KƆLĨITIƐ 2
2
1Gè kpɛtɛni ɣigi zu ga gè mɛ lɛ wɔnɔ wo wãla‐ma laali‐ma wo ga wiɛ. 2Toku ge zei ga ani ga wo wãla‐ma ʋaa ɣɛɛ na, ƃɛɛ ƃɔnɔ ka é na yá kɛ kùu zu nɛɛ é wulo wo wulu wai gà wo wãla‐ma ʋai ɣɛ? 3Gè kɔlɔi wonɛni ŋɛ na wo wɔ kɛɛ ʋaa ma taitiɛ mugi kìgi te va ga te kɛ gè kuu‐zu‐nɛɛ wulo natiɛ mu te mɛ lɛ ẁãla‐ma ʋaa ɣɛ. Ƃɔvɛlaale dàavɛ ga wo ɣaazɔ wo maʋai ga nà kuu‐zu‐nɛi ɣa ɣɛ ga wo pɛ wa wuu‐zu‐nɛi. 4Gè kɔlɔi wonɛni wo wɔ faa ƃoei ƃakpa maazu ta zii‐zuuli ƃakpa gwɔlɔ yiɛ wɔɔlɔi gàazu. Ɛ́ lɛ ŋɛni ga gè kɛ ga wo wãla‐ma ʋaa‐ɣɛɛ vele, kɛ̀ wo wõila ƃakpai wɛ̃ɛ é zèea wo ʋaa ma.
Faa‐ŋala‐ŋala‐kɛɛ nu na su‐ʋaa‐yɛ fai
5Tɔwɔ ani nu ta é faa ɣɛɛ é ga nu wãla‐ma ʋaa, nà lei ɔ́ kɛ gàazu. Kɛ̀ pelei ta zu vele wo ɣaazɔ ɣa é kɛɛ ga wiɛ. Tɔwɔ de mɛ lɛ siɣi ga fai gwala yee viiyai wo ma. 6Nui é na ɣavele ʋai ɣɛɛ, tɔgi wo ƃɔɔlɔ‐zu wo ƃɔga su wo kpɛ ma nà kulo‐ɣɛɛ woga. 7Wa mu a lite wɔnɔ wo manui zu ʋaa yɛ wiɛ gaa nɛkpɛ. Na laale maa‐wõi wala ƃakpa ɣa yii la kpulu. 8Na ma wo veevɛ. A dɛ wɔnɔ ga manui ga wo wõivɛ la. 9Na ɣa é kɛɛni gè kɔlɔi wonɛ kɛɛ ʋaa ma gè wo zu wɔ̃ɔ gè wɛlɛ na va ga ani wa ɣɛ ga goo‐mɛni‐kulo vea fai ɣaazɔ zu. 10Nui nɛpɛ wa su ʋaa yɛ, gà manui zu ʋaa yɛ ƃalaa pɛ. Nii gè su ʋaa yɛga, na ɣa ga ani gè faa ta nɛpɛ su ʋaa yɛga nu vɛ, gè kɛɛni wo zaƃu ma Kolai ɣaazu. 11Gè nii ɣɛɛni ga gè kɛ Seeta mɛ lɛ lɔɔ‐zu vɛtɛ de va. Ƃɔvɛlaale nii é pulu de kwɛ̃ni.
Pɔɔ na zii‐zɛlɛ fai Toolɛɛ lai zu
12Tei gè vaani Toolɛɛ ga gè Kolai mawoo niinɛ vagɔi wo pele laa laogɛi ɣɛ tùo de maliɣii na tii‐ɣɛɛ ʋaa ma. 13Kɛ̀ zii‐laa lɛ ŋɛni zèea, ƃɔvɛlaale gɛ̀ lɛ ŋɛni wɛlɛni bɔ̀i Taitɔ va na. Na ma gè ʋelini te ma gè li Masadoonia.
Nu ɣɛɛ ʋai ga zee‐leve‐ba nu ta Kolai te ɣɛɛ vele ma su ɣilekpu
14Kɛ̀ Gala mama. Towa é kɛɛzu Kolai yìɛ pele wulo ga gíɛ ga ɣɛɛ nɛpɛ zee‐leve‐ba luoi zu. Na ɣa ɣɛɛ na yíɛ ɣɛ ga zaƃu gíɛ Kolai maʋai maɣele‐ɣele faa wũ‐nɛɛ‐nɛɛgi yɛzɛ ŋadɛi ɣaazɔ. 15Ƃɔvɛlaale gá ɣa gé Gala zeea ga Kolai wũ‐nɛɛ‐nɛɛgi niitiɛ zaama te vaazu valozu ta niitiɛ te zu vaazu ƃɔnɔ wosu. 16Tɔ taniga ɣaazu ga ŋɛni wũ kũ‐yowũ‐yowũgi nii yá nu vaa, é zɔitiɛ wɔ gaazu ga ŋɛni wũ‐nɛɛ‐nɛɛgi nii yá zɛʋu ʋe. Ƃɛ ɣa kulo‐ɣɛɛ wogɛi bɛ́ ŋɛni wũ‐nɛɛ‐nɛɛgi niitiɛ yɛzɛ faa ma? 17Gɛ́ lɛ ga Gala daa woi zɔ̃wɔ‐wulo vea è ɣɛ velei nu lamaa ta kɛɛ la. Kɛ̀ tei tɔwɔ gé ga gaama‐ɣɛɛ vea, è ɣɛ velei nɔ gé wuloai la Gala bɛ, gá ƃɔɛ Gala gaazu gé ɣɛɛ vele ma su ɣilekpu gá Kolaini.
Currently Selected:
KƆLĨITIƐ 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
