Popular Bible Verses from Apocalipse 8

Share

hanushũ Deusũ txashuwã bakẽ ha sétimo hawẽ unãti hawẽ henekĩ tsamini dashnuaya hanua Deusũ mae anua dasibi meia hora nixma dakatã binukainaya

ha nai tsuma betsa ha dukũ primeirõ hawẽ trombeta txã akĩ taewaya mai pakea tibi anu niri iake iakekaũkĩ barush ui inũ txi ha dabe himiyabi husia Deusũ puta mai pakea tibi anu kuakĩ ha pakea betsa anu kawãkĩ ni inũ ni mashu terça parte kuakĩ basi nãke dakayabi dasibi kuakẽ

hanushũ ana uĩkĩ ẽ nĩkaya tete ewapa nai natukanu nuyakawãkĩ hunĩ hui kuxipa keskawẽ yuikĩ: “Huaai, huaai, nai tsuma dabe inũ bestitũ habũ hatũ trombeta hawaira txã akaya dasibi na mai anu hiweabu nuitapai yumãshãkanikiki”, ikaya

hanushũ nai tsuma ha segundõ hawẽ trombeta txã akaya tsuãra iãnẽwã hatiubukũs watã pake dabe inũ besti habiatiubus wakẽ mati ewapa menuai keska iãnẽwãnu Deusũ puta pukukĩ iãnẽwã pakea betsa himiwaya

hanushũ nai tsuma ha terceirõ hawẽ trombeta txã akaya hene inũ txatxa mai pakea betsa tibi anu bixiwã here hi iki bĩ dekua keska txashahaira nai anua kawani terça parte mai anu inũ hene betsa anu inũ txatxa anu tĩ iki kawanaya ha bixiwã hawẽ kena Muka mai anu tĩ ikĩ mai pakea tibi anu hene terça parte ũpash mukahairawakẽ yura itxapabũ ha ũpash aki mawaibũ

hanushũ nai tsuma ha quartõ hawẽ trombeta txã akaya tsuãra bari inũ ushe inũ bixi habũ txasha kuxipa hatiubukũs watã pake dabe inũ besti habiatiubus wakẽ nai tsumã pakea betsa itxakawakĩ shaba betsa tibi bari nukawakĩ mexu tibi ushe inũ bixi nukawakubainaya