FELEPAITIƐ 2
2
Kolai ƃɔɔ loo ʋai bu ta bɔɔlɔ ʋai
1Na ma ani zii‐lɔɔ ta nɛpɛ bogɛ ga wiɛ wo ɣɛɛ vele ma su ɣilekpu wa Kolaini, ani wõila yii‐wu‐ziɣi ta nɛpɛ ge woni ga wiɛ, ani wo wɔɔ laa ta nɛpɛ ge looni Gala baa ŋinɛgi maʋaa va, ani sɛ‐sɛ‐bo tuo ta nɛpɛ ka wo yii zu ta maa‐wõi‐ɣaa luo, 2a nà kuu‐zu‐nɛi laa wulo wa ɣi‐gaa‐ziɛi ɣɛɛ vele ma su ɣilekpu, wõila zii ɣilagi wo ya, wo wuu zu ʋai nɔ ɣilekpu. 3A mɛ lɛ faa ta nɛpɛ kɛ ga ƃala vele nɔ ƃɔɔ ʋaa ma ɔ́ nɔ ɣɛ ga wo ƃɔɔ ʋaa ziɣi gbɛgbɛ̃i. Kɛ̀ kolo‐wuloa maazu a numai zɔitiɛ te maʋaa wɔɔlɔ é leve wa ɣagi va. 4Pagɛ wo ɣile‐giledai ɣaazu mɛ lɛ ɣɛ nɔ kpɔɔ zɔƃɛlɛi zu, kɛ̀ pagɛ gáazu ɣɛ ƃalaa pɛ zɔitiɛ ta dɛi zu. 5Ƃe ba ki‐gaa‐ziɛi nii ɣɛ wo ma nii wo maa zɔlɔ woga wo ɣɛɛ vele ma su ɣilekpu wa Ziizɛ Kolaini. 6Velei ƃalaa Ziizɛ Kolai nii ɣɛni la ga Gala kavele, te ɣɛɛ ʋai ga tii ta Gala, ɛ́ lɛ na ziɣini ga fai nii ɔ́ yee ɣata ma. 7Kɛ̀ é ƃɔɔ ziɣini ga nui lɛ ga ŋɛni‐ɣɛɛ ŋɛni ta nɛpɛ é ƃɔɔ wulo ga mɔɔlɛ‐wo nu te ka é ɣɛ ga nu ƃuse ɣavele. 8Tei tɔwɔ máʋaa ɣaa wodoni nu ƃuse lɔtɔ zu, é woloni é goo‐mɛni kulo ƃalaa ga é za, velei ƃalaa é ɣɛɛ la ga sai nii ɔ́ bo pɛɛ‐pulu wulu likpii ma. 9Na ʋaa ma Gala ge wala ƃakpaa é daa‐zeigi nii zei bá é daa‐zei pɛ maazu, 10kɛɛ ʋaa ma Ziizɛ na daa‐zeigi ɣa lɛɛ na, nu pɛ ge vile ŋibia gee‐zuvɛ, zui zu é vɛɛ zui wu va. 11Na ɣa ɣɛɛ na nu pɛ ge laa wu ziɣi ma é bo ga Ziizɛ Kolai ɣa é ga de maliɣii tiɛ de ɣeea Gala ƃɔɔlɔ nii mavele ma.
Nu ʋolo ʋai è ɣɛ ŋada wodoai é ŋeteai nii zu
12Na ma, ẁõila veaitiɛ, è ɣɛ velei wo yɛga goo‐mɛni kulozu la ɣee nɛpɛ, a kɛ ƃalaa ŋɛ na nii zu. É mɛ lɛ nɔ ɣɛ ga velei wo kɛɛzu la gàazu ma, kɛ̀ a kɛ ga kpakpaa gàazu wulu vele é leve na va. A wiɛ tii ɣɛ ga wo la ga wa valolai maʋai wiɛ kɛ ga duo wiɛ ƃeli. 13Toku ge zei ga Gala ka tii ɣɛɛzu wo yii zu yíɛ kɛ ga wo yii la ga wo wa lii nii ɣɛ yíɛ kɛ kpɔɔ yii‐mai‐ɣɛɛ ʋaa ma wo vɛ. 14Faitiɛ ɣaazɔ wo te ɣɛɛzu, a te ɣɛ zili‐zaɣa ʋaa mɛ lɛ ɣɛ ba ta sakpe faa, 15kɛɛ ʋaa ma wo ɣɛ ga nui maa wuai faa lɛ ba, wo ga Gala deai niitiɛ kawɔ‐zu lɛ te va zei‐zaa numai niitiɛ zaama te ga koto‐kata bea te wui zu ƃɔlɔgɛi. Wa ɣɛ ʋolozu te zaama è ɣɛ ŋada wodoaitiɛ te ŋeteai nii zu 16wo ɣatagɛi ʋululai mawoi va, kɛɛ ʋaa ma Kolai na kui ɣa ziiti na, gè wɔɔlɔ ƃɔɔ ɣaazu ga gɛ̀ lɛ ŋɛni faa yãka maa ƃize yɛvɛni ɔ́ nɔ ɣɛ ga gè mɔɔlɛ ƃɔɔvɛ. 17È ɣɛ ƃalaa pagɛ zɛ̀ʋui wulo zèea ga màŋamai wu zalaɣa ŋɛnii nii ma é ga wa yee‐la‐mai, kùu zu nɛɛvɛ. Gà vɛɛ wo va a de pɛ de kuu‐zu‐nɛɛ wulo. 18Vele nɔ na kɔnɔ pagɛi wo wuu zu nɛɛ la wo vɛɛ bà a de kuu‐zu‐nɛɛ wulo.
Temete ƃɔga Ɛpafɔlɔdaitɔ
19Kì ka na ga de maliɣii Ziizɛ Kolai zaala zu su lɛ woozasu gè Temete leve wo wɔ vɛ, kɛɛ ʋaa ma wo maà woi gà mɛni é ɣɛ ga màa musɛ woo. 20Nu ta nɛpɛ gɛ lɛ zèea ɔ́ ɣɛ ga kávele nii wa wulo‐nu‐ma ʋai mayii‐zɛlɛ ge ma ga ƃɔɔƃɔɔ su. 21Te pɛ te ɣaazu ɣa nɔ te ƃɔɔ zɔƃɛlɛi zu, ɛ́ lɛ ga niitiɛ te ga Ziizɛ Kolai zɔƃɛlɛi. 22Kɛ̀ wo kwɛ̃ni ga velei kuloai la bu Temete vɛ. Wo kwɛ̃ni ga è ɣɛ velei duu ɣa kɛɛ la kéea vɛ, Temete vɛɛni bà gá tɔ gíɛ woo niinɛ vagɔi malii ɣɛ. 23Na ma kì ka na ga gè teve, ani ƃɔɔ nɔ gà wɛlɛ na ná va ga velei fai ɣa ɣɛ ɣɛɛzu la zèea. 24Nà wɔ gé ɣɛɛ vele ma su ɣilekpu gá de maliɣii, dàavɛ la ga su lɛ woozaa nà kagi gè va na ƃalaa pɛ.
25Gè wɛlɛni ná va ga tɔ ga faa vagɔ ga gè Ɛpafɔlɔdaitɔ leve wo wɔ. Tɔ ga de wɔi ta é ga bɔ̀ɔ lii‐ɣɛɛ nu é ga bɔ̀ɔ wuluƃo. Na ɣa ɣɛɛ na tɔ ga wa ɣeela é ga kpàla‐ma ʋai malii‐ɣɛɛ nu. 26Gà tevesu toku ge zei ga kɛ́ɛvɛ wo maa‐wõi‐wõi kulozu. Zii‐zɛlɛ ge ɣɛni má, ƃɔvɛlaale wo mɛnini ga é ɣɛni zeeƃɛzu. 27É ɣɛni zeeƃɛzu ga ƃɔɔƃɔɔ su ná ta wolo yɛ tekpe ga é za. Kɛ̀ Gala ge gáazu‐maa‐wõi ɣaani. Ɛ́ lɛ nɔ ga tɔ, kɛ̀ é gàazu‐maa‐wõi ɣaani ƃalaa pɛ. Nà ɔ́ ɣɛɛ na maa‐wõi ɔ́ wu zèea maa‐wõi maazu. 28Na ma bɔ̀ɔlɔvɛ téve fai zu, kɛɛ ʋaa ma wa pɛtɛ na wo kuu‐zu‐nɛɛ wulo, na ɣa ɣɛɛ na zii‐zɛlɛ ge mɛ lɛ wɔɔlɔ mà. 29Na ma a yee zei bú ga kuu‐zu‐nɛɛ mazii ɣaazɔ wo ɣɛɛ vele ma su ɣilekpu wa de maliɣiini. Na ɣa ɣɛɛ na a wũfe na ɣavele veaitiɛ ma. 30Ƃɔvɛlaale ná ta wolo yɛni tekpe ga é za Kolai na tii ʋaa ma yíɛ yɛʋui wu sɛpɛ su ga é wa lii laa wulo zèea.
Currently Selected:
FELEPAITIƐ 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
FELEPAITIƐ 2
2
Kolai ƃɔɔ loo ʋai bu ta bɔɔlɔ ʋai
1Na ma ani zii‐lɔɔ ta nɛpɛ bogɛ ga wiɛ wo ɣɛɛ vele ma su ɣilekpu wa Kolaini, ani wõila yii‐wu‐ziɣi ta nɛpɛ ge woni ga wiɛ, ani wo wɔɔ laa ta nɛpɛ ge looni Gala baa ŋinɛgi maʋaa va, ani sɛ‐sɛ‐bo tuo ta nɛpɛ ka wo yii zu ta maa‐wõi‐ɣaa luo, 2a nà kuu‐zu‐nɛi laa wulo wa ɣi‐gaa‐ziɛi ɣɛɛ vele ma su ɣilekpu, wõila zii ɣilagi wo ya, wo wuu zu ʋai nɔ ɣilekpu. 3A mɛ lɛ faa ta nɛpɛ kɛ ga ƃala vele nɔ ƃɔɔ ʋaa ma ɔ́ nɔ ɣɛ ga wo ƃɔɔ ʋaa ziɣi gbɛgbɛ̃i. Kɛ̀ kolo‐wuloa maazu a numai zɔitiɛ te maʋaa wɔɔlɔ é leve wa ɣagi va. 4Pagɛ wo ɣile‐giledai ɣaazu mɛ lɛ ɣɛ nɔ kpɔɔ zɔƃɛlɛi zu, kɛ̀ pagɛ gáazu ɣɛ ƃalaa pɛ zɔitiɛ ta dɛi zu. 5Ƃe ba ki‐gaa‐ziɛi nii ɣɛ wo ma nii wo maa zɔlɔ woga wo ɣɛɛ vele ma su ɣilekpu wa Ziizɛ Kolaini. 6Velei ƃalaa Ziizɛ Kolai nii ɣɛni la ga Gala kavele, te ɣɛɛ ʋai ga tii ta Gala, ɛ́ lɛ na ziɣini ga fai nii ɔ́ yee ɣata ma. 7Kɛ̀ é ƃɔɔ ziɣini ga nui lɛ ga ŋɛni‐ɣɛɛ ŋɛni ta nɛpɛ é ƃɔɔ wulo ga mɔɔlɛ‐wo nu te ka é ɣɛ ga nu ƃuse ɣavele. 8Tei tɔwɔ máʋaa ɣaa wodoni nu ƃuse lɔtɔ zu, é woloni é goo‐mɛni kulo ƃalaa ga é za, velei ƃalaa é ɣɛɛ la ga sai nii ɔ́ bo pɛɛ‐pulu wulu likpii ma. 9Na ʋaa ma Gala ge wala ƃakpaa é daa‐zeigi nii zei bá é daa‐zei pɛ maazu, 10kɛɛ ʋaa ma Ziizɛ na daa‐zeigi ɣa lɛɛ na, nu pɛ ge vile ŋibia gee‐zuvɛ, zui zu é vɛɛ zui wu va. 11Na ɣa ɣɛɛ na nu pɛ ge laa wu ziɣi ma é bo ga Ziizɛ Kolai ɣa é ga de maliɣii tiɛ de ɣeea Gala ƃɔɔlɔ nii mavele ma.
Nu ʋolo ʋai è ɣɛ ŋada wodoai é ŋeteai nii zu
12Na ma, ẁõila veaitiɛ, è ɣɛ velei wo yɛga goo‐mɛni kulozu la ɣee nɛpɛ, a kɛ ƃalaa ŋɛ na nii zu. É mɛ lɛ nɔ ɣɛ ga velei wo kɛɛzu la gàazu ma, kɛ̀ a kɛ ga kpakpaa gàazu wulu vele é leve na va. A wiɛ tii ɣɛ ga wo la ga wa valolai maʋai wiɛ kɛ ga duo wiɛ ƃeli. 13Toku ge zei ga Gala ka tii ɣɛɛzu wo yii zu yíɛ kɛ ga wo yii la ga wo wa lii nii ɣɛ yíɛ kɛ kpɔɔ yii‐mai‐ɣɛɛ ʋaa ma wo vɛ. 14Faitiɛ ɣaazɔ wo te ɣɛɛzu, a te ɣɛ zili‐zaɣa ʋaa mɛ lɛ ɣɛ ba ta sakpe faa, 15kɛɛ ʋaa ma wo ɣɛ ga nui maa wuai faa lɛ ba, wo ga Gala deai niitiɛ kawɔ‐zu lɛ te va zei‐zaa numai niitiɛ zaama te ga koto‐kata bea te wui zu ƃɔlɔgɛi. Wa ɣɛ ʋolozu te zaama è ɣɛ ŋada wodoaitiɛ te ŋeteai nii zu 16wo ɣatagɛi ʋululai mawoi va, kɛɛ ʋaa ma Kolai na kui ɣa ziiti na, gè wɔɔlɔ ƃɔɔ ɣaazu ga gɛ̀ lɛ ŋɛni faa yãka maa ƃize yɛvɛni ɔ́ nɔ ɣɛ ga gè mɔɔlɛ ƃɔɔvɛ. 17È ɣɛ ƃalaa pagɛ zɛ̀ʋui wulo zèea ga màŋamai wu zalaɣa ŋɛnii nii ma é ga wa yee‐la‐mai, kùu zu nɛɛvɛ. Gà vɛɛ wo va a de pɛ de kuu‐zu‐nɛɛ wulo. 18Vele nɔ na kɔnɔ pagɛi wo wuu zu nɛɛ la wo vɛɛ bà a de kuu‐zu‐nɛɛ wulo.
Temete ƃɔga Ɛpafɔlɔdaitɔ
19Kì ka na ga de maliɣii Ziizɛ Kolai zaala zu su lɛ woozasu gè Temete leve wo wɔ vɛ, kɛɛ ʋaa ma wo maà woi gà mɛni é ɣɛ ga màa musɛ woo. 20Nu ta nɛpɛ gɛ lɛ zèea ɔ́ ɣɛ ga kávele nii wa wulo‐nu‐ma ʋai mayii‐zɛlɛ ge ma ga ƃɔɔƃɔɔ su. 21Te pɛ te ɣaazu ɣa nɔ te ƃɔɔ zɔƃɛlɛi zu, ɛ́ lɛ ga niitiɛ te ga Ziizɛ Kolai zɔƃɛlɛi. 22Kɛ̀ wo kwɛ̃ni ga velei kuloai la bu Temete vɛ. Wo kwɛ̃ni ga è ɣɛ velei duu ɣa kɛɛ la kéea vɛ, Temete vɛɛni bà gá tɔ gíɛ woo niinɛ vagɔi malii ɣɛ. 23Na ma kì ka na ga gè teve, ani ƃɔɔ nɔ gà wɛlɛ na ná va ga velei fai ɣa ɣɛ ɣɛɛzu la zèea. 24Nà wɔ gé ɣɛɛ vele ma su ɣilekpu gá de maliɣii, dàavɛ la ga su lɛ woozaa nà kagi gè va na ƃalaa pɛ.
25Gè wɛlɛni ná va ga tɔ ga faa vagɔ ga gè Ɛpafɔlɔdaitɔ leve wo wɔ. Tɔ ga de wɔi ta é ga bɔ̀ɔ lii‐ɣɛɛ nu é ga bɔ̀ɔ wuluƃo. Na ɣa ɣɛɛ na tɔ ga wa ɣeela é ga kpàla‐ma ʋai malii‐ɣɛɛ nu. 26Gà tevesu toku ge zei ga kɛ́ɛvɛ wo maa‐wõi‐wõi kulozu. Zii‐zɛlɛ ge ɣɛni má, ƃɔvɛlaale wo mɛnini ga é ɣɛni zeeƃɛzu. 27É ɣɛni zeeƃɛzu ga ƃɔɔƃɔɔ su ná ta wolo yɛ tekpe ga é za. Kɛ̀ Gala ge gáazu‐maa‐wõi ɣaani. Ɛ́ lɛ nɔ ga tɔ, kɛ̀ é gàazu‐maa‐wõi ɣaani ƃalaa pɛ. Nà ɔ́ ɣɛɛ na maa‐wõi ɔ́ wu zèea maa‐wõi maazu. 28Na ma bɔ̀ɔlɔvɛ téve fai zu, kɛɛ ʋaa ma wa pɛtɛ na wo kuu‐zu‐nɛɛ wulo, na ɣa ɣɛɛ na zii‐zɛlɛ ge mɛ lɛ wɔɔlɔ mà. 29Na ma a yee zei bú ga kuu‐zu‐nɛɛ mazii ɣaazɔ wo ɣɛɛ vele ma su ɣilekpu wa de maliɣiini. Na ɣa ɣɛɛ na a wũfe na ɣavele veaitiɛ ma. 30Ƃɔvɛlaale ná ta wolo yɛni tekpe ga é za Kolai na tii ʋaa ma yíɛ yɛʋui wu sɛpɛ su ga é wa lii laa wulo zèea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.