Malakai Tuɛ mɛni ƃóɔɔ
Tuɛ mɛni ƃóɔɔ
Malakai è gɔlɔi ŋí pɔ̃̂yɛ yɛ̂ɛ góraŋ ŋuŋ náaŋ pôlu buu lɔ́ɔlu mɛi dai (460) su dí lɛ́ɛ pâi Kôrai maa sɔlɔ ƃôi. Dí gɔlɔi ŋí pɔ̃yɛ a tãi ǹûai dí kpɛɛ la a Ŋ̀âla-pɛrɛ kɛtɛi tɔ̂ɔ a tãi veerɛ ɣelei.
M̀ɛni ŋuŋ kɛ́ Ɣâla ŋɔlóno-kɛ-nuui kili-ŋá gɛ̀ gɔlɔi ŋí pɔ̃yɛɛi ƃe kɛ́ a gɛɛ é zala-laa-soŋ ƃelai da ǹûai kili kula dí Ɣâla ŋɔkpanaŋ-wooi sóŋ a gbanaŋɔɔ. Gáa a tɔ̃yâ a gɛɛ ǹûai dífe kɛ́ ní díɣâla tii kɛ́ mɛnii sonii a gbanaŋɔɔ. Wôya mɛni támaa è kɛ̀ díyeei díɣâla mɛni kɛɛ̂i su. Zâla láa-soŋ-ƃelai da ǹûai díkɛ Ɣâla filîi a dísama-sɛŋ da dísâla kula perei. Dífe kɛ́ ní dísama-sãai tɛɛ̂i yɛ̂ɛ berei è kɛ̀ a sɛŋ dí dítɛɛ lai. Dífe kɛ́ ní tûai yɛ̂ɛ berei Ɣâla ŋɔsɛŋ-lɛɛi káa lai. Kɛ́lɛ, Kúnuu-namui a pâi pâi é mɛni-ŋá tée é ŋɔnûai maa-waa. A pâi ŋɔkelai tɛɛ̂i duɛ é berêi kpɛtɛ, é ŋɔkpanaŋ-wooi lɛ́.
Eezuɛ ŋɔsɔnyɔ̂ŋ-ŋai (1:1--2:16)
Ɣâla ŋɔtɔŋ kpɛ́-maa da ŋɔmaloŋ kâai (2:17--4:6)
Currently Selected:
Malakai Tuɛ mɛni ƃóɔɔ: KWB
Highlight
Copy
Compare
Share
Want to have your highlights saved across all your devices? Sign up or sign in