Zaburey 122
122
Wa ŋaaray alaafiya ma kaa Žerizalem!
1Woo ti žigiyanoo dooni kaŋ Dawda nʼa don.
Ay ga ɲaali nda borey nee ya ne:
«Ir ma koy Abadantaa hugoo do!»
2Žerizalem, ir cewey ga koy kay
hala ni koyraa miɲey ga.
3Žerizalem, ni cinandi
sanda koyra kaŋ marga cere ra ka tee afolloku.
4Ne nda alkabiilawey ga žigi,
Abadantaa alkabiilawey,
woo ti haya kaŋ ga tee seedetaray Izirayel se
hala Abadantaa maaɲoo ma šifandi.
5Zama no din ra kokoy gorodogey gorandi ciitoo se,
kokoy gorodogey gorandi Dawda hugoo borey se.
6Wa ŋaaray alaafiya ma kaa Žerizalem!
Yala borey kaŋ ga baa ni ma huna lakkalkanay ra!
7Yala alaafiya ma kaa ni koyraa ga,
lakkalkanay ma kaa ni kokoy hugey ra.
8Agay armey nda ay cerey maaganda ay ga nee:
«Alaafiya ma kaa ni ga.»
9Abadantaa, ir Koyoo hugoo maaganda se
ay ga ni gomnoo ceeci.
Currently Selected:
Zaburey 122: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
