AMÓS 1
1
Acyicpilquemo Dios
1Eycaso amyaa ayinyema profeta Amós, tingma pac Tecoa. Apquilancam nipquesic nic nat Amós. Aplingac nic nat amyaa ayinyema Dios, yoyam elngacsic nipyesicsa enlhitaoc Israel. Dos años nic nat covocmo inlhojo acyovjeycam lhop. Apvisqui ilhnic nat Uzías#2 R 15.1-7; 2 Cr 26.1-23. nipyesicsa apquilmolhama Judá najan apvisqui ilhnic nat Jeroboam,#2 R 14.23-29. Joás apquitca, nipyesicsa enlhitaoc Israel. 2Aptomjac nic nat profeta Amós:
Covac sat acnim, yoyam colngalhcac appayvam apanco Dios Apyimtalhnamo, malha ayilhtingyavoyam sat cotnejic, ayinyema tingma Jerusalén netin inquilhe Sión.#Jer 25.30; Jl 3.16. Inyamamquic ayimjaclha paat lhalhma anco. Inyamamquic nalhma netin inquilhe Carmelo.
3Aptomjac alhta Dios Apyimtalhnamo: Avanjec apquilmapsomcaa enlhitaoc co Damasco,#Is 17.1-3; Jer 49.23-27; Zac 9.1. oyanmongsiclhac sat apquiltemaclha apancaoc. Ayinyema alhta apquilasquiscama apyimpeoc nipyesicsa co Galaad,#2 R 10.32-33. malha tava apac alhta apquilmaycam.
4Pac olvitic sat talha tingma pac apvisqui Hazael. Elmetic sat najan tingma apmaclha Ben-hadad.#2 R 13.3.
5Otvacsic sat tingma apatnaoc apjalhtam Damasco. Eticyoc sat apvisqui najan apnaymacoc tingma Bicat-avén, ningiltimem Alvata Mepqui singmasma. Eticyoc sat apnaymacoc tingma Bet-edén, ningiltimem Ningitsovascamaclha. Colhic sat acnalaclho co Asiria apquilmomap yoclhilhma Kir#2 R 16.9. — alhta aptomjac Dios Apyimtalhnamo — nic nat aptomjac profeta.
6Aptomjac alhta mocjam Dios Apyimtalhnamo: Avanjec apquilmapsomcaa enlhit co Gaza, oyanmongsiclhac sat apquiltemaclha apancaoc. Apnalaclhec alhta apyovoclhojo apquilmomap, apquilhaquic alhta nipyesicsa co Edom, eltimjic apquiltimesaycam apquilmomap.#2 Cr 21.16-17; Jl 3.4-8.
7Olvitic sat talha nipyava tingma Gaza, elmetic sat apyovoclhojo tingma apquiltamila.
8Eticyoc sat apvisqui najan apnaymacoc tingma Asdod, najan apvisqui najan apnaymacoc tingma Ascalón. Ovascapoc sat coo silnapma co Ecrón. Osavojoc sat silnapma co Filistea#Is 14.29-31; Jer 47; Ez 25.15-17; Jl 3.4-8; Sof 2.4-7; Zac 9.5-7. — alhta aptomjac Dios Apyimtalhnamo.
9Aptomjac alhta mocjam: Avanjec apquilmapsomcaa enlhitaoc tingma Tiro.#Is 23; Ez 26.1—28.19; Jl 3.4-8; Zac 9.1-4; Mt 11.21-22; Lc 10.13-14. Oyanmongsiclhac sat apquiltemaclha apancaoc. Apnalaclhec alhta apyovoclhojo apquilmomap, apquilhaquic alhta nipyesicsa co Edom, eltimjic apquiltimesaycam apquilmomap. Apquiltovasquic alhta pacto ningmiyovmalhca apquilmolhama.
10Olvitic sat talha nipyava tingma Tiro, elmetic sat apyovoclhojo tingma apquiltamila — alhta aptomjac Dios Apyimtalhnamo.
11Aptomjac alhta mocjam: Avanjec apquilmapsomcaa enlhitaoc Edom.#Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5. Oyanmongsiclhac sat apquiltemaclha apancaoc. Apquilnapquic alhta nipyesicsa apquilmolhama Israel, naysicsa acyivey apquillom, mepqui apquilmasma apnaymacoc.
12Olvitic sat talha tingma Temán, elmetic sat apyovoclhojo tingma apquiltamila payjoc Bosra — alhta aptomjac Dios Apyimtalhnamo.
13Aptomjac alhta mocjam: Avanjec apquilmapsomcaa co Amón,#Jer 49.1-6; Ez 21.28-32; 25.1-7; Sof 2.8-11. oyanmongsiclhac sat apquiltemaclha apancaoc. Apquilyaveclhec alhta apquileyvomaclha, malha apquilimpocjay nipyesicsa co Galaad. Apquilpalhcatquic alhta avalhaoc quilvanaa inlovsavo.
14Olvitic sat talha nipyava tingma Rabá, elmetic sat tingma apquiltamila. Cotnejic sat naysicsa apquilimpocjay najan yatepiyam.
15Emacpoc sat apvisqui apancaoc najan apyovoclhojo apquillhalhmaa apquilyimtalhnamo, colhic sat acnalaclho apquilmomap — alhta aptomjac Dios — nic nat aptomjac profeta.
Currently Selected:
AMÓS 1: ENHL
Highlight
Copy
Compare
Share
Want to have your highlights saved across all your devices? Sign up or sign in
