Gianyuta 4
4
Woro Rubanga i Malo
1Di man otieko timere, ako neno ekeko koyabere i malo. Di dwan me agege kame oudo ageo winyo di yamo keda bala koko me agwara oko waco na be, “Bia malo kan di ako bino nyuto ni gikame miero timere ingei man.” 2#Esekeri 1.26-28; 10.1Cucuto nono di twer me Tipo oko uma, di ako neno kom me ajakanut i malo di ngatamoro tie bedo iye. 3Ngat kame oudo bedo iye nono oudo meny bala kidere kame kolwongo be jesipa kede karenelia, doko etauloka kame oudo erangi mere cal bala kidi kame kolwongo be emeradi oudo oluko kom me ajakanut nono. 4Komini ot are kiwie ongwon me ajakanuto oudo oluko kom me ajakanut nono, di joadongo ot are kiwie ongwon, kame ongapo igoen atar, kede di kingapo i wi gi icoron me angosibib kame kotimo kede saabu, oudo tie bedo i komini nogo. 5#Yai 19.16; Gianyuta 8.5; 11.19; 16.18; Esekeri 1.13; Gianyuta 1.4; Sakaria 4.2Meny acal bala me kot, icelakin kede amwocumwocun kame winyere bala me kot oudo wok ki kom me ajakanut nono. Mace kanyaare kame liel di mio asara, kame obedo tipere kanyaare ka Rubanga oudo tie i nyim kom me ajakanut nono. 6#Esekeri 1.22; 10.14I nyim kom nono da oudo tie iye gikame cal bala nam adwong me gilasi, kame milimili bala akako.
Giacwea ongwon kame kuo, kame wang gi tot atota i nyim gi kede ingei gi oudo oluko kom me ajakanut nono ki bad dedede. 7Giacwea akuo me agege oudo cal bala engu, me are oudo cal bala twon, me adek oudo nyime cal bala me dano, kede me ongwon mere oudo cal bala ekokom kame tie por. 8#Esekeri 1.18; 10.12; Isaya 6.2-3Giacwea ongwon kame kuo nogo, acelacel kikom gi oudo tie kede bwome kanyape, di wang gi opong rimaro kom gi lung, i ooko kede i yie. Iceng kede iwor gin likame kiweko wer be,
“En cil, en cil, en cil Rwot Rubanga Won Twer,
en kame oudo etie sek, nataman etie, doko ebino bino.”
9I kare dedede kame giacwea ongwon akuo nogo mio kede deyo, wor kede pwoc but ngat kame bedo i kom me ajakanut nono, en ngat kame ebedo ikar kede ikar, 10joadongo ot are kiwie ongwon nogo riebere i nyim ngat kame bedo i kom me ajakanut nono, di kiko mine wor, en ngat kame bedo ikar kede ikar. Gin kiko donyo uco icoron gi me angosibib i nyim kom me ajakanut nono di kiwero be,
11“Rwot Rubanga wa,
epoore pi in udo deyo, wor kede twer,
pien in en kame icweo jame dedede,
doko pi mit nin en komio gin kitie, doko en komio kocweo gi.”
Currently Selected:
Gianyuta 4: BILK13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
