Gianyuta 5
5
Itabu Adola kede Katin Romo
1 #
Esekeri 2.9-10; Isaya 29.11 Di ako neno itabu adola, kame kowandiko yie kiton ngee di tie i cing tetu cam me ngat kame oudo bedo i kom me ajakanut nono; oudo kododoko mwone tien kanyaare. 2Di ako neno malaika kame tie kede twer adwong di epenyere kede dwan amalo be, “Ngai en kame opoore pi tako gikame kododoko mwono kede itabu di eko yabo yie?” 3Likame tie ngatamoro i malo arabo i wi lobo amoto piny i dud lobo, kame oko karuno yabo itabu nono arabo neno yie. 4Ango di ako kok kitek pien likame tie ngatamoro kame oko udere kame oudo opoore pi yabo itabu nono arabo neno yie. 5#Ageini 49.9; Isaya 11.1, 10Di ngat acel kikom joadongo oko waco na be, “Kur ikoki; neningo, Engu me ateker ka Yuda, Alias ka Daudi, otieko lono, omio en ekaruno tako gikame kododoko tien kanyaare mwono kede itabu adola nono, di eko yabo yie.”
6 #
Isaya 53.7; Sakaria 4.10 Di ako neno i dierediere me kom me ajakanut kede giacwea akuo ongwon, kede i dier joadongo di cungo iye Katin Romo kame ineno bala koneko. Oudo etie kede tunge kanyaare kede wange kanyaare, kame obedo tipere kanyaare ka Rubanga kame ecwao i wi lobo lung. 7Katin Romo nono oko ot di en eko gamo itabu adola nono ki cing tetu cam me ngat kame oudo obedo i kom me ajakanut. 8#Sabuli 141.2Kakame en etieko gamo kede itabu adola nono, giacwea akuo ongwon kede joadongo ot are kiwie ongwon nogo oko riebere i nyim Katin Romo, ngat acelacel kikom gi oudo tie kede adungu kede bakulin kame kotimo kede saabu di oketo i yi gi bubani pong, kame obedo ilega me jokacil. 9#Sabuli 33.3; 98.1; Isaya 42.10Gin kiko wero wer anyen di kiwaco be,
“In en ngat kame opoore pi gamo itabu adola
kede tako gikame kododoko mwone kede.
Pien in oudo koneki, doko ilako ne Rubanga jo kede remo ni,
jo me abilere dedede, leb dedede, jo me erangi dedede kede atekerin dedede.
10 #
Yai 19.6; Gianyuta 1.6 In imio gi kidoko jo me ajakanut, josaseredoti pi tic ne Rubanga wa,
doko gin kibino pugo lobo.”
11 #
Danieri 7.10
Di ango bobo ako neno, doko ako winyo dwan imalaikan atot kame romo tutumian kede tutumian, kame oudo oluko kom me ajakanut nono, kede dwan giacwea akuo ongwon kede me joadongo, 12di kiwero kede dwan amalo be,
“Katin Romo kame oudo koneko en kame
opoore pi udo twer, abar, rieko, teko,
wor, deyo, kede pak!”
13Di ako winyo giacwea dedede kame tie i malo kede i wi lobo kede piny i dud lobo kede i nam, giacwea dedede kame tie i piny, di kiwero be,
“Pak, wor, deyo kede twer bed nakanaka
but ngat kame bedo i kom me ajakanut kede but Katin Romo
ikar kede ikar!”
14Giacwea ongwon kame kuo nogo oko gamo be, “Amen!” Di joadongo nogo oko riebere piny di kiko mino wor.
Currently Selected:
Gianyuta 5: BILK13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
