FELEPAITIƐ 4
4
1Na ma nà numaa, wai gè wo wõini gìɛ wo maa‐wõi‐wõi kulo, wai wo ga nà kuu‐zu‐nɛi ta nà ƃaa‐la‐mai, a lo kpãa nii mavele ma wo ɣɛɛ vele ma su ɣilekpu wa de maliɣiini, wai wo ga ẁõila veaitiɛ.
Tɛnɛ goi
2Gà Yuwodia maa nɛɛnɛsu gìɛ Sẽteke maa nɛɛnɛ ga te woo la ma te ɣɛɛ vele ma su ɣilekpu ta de maliɣiini. 3Gà wɔnɔ bosu è ma ƃalaa pɛ, yài è ga bɔ̀ɔ lii‐ɣɛɛ nu ƃɔɔƃɔɔgi. Ƃɔ ŋazai niitiɛ va. Toku ge zei ga te vɛi ɣɛ bà gá tiɛni gíɛ tii ɣɛ woo niinɛ vagɔi zu, Kilɛmɛ vɛi sa te va ta bàa lii‐ɣɛɛ veai zɔitiɛ. Ta ga numaitiɛ ta laa‐zeigi wonɛi ʋululai mawɔlɔi zu. 4A wuu zu nɛɛ ga ɣɛɛ nɛpɛ wo ɣɛɛ vele ma su ɣilekpu wa de maliɣiini. Gè ɣɛ wɔnɔ wo ma, a wuu zu nɛɛ. 5Ƃe ba nu pɛ ge wa yii‐lɔɔ ʋai wɛ̃ɛ. De maliɣii maa ƃuovɛ sa. 6A mɛ lɛ yii zɛlɛ, kɛ̀ fai ɣaazɔ zu a kɛ Gala ge wo ƃala‐ma ʋaitiɛ wɛ̃ɛ Gala‐felia maazu ta maa‐nɛɛnɛ‐boga é vɛɛ mama‐feea va. 7Gala na zii‐lai nii nu ƃuse ta nɛpɛ gɛ lɛ gaa ɣaa ga ná kele‐ɣele towaa ƃaa wo yii maazu ta wa ɣi‐gaa‐ziɛi Ziizɛ Kolai zaala zu.
8Na pɛ ka ɣɛɛ na, nà numaa, nii nɛpɛ é ga gaama, nii nɛpɛ é ga ƃaa‐la‐ma ʋaa, nii nɛpɛ é ga tele‐bo faa, nii nɛpɛ maʋaa maa wuai, nii nɛpɛ é ga nu wõi‐ɣɛ‐ma ʋaa, nii nɛpɛ saala ma, ani wɔnɔ ŋɛni ta nɛpɛ ka na pagɛi baa pɛ ba, ani ŋɛni ta nɛpɛ ka na kuloai bu bɛ́ ga daa‐maa‐lɛɛ wo da, a ɣi gaa ziɛ é vile ŋɛnii niitiɛ va. 9Nii nɛpɛ wo maa wolia, nii kɔnɔ wo maa zɔlɔ woga ta nii wo mɛniga é vɛɛ fai nii va wo pɛtɛga nà ŋeteai zu, a te ɣɛ. Na ɣa ɣɛɛ na zii‐lai maƔalagi ɣa ɣɛ wo woba.
Pɔɔ yee‐zei ʋai Felepaitiɛ ta ʋaa‐nɛi wu
10Gà kuu‐zu‐nɛɛ wala wulozu gá de maliɣii gé ɣɛɛ vele ma su ɣilekpu. Na ɣa ga velei wo zɔƃɛlɛ yɛga la wɔlɔ màʋai zu tɔwɔ ná zu wooza sa, wo da ɣa lo wɔnɔ maʋai zu. Wo zɔƃɛlɛ ɣɛni màʋaa zu ga gaama, kɛ̀ wɛ lɛ ŋɛni pele zɔlɔ wosu. 11Ɛ́ lɛ ga zili ɣa gè saɣazu é vile kpàla‐ma ʋaa va, ƃɔvɛlaale gè faa maa wolia ga togi nɛpɛ gè ɣɛ su ná zìi la. 12Gè kwɛ̃ni ga velei gà ziɛ la ná wu ani gà ɣɛ na ga mɔɔlɛ nu, kwɛ̃ɛgɛi wɔnɔ bɛ̀ ga velei gà ziɛ la ná wu ani gà ɣɛ na ga ŋɛni keea nu. Gè faa maa wolia pele mazii ta nɛpɛ su. Gè maa wolia pele mazii ɣaazɔ zu ga ani ŋɛni laa ɣa loo na, velei gà maziɛ wo da. Ani wɔnɔ ŋɛni mawulu ɣa loo na, velei gà maziɛ wo da. Ŋɛni ɣa lama na, ŋɛni mavala ka loo na wɔnɔ, gè kwɛ̃ni ga velei gà maziɛ wo da. 13Gà zoo gè faa pɛ kɛ nui nii zaala zu é sù ƃaazu. 14Na pɛ ge ɣɛɛvɛ, wo nu ƃɔɔ ʋaa ɣɛɛni ga velei wo wɔɔ laa ɣɛɛni la nà faa ƃaagi zu.
15Na ɣa ɣɛɛ na wai wo ga Felepaitiɛ, wa ƃɔɔ wo kwɛ̃ni ga woo niinɛ vagɔi maʋaa lɔɔ‐zei‐zuvɛ, tei gè ziɣini Masadoonia, Gala pɛlɛ ta ƃɔnɔ bu vea tɛ lɛ zeini ma tɔ vɛɛ bà ŋɛni‐ʋee ʋaa ma ta ŋɛni‐maa‐zɔlɔ‐wo faa é wulo wo wulu. 16Toku ge zei ga tei ƃalaa gè ɣɛni Tɛsɛlonaika, wo ŋɛni leveni bɛ̀ ga kpɔ‐ba, siɛ ta zu wo wote wɔnɔ wo ta ɣɛ. 17Ɛ́ lɛ ga gà saba ŋɛni maa vele ɣaa ziɛzu. Kɛ̀ gà pulu ga wo ŋɛnii nii zɔlɔ wo yá ɣɛ wa wulo‐nu‐ma ʋaa ma. 18Gè ʋɔɔnɛ maa zɔlɔ woga ga daa ʋega ta vɛi ba. Zèe laa ʋegɛ sa, tei tɔwɔ saba ŋɛnii niitiɛ wo te levega gè te maa zɔlɔ woga Ɛpafɔlɔdaitɔ ya. Tɔ ga faa‐nɛi wũ‐nɛɛ‐nɛɛ é ga zalaɣai Gala ka yee zei bu zíi lai maʋaa zu. 19Na ɣa ɣɛɛ na nà Galagi ɣa wo ƃala‐ma ʋai ɣaazɔ laa‐zɔ bo wiɛ è ɣɛ velei nɔ ná kpɛtɛi la saala‐malai zu wo ɣɛɛ vele ma su ɣilekpu wa Ziizɛ Kolaini. 20Da Ɣalagi nii é ga de ɣeeai towa daa‐maa‐lɛɛ ɣa wo da wɔlɔ‐wɔlɔ ta wɔlɔ‐wɔlɔ. Nà nɔ yá ɣɛ.
Daali‐ma ɣaa‐ƃelagi
21Waitiɛ nɛpɛ wo ga Gala na dɔ numaa, gè wo luoni a de ɣɛɛ vele ma su ɣilekpu da Ziizɛ Kolaini. Bàitiɛ gá tiɛni gé vɛ te wo luoni. 22Gala na dɔ numaitiɛ ɣaazɔ te wo luoni, Siiza wɔ pɛlɛ wu veaitiɛ ta dɔ vele ƃɔɔƃɔɔ ma. 23De maliɣii Ziizɛ Kolai na maa‐wõi‐ɣaa ƃɔ‐bai ɣa ɣɛ wo yii zu fãa.
Currently Selected:
FELEPAITIƐ 4: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
FELEPAITIƐ 4
4
1Na ma nà numaa, wai gè wo wõini gìɛ wo maa‐wõi‐wõi kulo, wai wo ga nà kuu‐zu‐nɛi ta nà ƃaa‐la‐mai, a lo kpãa nii mavele ma wo ɣɛɛ vele ma su ɣilekpu wa de maliɣiini, wai wo ga ẁõila veaitiɛ.
Tɛnɛ goi
2Gà Yuwodia maa nɛɛnɛsu gìɛ Sẽteke maa nɛɛnɛ ga te woo la ma te ɣɛɛ vele ma su ɣilekpu ta de maliɣiini. 3Gà wɔnɔ bosu è ma ƃalaa pɛ, yài è ga bɔ̀ɔ lii‐ɣɛɛ nu ƃɔɔƃɔɔgi. Ƃɔ ŋazai niitiɛ va. Toku ge zei ga te vɛi ɣɛ bà gá tiɛni gíɛ tii ɣɛ woo niinɛ vagɔi zu, Kilɛmɛ vɛi sa te va ta bàa lii‐ɣɛɛ veai zɔitiɛ. Ta ga numaitiɛ ta laa‐zeigi wonɛi ʋululai mawɔlɔi zu. 4A wuu zu nɛɛ ga ɣɛɛ nɛpɛ wo ɣɛɛ vele ma su ɣilekpu wa de maliɣiini. Gè ɣɛ wɔnɔ wo ma, a wuu zu nɛɛ. 5Ƃe ba nu pɛ ge wa yii‐lɔɔ ʋai wɛ̃ɛ. De maliɣii maa ƃuovɛ sa. 6A mɛ lɛ yii zɛlɛ, kɛ̀ fai ɣaazɔ zu a kɛ Gala ge wo ƃala‐ma ʋaitiɛ wɛ̃ɛ Gala‐felia maazu ta maa‐nɛɛnɛ‐boga é vɛɛ mama‐feea va. 7Gala na zii‐lai nii nu ƃuse ta nɛpɛ gɛ lɛ gaa ɣaa ga ná kele‐ɣele towaa ƃaa wo yii maazu ta wa ɣi‐gaa‐ziɛi Ziizɛ Kolai zaala zu.
8Na pɛ ka ɣɛɛ na, nà numaa, nii nɛpɛ é ga gaama, nii nɛpɛ é ga ƃaa‐la‐ma ʋaa, nii nɛpɛ é ga tele‐bo faa, nii nɛpɛ maʋaa maa wuai, nii nɛpɛ é ga nu wõi‐ɣɛ‐ma ʋaa, nii nɛpɛ saala ma, ani wɔnɔ ŋɛni ta nɛpɛ ka na pagɛi baa pɛ ba, ani ŋɛni ta nɛpɛ ka na kuloai bu bɛ́ ga daa‐maa‐lɛɛ wo da, a ɣi gaa ziɛ é vile ŋɛnii niitiɛ va. 9Nii nɛpɛ wo maa wolia, nii kɔnɔ wo maa zɔlɔ woga ta nii wo mɛniga é vɛɛ fai nii va wo pɛtɛga nà ŋeteai zu, a te ɣɛ. Na ɣa ɣɛɛ na zii‐lai maƔalagi ɣa ɣɛ wo woba.
Pɔɔ yee‐zei ʋai Felepaitiɛ ta ʋaa‐nɛi wu
10Gà kuu‐zu‐nɛɛ wala wulozu gá de maliɣii gé ɣɛɛ vele ma su ɣilekpu. Na ɣa ga velei wo zɔƃɛlɛ yɛga la wɔlɔ màʋai zu tɔwɔ ná zu wooza sa, wo da ɣa lo wɔnɔ maʋai zu. Wo zɔƃɛlɛ ɣɛni màʋaa zu ga gaama, kɛ̀ wɛ lɛ ŋɛni pele zɔlɔ wosu. 11Ɛ́ lɛ ga zili ɣa gè saɣazu é vile kpàla‐ma ʋaa va, ƃɔvɛlaale gè faa maa wolia ga togi nɛpɛ gè ɣɛ su ná zìi la. 12Gè kwɛ̃ni ga velei gà ziɛ la ná wu ani gà ɣɛ na ga mɔɔlɛ nu, kwɛ̃ɛgɛi wɔnɔ bɛ̀ ga velei gà ziɛ la ná wu ani gà ɣɛ na ga ŋɛni keea nu. Gè faa maa wolia pele mazii ta nɛpɛ su. Gè maa wolia pele mazii ɣaazɔ zu ga ani ŋɛni laa ɣa loo na, velei gà maziɛ wo da. Ani wɔnɔ ŋɛni mawulu ɣa loo na, velei gà maziɛ wo da. Ŋɛni ɣa lama na, ŋɛni mavala ka loo na wɔnɔ, gè kwɛ̃ni ga velei gà maziɛ wo da. 13Gà zoo gè faa pɛ kɛ nui nii zaala zu é sù ƃaazu. 14Na pɛ ge ɣɛɛvɛ, wo nu ƃɔɔ ʋaa ɣɛɛni ga velei wo wɔɔ laa ɣɛɛni la nà faa ƃaagi zu.
15Na ɣa ɣɛɛ na wai wo ga Felepaitiɛ, wa ƃɔɔ wo kwɛ̃ni ga woo niinɛ vagɔi maʋaa lɔɔ‐zei‐zuvɛ, tei gè ziɣini Masadoonia, Gala pɛlɛ ta ƃɔnɔ bu vea tɛ lɛ zeini ma tɔ vɛɛ bà ŋɛni‐ʋee ʋaa ma ta ŋɛni‐maa‐zɔlɔ‐wo faa é wulo wo wulu. 16Toku ge zei ga tei ƃalaa gè ɣɛni Tɛsɛlonaika, wo ŋɛni leveni bɛ̀ ga kpɔ‐ba, siɛ ta zu wo wote wɔnɔ wo ta ɣɛ. 17Ɛ́ lɛ ga gà saba ŋɛni maa vele ɣaa ziɛzu. Kɛ̀ gà pulu ga wo ŋɛnii nii zɔlɔ wo yá ɣɛ wa wulo‐nu‐ma ʋaa ma. 18Gè ʋɔɔnɛ maa zɔlɔ woga ga daa ʋega ta vɛi ba. Zèe laa ʋegɛ sa, tei tɔwɔ saba ŋɛnii niitiɛ wo te levega gè te maa zɔlɔ woga Ɛpafɔlɔdaitɔ ya. Tɔ ga faa‐nɛi wũ‐nɛɛ‐nɛɛ é ga zalaɣai Gala ka yee zei bu zíi lai maʋaa zu. 19Na ɣa ɣɛɛ na nà Galagi ɣa wo ƃala‐ma ʋai ɣaazɔ laa‐zɔ bo wiɛ è ɣɛ velei nɔ ná kpɛtɛi la saala‐malai zu wo ɣɛɛ vele ma su ɣilekpu wa Ziizɛ Kolaini. 20Da Ɣalagi nii é ga de ɣeeai towa daa‐maa‐lɛɛ ɣa wo da wɔlɔ‐wɔlɔ ta wɔlɔ‐wɔlɔ. Nà nɔ yá ɣɛ.
Daali‐ma ɣaa‐ƃelagi
21Waitiɛ nɛpɛ wo ga Gala na dɔ numaa, gè wo luoni a de ɣɛɛ vele ma su ɣilekpu da Ziizɛ Kolaini. Bàitiɛ gá tiɛni gé vɛ te wo luoni. 22Gala na dɔ numaitiɛ ɣaazɔ te wo luoni, Siiza wɔ pɛlɛ wu veaitiɛ ta dɔ vele ƃɔɔƃɔɔ ma. 23De maliɣii Ziizɛ Kolai na maa‐wõi‐ɣaa ƃɔ‐bai ɣa ɣɛ wo yii zu fãa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.