Zaburey 129
129
Abadantaa ga šerre
1Woo ti žigiyanoo dooni foo.
Za ay zankataraa ga cee booboyaŋ i nʼay farandi,
Izirayel mʼa har ka nee kaŋ
2za ay zankataraa ga cee booboyaŋ i nʼay farandi,
amma i mana hin agay.
3I na žeeri kuku kaa ay dumaa ra,
sanda takaa kaŋ nda beerikaw ga beeri.
4Abadantaa ga šerre,
a na karfoo dunbu kaŋ nda boro laaley nʼay haw.
5Borey kul kaŋ ga konna Siyoŋ koyraa ma haw,
i ma yee nda banda!
6Yala i ma tee sanda suboo kaŋ ga zay sooro boŋ,
a ga kogu za i manʼa dunbu.
7Hegaykaa si nga kaboo too a ra,
jeeni hawkaa mo si nga gandey too a ra.
8Bisakey si nee:
«Abadantaa ma albarka daŋ war ra.
Ir ga gaara war se Abadantaa maaɲoo ga.»
Currently Selected:
Zaburey 129: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
