Shpricha 19
19
Es 19. Gabiddel.
1'Sis bessah fa en oahmah mann sei es lawft in unshuld,
es vi en unksheidah mann sei es di unvoahret sawkt mitt sei leftz.
2'Sis nett goot fa fleisich sei unni eisicht;
veah zu shnell lawft mitt di fees fafayld da vayk.
3En unksheidah mann fadaubt's fa sich selvaht,
avvah no vatt eah bays un pshuldicht da Hah.
4Bei reich sei grikt ma feel freind,
avvah da oahm mann vatt falossa bei sei freind.
5En falshah zeiyah zayld nett unkshtrohft gay,
un sellah es leeya sawkt zayld nett frei gay.
6Feel shmaychla sich oh mitt di evvahshta,
un alli-ebbah is en freind funn selli es kshenkah ausgevva.
7En oahmah mann is kast bei sei breedah;
vi feel may doon sei freind sich vekk halda funn eem!
Eah gayt eena nohch mitt vadda,
avvah si kenna nett kfunna sei.
8Sellah es veisheit grikt leebt sei aykni sayl,
un sellah es hald vass eah land zayld goot du.
9Sellah es falshi zeiya gebt, zayld nett unkshtrohft gay,
un sellah es leeya sawkt kumd um.
10'Sis nett shiklich es en unksheidah reich layva sett,
vi feel vennichah sett en gnecht roola ivvah en evvahshtah.
11En mann sei veisheit gebt eem geduld;
'sis zu sei eah vann eah's fa'achta dutt vann eah faletzt vatt.
12En kaynich sei zann is vi's roahres funn en layb,
avvah sei gnawt is vi da dau uf em graws.
13En unksheidah boo bringd sei daett zu nix,
un en zannichi fraw is vi vassah di gans zeit am drobsa.
14Heisah un reichheit vadda geahbt funn di eldra,
avvah en goodi fraw kumd fumm Hah.
15Faulheit bringd deefah shlohf,
un leit es nett shaffa gayn hungahrich.
16Sellah es es gebott hald, hald sei sayl;
avvah sellah es sei vayk nett vatsht, kumd um.
17Sellah es bamhatzich is zu di oahma, is am layna zumm Hah,
un eah zayld een zrikk betzawla fa vass eah gedu hott.
18Mach dei boo heicha diveil es hofning datt is,
sei nett en hilf zu seim doht.
19En mann es kshvind bays vatt muss betzawla difoah,
vann du eem aus druvvel helfsht, musht's yusht viddah du.
20Heich ab zu goodah roht un nemm di lanning oh,
so es du veisheit griksht fa shpaydah naus.
21En mann hott feel sacha im sinn fa du,
avvah da Hah zayld's ausrichta vi eah's vill.
22Vass leeblich is in en mensh is bamhatzichkeit;
'sis bessah fa oahm sei es vi en leeyah sei.
23Di furcht fumm Hah fiaht zumm layva,
no kann ebbah roowa un is frei funn druvvel.
24En faulah mann dutt sei hand in di shissel,
avvah eah bringd even's ess-sach nett ruff an sei maul.
25Gebb en shpoddah shlayk, no vadda selli shmeaht es nett kshvind fashtayn;
setz en mann recht mitt goodah fashtand, un eah grikt eisicht.
26Sellah es sei daett veesht yoost, un sei maemm fatt yawkt,
is en shandlich un unfashtendich kind.
27Heah uf abheicha zu famohning, mei sohn,
un du lawfsht vekk funn di vadda funn lanning.
28En shlechtah zeiyah macht shpott funn anri iahra recht,
un's maul funn di ungettlicha gleicht evil.
29Leit es shpoddah sinn zayla kshtrohft vadda,
un di bikkel funn di unksheida zayla gegaysheld vadda.
Currently Selected:
Shpricha 19: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
