FAA WULOAI KƐNƐ MA 10

Gala ta ɣeelai ƃɔga kpiti kɔlɔ woloi

1Na ɣɛɛzu gìɛ wɛlɛ na wulu Gala ta ɣeela va kée ɣaa ƃai. É wuloni gee‐zuvɛ yíɛ yii. Máa ƃitigɛi ɣɛ ga tine ƃili, kpalanana ge wũ ba. Gáazuvɛ wuloai ɣɛ è ɣɛ folo, kɔ́wɔitiɛ wuloai è ɣɛ ŋabu‐zo ka ɣɛ ƃeƃezu. 2Kpiti kɔlɔ wolo ta ɣɛni zéea dáa laogɛi. Na ɣa ɣɛɛ na é yee‐za kɔwɔi vileni yuwu ɣa, kɔ́wɔ‐yee kɔwɔi wɔ ge kake ɣa. 3É zɛba sa é loba è ɣɛ zala ɣa ɣɛ zukɛsu. Tei é lobani, gee ƃɛdɛ lɔfelaitiɛ woo lɛɛni. 4Tei sa gee ƃɛdɛ lɔfelai woo lɛɛni, gè ɣɛni gè te woi wu kɔlɔ ma. Kɛ̀ gè woo ta mɛnini é wulo gee wɔlɔgi zu yíɛ ɣɛ mà, “Nii gee ƃɛdɛ lɔfelai boga, laa wulu ma. Mɛ lɛ ponɛ kɔlɔ ma.” 5Na ɣa ɣɛɛ na Gala ta ɣeelai nii gè pɛtɛni loni yuwu ɣa ta zui,

é yee‐zagi wu ziɣini é tete gee wɔlɔgi ma.

6É wonani Galagi nii na daa‐zeigi zu yá yɛ

ŋetea wɔlɔ‐wɔlɔ ta wɔlɔ‐wɔlɔ.

Na ɣa ga nii é gee‐zuvɛ ƃɛtɛni é vɛɛ su ŋɛnia va, é zui ƃɛtɛ wɔnɔ é vɛɛ su ŋɛnia va, é yuwu ƃɛtɛ wɔnɔ é vɛɛ bu ŋɛnia va. Towa Gala ta ɣeelai nii wonani ná daa‐zeigi zu ga ɛ́ lɛ sa ga too‐pulu ʋaa. 7Kɛ̀ siɛgi ɣa ziiti na ga Gala ta ɣeelai dɔfela kelei na dɔ wui woo lɛ, Gala zeea ʋai nii doowugɛi, pagɛ é leve ma, è ɣɛ velei é boni la ná tii‐ɣɛɛ veai niitiɛ ma te ga dáa woo‐wo beaitiɛ.

8Na ɣa ɣɛɛ na woi nii é wuloni gee wɔlɔgi zu gè mɛni, é boni wɔnɔ mà yíɛ ɣɛ mà, “Li, è kpiti kɔlɔi nii ziɣi dáa laogɛi Gala ta ɣeelai ya é loni yuwu ɣa ta zui.” 9Na ma gè liini gè bo Gala ta ɣeelai ma ga é kpiti kɔlɔ woloi ʋe zèea. Tɔwɔ é ɣɛni mà, “Siɣi è mi. Towaa wãla è wuu‐zuvɛ, kɛ̀ towaa yɛmi è laavɛ è ɣɛ kõei.” 10Kpiti kɔlɔ woloi zo pele ɣa na ɣɛ bɛ̀ Gala ta ɣeelai ya gè mi. É yɛmini dàavɛ è ɣɛ kõei. Kɛ̀ tei gè miini, é kɛɛni kògi zu ɣɛ ga ŋɛnii wãlai. 11Na ɣa ɣɛɛ na te boni mà te ɣɛ mà, “Kɛni kɔnɔ yà Gala daa woi wo é vile nu lamaa va ta zii lamaa é vɛɛ zii woo lamaa‐wo bea va ta ɣalaso tamaa.”

Currently Selected:

FAA WULOAI KƐNƐ MA 10: DN1971

Highlight

Copy

Compare