Zaburey 121
121
Irkoy ti faabakaa
1Woo ti žigiyanoo dooni foo.
Ay gʼay moɲey jer tondi hondey here.
Man ra faabari ga hun ya ne?
2Faabaroo si hun ya ne kala Abadantaa do
kaŋ na beenaa nda laboo tee.
3A si naŋ ni cewey ma tanši,
ni lakkalkaa si dusungu.
4Guna, Izirayel lakkalkaa,
a si dusungu, a si jirbi.
5Abadantaa ga ni lakkal,
Abadantaa ti biyoo kaŋ goo ni kabe gumaa ga.
6Zaari here, waynaa si ni kar,
cijin here, handoo si ni kar.
7Abadantaa ga ni lakkal ka hun ifutu kul ra,
a ga ni hunaroo lakkal.
8Abadantaa ga ni lakkal waati kaŋ nʼga fatta
nda waati kaŋ nʼga willi kate,
za sohõ da hala abada.
Currently Selected:
Zaburey 121: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
