Bikambwa Biniki Bikima 6
6
1En’ina beho, eneki laali lona bakili ofulaka, Ba-Yuda banotwaki ena Elene baoningelaningela Ba Ebele, lacina baolefela bayato’aniyo bana beweli enek’iy’okafaka toma bina l’ina. 2Ko ba-jo l’afe baelela bik’ike bon’akili eneyal’iyo, ko baila, iy’ate, Efakoli l’iso lacina tocike yoi lina Yakomba ko tosale mesa. 3Inoamene, bifili, bosona eneyal’ino bato nsambo bana lokumo lon’olotsi, banalola la Bolimo bon’olotsi la bomwu, ko tongaf’iyo ekambelo en’ekambwa ene. 4Koko isoamene tongoyala la locinji en’oondo, ko l’en’ekambelo ena Yoi. 5Ko bato bahatu baimedya yoi liho bolotsi, ko baosona Setefano, nko boto onololaki l’imeedyo ko la Bolimo bon’olotsi, la Filipo, la Pulokolo, la Nikanola, la Timona, la Palumena, la Nikolao, bofenda onohalingwaki bise Yuda ena Antioka. 6Bamaila en’oso bona bikima, ko iyo, enek’iy’oondaka, baotadya bakas’aniyo eneyali bato’aho.
7Ko yoi lina Yakomba yolinda; ko laali lona bakili lofula ena Yelusalema nko mpula mene; ko bike bona nkanga nkoho baimedya bosimo’oho bon’imeedyo.
8Ko Setefano aolola l’isei ko la locili, aokamba bikambwa bina mpefa la ndembi mene en’oso bon’ato. 9Koko bamoi banayaaki ena sunagoga enetangamaki eniyo Banatungwaki, la Ba-Kulene, la Ba-Alesandulia, la Ba-Kilikia, la Ba-Asia, baemala, ko baatsa Setefano ntango. 10Ohonde batakolana likutolisa bomwu la Bolimo bonoki’nd’otendaka. 11Nkwaho baof’ato’a moi nyongo, ko bato’ako baila, Mbo iso tomoka eneki’nd’osaiyaka Mose ko la Yakomba besao mene. 12Ko baosombanya bato ko la bingambe la batengi ban’ekanda, ko baoya eneyal’ende, ko bamuunda, ko baoya l’ende en’oso bona likita lina bingambe. 13Ko baemadya temoins ina mpoci banilaki, iy’ate, Boto’one afaedya litembola edye ene ena en’oeka ko la basangya nkoho; 14lacin’oka isoamene tomooka kum’ayile, ate Yesu ona Nazaleta angehya esanga ene, ko angocikitanya bekotua beneki Mose otocikelaka. 15Ko iyatu banakisak’ase ena likita lina bingambe, enek’iy’olendak’ende l’aiso’aniyo ta, baen’elongi enande yoka bosamb’onoyali elongi en’ekima ena loola.
Currently Selected:
Bikambwa Biniki Bikima 6: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
