KƆLĨITIƐ 10

Pɔɔ woo‐zu‐wulo‐kɛɛ ʋai ná tii ʋaa ma

1Nài gè ga Pɔɔ, gà wo maa nɛɛnɛsu Kolai na kolo‐wuloai mavele ma ta ná sɛ‐sɛ‐bo fai ―nài wo bosu ga da wani de ɣaazu ɣa too na kii zu gà wolo, tɔwɔ màa ɣa wooza na wo va gè ɣɛ ga duo lala nu! 2Wo vee ʋaa ve. Gà ɣɛ na wo ɣaazu, a mɛ lɛ kɛ gɔ̀ duo lala luo wo gɔ̀ na ɣavele lai wo ƃɔɔ ga ƃɔɔ gɔ̀ luo ga wiɛ è ɣɛ velei é la kìgi zu ga gà kɛ ga nui niitiɛ te ɣigi na ga gá luoi ɣa ga ŋeteai nii zu luoi ɣavele. 3Ƃɔvɛlaale velei ƃalaa gé la ŋeteai nii zu, ŋeteai nii zu wɔɔ lei gɔ́ ɣɛ kɔɔzu. 4Toku ge zei ga gá wɔɔ‐wɔɔ wolu ŋɛniitiɛ tɛ lɛ ga ŋeteai nii zu ɣelea. Gala ta ɣaa‐ƃaa ɣa te zu ga vɛ ná ɣee ɣaa ɣa ƃaa te ná zu ŋala‐ŋala. 5Gá sakpe‐dɔ‐da ʋaitiɛ ƃea gá, fai nɛpɛ yá wulo é ƃesa kele‐ɣelegi luo é de ya é vile Gala ba gé na zu ŋala‐ŋala. Na ɣa ɣɛɛ na gá kɛ nu pɛ ge lɔ Kolai yee wu ta ɣi‐gaa‐ziɛi zu tiɛ goo‐mɛni kulo zéea. 6Wa wa dɔ woo‐mɛni‐kuloai laa wulo na, gé ɣavele ɣa ƃɛtɛ ga gé tɔ kpɛ nui nɛpɛ ma yá goo‐mɛni tala wulo.

7A wɛlɛ nii va é wo ɣaazu luo. Ani nu ta nɛpɛ daavɛ la ga tɔ ga Kolai na dɔ, maa nɛɛvɛ é yɛ manui ɣi ga ga velei é la ga Kolai na dɔ vele nɔ na gé la. 8Gè yoka tevevɛ ƃalaa gè teve kɛɛ‐zu va ga ta wolo gaa‐ƃai ʋaa ma de maliɣii feea gé ya, gɛ̀ lɛ wũfega su. Na ɣa ga gaa‐ƃai feeai gé ya wo maʋai lii ʋaa ma ga ná yee luo vele ɛ́ lɛ ga wo loo ʋaa ga ná wulu vele. 9Gɛ̀ lɛ wõini máʋaa ɔ́ wulo è ɣɛ gà ɣɛ wo maa luosu ga nà kɔlɔitiɛ. 10Toku ge zei ga numaa ta ɣɛɛzu tea, “Ná kɔlɔitiɛ te maʋaa wu viivɛ te maʋaa ɣee ɣaa ƃai. Kɛ̀ tɔ ɣagi ɣa ɣɛ na gé woba, máʋai ʋii ɣa ƃɛɛ. Niitiɛ yá te wo tɛ lɛ ɣɛɛ numaa ɣaazu ga faa.” 11Pagɛ taitiɛ ta na ɣavelei wo te gaa ɣa ga nii gá bo kɔlɔ zu vɛ gɛ́ lɛ ɣɛɛ na, ani gá ɣɛ na na gá maʋai ɣɛ.

12Ɛ́ lɛ ga gé ná vile nɛ ma ga gé ƃɔɔ vɛɛ niitiɛ va te ƃɔɔ lɛɛzu ɔɔ gé ƃɔɔ wo kɔ̃ɔ te ma. Ta ɣɛ na lo‐suvɛtiɛ wɔ̃ɔsu ɣiini to‐suvɛ ma tiɛ wo kɔ̃ɔ ɣii ma, ta ɣɛ kɛɛzu ga faa ɣaa‐ɣaa lala vele. 13Gɛ́ lɛ yoka tevea gɔ́ ƃabi maa leve, kɛ̀ gá kɛ gé wɛ̃ɛ da vɛ Gala ge gé wɛ̃ɛ tevea na gé ziiti ƃalaa ʋɔlɔ wo ma. 14Gɛ́ lɛ ƃabi maa levesu gɔ́ li vɛ tɛ lɛ gé leveni na. Nà maʋaa ɣa wulo è ɣɛ gɛ́ lɛ ɣɛ ziiti wo ma. Gá wɔ gé ɣɛni ga nu maa wũ gé va ƃɔɔ gé ziiti wiɛ ga Kolai mawoo niinɛ vagɔi. 15Gɛ́ lɛ yoka tevea gɔ́ ƃabi maa leve da nu ƃɔnɔga ta dɔ lii zu. Kɛ̀ gé ɣi ka ba ga wa yee‐la‐mai zu ɣa ɣɛ na wɔɔlɔzu, gá lii‐ɣɛɛ‐zuvɛtiɛ wo zaama wala maa ɣa sa a wɔɔlɔ, 16kɛɛ ʋaa ma gíɛ goo niinɛ vagɔi wo zui zɔitiɛ zu te ga wo wulu vele. Gé mɛ lɛ ɣɛ yoka tevezu tii nii ʋaa ma kɛ́i sa nu ta ƃɔnɔ na tii‐ɣɛɛ‐zu. 17È ɣɛ velei ponɛi la Gala kɔlɔi zu mawoi ga “Nui nɛpɛ yá ɣɛ é yoka teve, maa nɛɛvɛ é de maliɣii mayoka teve.” 18Ƃɔvɛlaale ɛ́ lɛ ga nui yá ƃɔɔ lɛ towa Gala ka yee zei bu, kɛ̀ tɔ ga nui de maliɣii ɣa dɛ́.

Currently Selected:

KƆLĨITIƐ 10: DN1971

Highlight

Copy

Compare