FELEPAITIƐ 3
3
Gaama lele‐bo tuoi
1Nii pɛ ka ɣɛɛ na, nà numaa, a wuu zu nɛɛ wo ɣɛɛ vele ma su ɣilekpu wa de maliɣiini. Fai niitiɛ gè te wonɛɛ wo wɔ, gɛ̀ le ƃɔlɔni ga gè te wonɛ wɔnɔ wulu. Tɔ ga wo valo ʋaa.
2A wũ maazu vɛtɛ ga gilewuitiɛ. A wũ maazu vɛtɛ ga tuƃo‐vele‐yowũ‐wulo veaitiɛ. A wũ maazu vɛtɛ ga niitiɛ ta nu ƃuse lɔtɔi zaɣa‐zaɣa ga sei‐kpoto‐ma‐woga. 3Dai de Gala felizu báa ŋinɛgi zaala zu, de wɔɔlɔi ƃɔɔ ɣaazu de ɣɛɛ ʋai ma su ɣilekpu da Ziizɛ Kolaini, dɛ lɛ laani ga nu ƃuse ŋeteai zu ʋaa ta nɛpɛ, da ɣa de ga sei‐kpoto‐ma vea ƃɔɔƃɔɔgitiɛ. 4To mu dàa ʋai ga nu ƃuse ŋeteai zu ʋaa nà ƃalaa zaƃu ɣa ba. Ani nu ta ƃɔnɔ ka ɣi gaa ziɛzu ga zaƃu ɣa dáa ʋai va ga nu ƃuse ŋeteai zu ʋaa, nà mu pɔ̀ɔ laa levegɛ. 5Kài ma te sèini kpoto ma folo dɔsava kelei ma. Gà ga Yezɔi nu gè ga Bẽjemɛ̃ɛ manu zuwui ta. Gà ga Hiiƃulu nu kàa veaitiɛ te ga Hiiƃulu vea. A li na ga Gala na tɔgi maʋai wɔɔ laa vele, gà ga Favilesii ta. 6Bɔ̀ɔlɔ ʋai gé yaa ʋai zu yá li na ga nà maʋai wɔɔ laa vele, gè ɣɛni ga Gala pɛlɛi ƃɔɔla nu. A li na ga tɔgi yee wu lele‐bo tuoi wɔɔ laa vele, faa ta nɛpɛ gɛ lɛ yɛni bà. 7Kɛ̀ nii nɛpɛ é ɣɛni ga sɔ̀lɔ‐wo ŋɛni, gè te ziɣini ga bàla‐ma ŋɛni Kolai mazaƃu ma. 8Ƃɔɔƃɔɔ su gà ŋɛni pɛ siɣizu ga bàla‐ma ŋɛni, toku ge zei faa ƃakpa walai nii va kuloai bu bɛ́ ga é leve faa pɛ ba. Na ɣa ga màliɣii Ziizɛ Kolai wɛ̃ɛ fai bɛ̀. Mazaƃui ɣa gè valaga la ŋɛni pɛ ma gìɛ te ziɣi ga tulu‐ga ŋɛni, kɛɛ ʋaa ma gè Kolai maa zɔlɔ wo, 9na ɣa ɣɛɛ na gè ɣɛ ga nui ta tɔ te su ɣilekpu, kpɔ̀ɔ lele‐bo tuo mɛ lɛ ɣɛ zèea. Na ɣa ga nii maʋaa ɣa ziɣi tɔgi la. Kɛ̀ tele‐bo tuoi nii yá ɣɛ nu ya dáa vele ma ga Kolai, nà ɣɛ zèea. Tɔ ɣa é ga tele‐bo tuoi kuloai Gala zeea. Maʋai ziɣivɛ zee‐la‐ma la. 10Gà nii ɣɛ kɛɛ ʋaa ma gè Kolai wɛ̃ɛ gè ná bu‐ziɣi‐saa‐ya ɣaa‐ƃai wɛ̃ɛ. Na ɣa ɣɛɛ na gà wɔɔ laa loo ná daa‐nɔwɔ‐wogi va gè ɣɛ ga kávele ná saa ʋai zu, 11kɛɛ ʋaa ma ani a zolowo na gè bu‐ziɣi‐saa‐ya ʋai ɣalama maa zɔlɔ wo.
De wũ‐gili ʋai nii va de gaa ziɛzu
12Ɛ́ lɛ ga ná maa‐zɔlɔ‐wo ka sa gè boga ɔɔ kɛ̀ɛ ɣa sa bogɛi ga nui nii maa‐wulo‐zu lɛ maʋaa va. Kɛ̀ gà ɣaa ƃaazu ma ga é ɣɛ ga nà dɔ, ƃɔvɛlaale Kolai kɛ̀ɛ ga ná dɔ. 13Nà numaa, ɛ́ lɛ kìgi zu ga gè sɔlɔ woga sa ga nà dɔ. Kɛ̀ faa ɣila ka gè kɛɛzu. Gà yeemazu nii ma é laani ga pùlu vele gìɛ laana‐taana ga gè ziiti nii ma é laani ga zèe luo vele. 14Gà ɣaa ƃaazu gè ziiti nii ma gè maa vele ɣaa ziɛzu maa‐wui ʋaa ma é ga tiligi nii Gala ge boga ga de ɣɛ pɔ́ vɛ de ɣɛɛ vele ma su ɣilekpu da Ziizɛ Kolaini 15Daitiɛ kuloai bu de vɛ pagɛ é yɛ de ɣi ga ŋɛ na. Ani faa ta nɛpɛ ka kɛɛ na wo ɣi gaa ziɛ ga pele ta ƃɔnɔ maa ʋeligɛi na va, Gala ka maʋai wulo ƃalaa pɛ kɛnɛ ma wo ɣaazu. 16Nii nɔ da kɛ tɔ ga nii de maa zɔlɔ woga de yɛ malogi zu.
17Nà numaa, a ƃɔ su wiɛ dàa wo kɔ̃ɔ. Na ɣa ɣɛɛ na niitiɛ te luozu è ɣɛ velei gé mawo‐kɔ̃ɔ dɛɛ la ga wiɛ, wiɛ natiɛ maa ƃɛ. 18Niitiɛ gè te maʋai wosu wiɛ wɔ, gà wɔnɔ bosu wiɛ gwɔlɔ yiɛ ʋɔlɔ gàazu ga te lamaa ta luozu è ɣɛ numai niitiɛ te ziliai ga Kolai nii kpakogɛi gulu ma de ʋaa ma. 19Daa‐wulo‐zuvɛ ɣa ga te zu ƃɔnɔ wo. Ta ɣalagi ɣa ga te wogi. Te ƃɔɔ ʋaa wɔɔlɔvɛ te ɣaazu ta wũfe tala luoi zu, te ɣigi ŋeteai nii zu ŋɛniitiɛ va. 20Kɛ̀ Gala ta ɣa de ga ná laa‐zeiga. A da ná maa kpowũsu ga de valo nui ziɣi na é va, na ɣa ga de maliɣii Ziizɛ Kolai. 21Dɔtɔi nii é de ma maʋaa loai bu towaa a maa ʋeli é ɣɛ ga ná saala‐ma lɔtɔi ɣavele. Towaa kɛ ga gaa‐ƃai nii é zéea yá kɛ ŋɛni pɛ ge ɣɛ bu.
Currently Selected:
FELEPAITIƐ 3: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
FELEPAITIƐ 3
3
Gaama lele‐bo tuoi
1Nii pɛ ka ɣɛɛ na, nà numaa, a wuu zu nɛɛ wo ɣɛɛ vele ma su ɣilekpu wa de maliɣiini. Fai niitiɛ gè te wonɛɛ wo wɔ, gɛ̀ le ƃɔlɔni ga gè te wonɛ wɔnɔ wulu. Tɔ ga wo valo ʋaa.
2A wũ maazu vɛtɛ ga gilewuitiɛ. A wũ maazu vɛtɛ ga tuƃo‐vele‐yowũ‐wulo veaitiɛ. A wũ maazu vɛtɛ ga niitiɛ ta nu ƃuse lɔtɔi zaɣa‐zaɣa ga sei‐kpoto‐ma‐woga. 3Dai de Gala felizu báa ŋinɛgi zaala zu, de wɔɔlɔi ƃɔɔ ɣaazu de ɣɛɛ ʋai ma su ɣilekpu da Ziizɛ Kolaini, dɛ lɛ laani ga nu ƃuse ŋeteai zu ʋaa ta nɛpɛ, da ɣa de ga sei‐kpoto‐ma vea ƃɔɔƃɔɔgitiɛ. 4To mu dàa ʋai ga nu ƃuse ŋeteai zu ʋaa nà ƃalaa zaƃu ɣa ba. Ani nu ta ƃɔnɔ ka ɣi gaa ziɛzu ga zaƃu ɣa dáa ʋai va ga nu ƃuse ŋeteai zu ʋaa, nà mu pɔ̀ɔ laa levegɛ. 5Kài ma te sèini kpoto ma folo dɔsava kelei ma. Gà ga Yezɔi nu gè ga Bẽjemɛ̃ɛ manu zuwui ta. Gà ga Hiiƃulu nu kàa veaitiɛ te ga Hiiƃulu vea. A li na ga Gala na tɔgi maʋai wɔɔ laa vele, gà ga Favilesii ta. 6Bɔ̀ɔlɔ ʋai gé yaa ʋai zu yá li na ga nà maʋai wɔɔ laa vele, gè ɣɛni ga Gala pɛlɛi ƃɔɔla nu. A li na ga tɔgi yee wu lele‐bo tuoi wɔɔ laa vele, faa ta nɛpɛ gɛ lɛ yɛni bà. 7Kɛ̀ nii nɛpɛ é ɣɛni ga sɔ̀lɔ‐wo ŋɛni, gè te ziɣini ga bàla‐ma ŋɛni Kolai mazaƃu ma. 8Ƃɔɔƃɔɔ su gà ŋɛni pɛ siɣizu ga bàla‐ma ŋɛni, toku ge zei faa ƃakpa walai nii va kuloai bu bɛ́ ga é leve faa pɛ ba. Na ɣa ga màliɣii Ziizɛ Kolai wɛ̃ɛ fai bɛ̀. Mazaƃui ɣa gè valaga la ŋɛni pɛ ma gìɛ te ziɣi ga tulu‐ga ŋɛni, kɛɛ ʋaa ma gè Kolai maa zɔlɔ wo, 9na ɣa ɣɛɛ na gè ɣɛ ga nui ta tɔ te su ɣilekpu, kpɔ̀ɔ lele‐bo tuo mɛ lɛ ɣɛ zèea. Na ɣa ga nii maʋaa ɣa ziɣi tɔgi la. Kɛ̀ tele‐bo tuoi nii yá ɣɛ nu ya dáa vele ma ga Kolai, nà ɣɛ zèea. Tɔ ɣa é ga tele‐bo tuoi kuloai Gala zeea. Maʋai ziɣivɛ zee‐la‐ma la. 10Gà nii ɣɛ kɛɛ ʋaa ma gè Kolai wɛ̃ɛ gè ná bu‐ziɣi‐saa‐ya ɣaa‐ƃai wɛ̃ɛ. Na ɣa ɣɛɛ na gà wɔɔ laa loo ná daa‐nɔwɔ‐wogi va gè ɣɛ ga kávele ná saa ʋai zu, 11kɛɛ ʋaa ma ani a zolowo na gè bu‐ziɣi‐saa‐ya ʋai ɣalama maa zɔlɔ wo.
De wũ‐gili ʋai nii va de gaa ziɛzu
12Ɛ́ lɛ ga ná maa‐zɔlɔ‐wo ka sa gè boga ɔɔ kɛ̀ɛ ɣa sa bogɛi ga nui nii maa‐wulo‐zu lɛ maʋaa va. Kɛ̀ gà ɣaa ƃaazu ma ga é ɣɛ ga nà dɔ, ƃɔvɛlaale Kolai kɛ̀ɛ ga ná dɔ. 13Nà numaa, ɛ́ lɛ kìgi zu ga gè sɔlɔ woga sa ga nà dɔ. Kɛ̀ faa ɣila ka gè kɛɛzu. Gà yeemazu nii ma é laani ga pùlu vele gìɛ laana‐taana ga gè ziiti nii ma é laani ga zèe luo vele. 14Gà ɣaa ƃaazu gè ziiti nii ma gè maa vele ɣaa ziɛzu maa‐wui ʋaa ma é ga tiligi nii Gala ge boga ga de ɣɛ pɔ́ vɛ de ɣɛɛ vele ma su ɣilekpu da Ziizɛ Kolaini 15Daitiɛ kuloai bu de vɛ pagɛ é yɛ de ɣi ga ŋɛ na. Ani faa ta nɛpɛ ka kɛɛ na wo ɣi gaa ziɛ ga pele ta ƃɔnɔ maa ʋeligɛi na va, Gala ka maʋai wulo ƃalaa pɛ kɛnɛ ma wo ɣaazu. 16Nii nɔ da kɛ tɔ ga nii de maa zɔlɔ woga de yɛ malogi zu.
17Nà numaa, a ƃɔ su wiɛ dàa wo kɔ̃ɔ. Na ɣa ɣɛɛ na niitiɛ te luozu è ɣɛ velei gé mawo‐kɔ̃ɔ dɛɛ la ga wiɛ, wiɛ natiɛ maa ƃɛ. 18Niitiɛ gè te maʋai wosu wiɛ wɔ, gà wɔnɔ bosu wiɛ gwɔlɔ yiɛ ʋɔlɔ gàazu ga te lamaa ta luozu è ɣɛ numai niitiɛ te ziliai ga Kolai nii kpakogɛi gulu ma de ʋaa ma. 19Daa‐wulo‐zuvɛ ɣa ga te zu ƃɔnɔ wo. Ta ɣalagi ɣa ga te wogi. Te ƃɔɔ ʋaa wɔɔlɔvɛ te ɣaazu ta wũfe tala luoi zu, te ɣigi ŋeteai nii zu ŋɛniitiɛ va. 20Kɛ̀ Gala ta ɣa de ga ná laa‐zeiga. A da ná maa kpowũsu ga de valo nui ziɣi na é va, na ɣa ga de maliɣii Ziizɛ Kolai. 21Dɔtɔi nii é de ma maʋaa loai bu towaa a maa ʋeli é ɣɛ ga ná saala‐ma lɔtɔi ɣavele. Towaa kɛ ga gaa‐ƃai nii é zéea yá kɛ ŋɛni pɛ ge ɣɛ bu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.