerusalema balwa oko kitwa ekikahu lawa mo Zeituni, ekiri hakuhi neYerusalema ngolugendo lwe sabato. 13Neryo babere babiingira, mobahetukira omo ngonde yendata yenyumba, neryo mobasibamo; ye Petero na Yoane na Yakobo na Anderea, Filipo na Toma, Balitolomayo, na Matayo, Yakobo mugala wa Alfayo, na Simoni-Zelote, na Yuda mugala wa Yakobo. 14Abo bosi omwisonda iguma mobakwamirira erisaba, haguma na bakali, na Maria nyinya wa Yesu, na bagala babo.
Matia
15Nomo biro ebi Petero mwahangana omukati-kati kabali kyetu mwabuga (nabo babya endeko ya bandu bahindene haguma ngerigana na makumi abiri) ati, 16Balikyetu, amasako abya atolere iniabererera, ayo eKirimu Kibuyirire kyabuga erimbere omo buno bwa Dawidi busana na Yuda, oyo wabya musondoli wa bahamba Yesu. 17Kusangwa aganzirawa kwitwe, kandi mwahabwa ekihande kiwe oko mubiri oyu. 18(Nikwa omundu oyu mwagula eririma omo luhembo lwebibi biwe; mwatoga mwatulama, mwatulika, nebila biwe byosi mobyasa ndukala. 19Neryo mokyaminyikala oko bosi abatula eYeru salema; kyaleka eririma eryo iryahula moAkeldama, omo mubuge wabo, ryeribuga ambu, Eririma ryomusasi.) 20Ku sangwa kyasakawa omo kitabu kya Sauma, kiti, Aho wuwe kibye kima, Sihasweswikala mundu, Nobukulu buwe bwimibawe nogundi.
21Neryo oko bandu ababirisiba haguma netu endambi yosi eritsuka aho Mukama ingirira omukati-kati ketu neriswahika oko mugulu alwa kwitwe, 22eritsuka okwibatisya ya Yoane, erihika oko kiro atwalawa endata erilwa kwitwe, omundu muguma wakubo atolere eribya mulangiri haguma netu oweri lubuka riwe. 23Mobahira babiri embere syabo, ye Yosefu oyu kahulawa mo Baranaba, oyu waswalukawa mo Yusto, na Matia. 24Neryo mobasaba, bati, Uwe Mukama, uwe wasi emitima ya bandu bosi, ukanganaye oko aba babiri oyo wamayisoga, 25erimya omwanya omo mubiri nobukwenda bwa Yuda oyo watoga, agende ho wuwe. 26Nabo mobakola ekura busana nabo; nekura moyatogera ku Matia; naye mwaganzirwa oko bakwenda ikumi na muguma.
Currently Selected:
Emibiri 1: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.