Zaburey 130
130
Ay binemaraa ra, ay ga Abadantaa cee
1Woo ti žigiyanoo dooni foo.
Ay goo guusu beeriyaŋ ra kaŋ ay ga ni cee, Abadantaa.
2Abadantaa, haŋajer ay jindoo se!
Yala ma haŋajer ay suurandiyaney se.
3Abadantaa, nda a gar ni mmʼir laybey guna,
ay Koyoo, may no ma hin ka kay ni jine?
4Amma ni do yaafayan ga duwandi
hala borey ma hunbur ni.
5Ay ga naata Abadantaa ra, ay hundoo ga naata,
ay ga naata nga meešennoo ga.
6Ay hundoo gʼay Koyoo batu
ka bisa takaa kaŋ nda koyraa lakkalkey ga subbaahoo kaayanoo batu,
koyraa lakkalkey ga subbaahoo kaayanoo batu.
7Izirayel, ma Abadantaa batu!
Zama borohennataray si duwandi kala Abadantaa do,
de mo feeriyan beeri goo a do.
8Nga no ma Izirayel feeri
ka hun nga laybey kul ra.
Currently Selected:
Zaburey 130: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
