Yos 12

Ayimwene ŵiŵapundidwe ni Mose

1Ŵandu ŵa ku Isalaeli ŵaliji ali apundile kala ni kutamilicika mcilambo ca kungopoko lyuŵa kwa Yolodani, kutyocela ku Ciŵata ca Alinoni mpaka ku mkuli kwa Ciŵata ca Yolodani ni mpaka kumpoto Kwitumbi lya Helimoni. Jemanjajo ŵapundile ayimwene ŵaŵili.#Num 21:21-35; Det 2:26—3:11 2Jumo ŵaliji Sihoni, mwenye jwa Aamoli juŵalamulilaga ku Heshiboni. Ucimwene wakwe ŵawangenye ni litika lya Giliyadi: kutyocela ku Aloeli (mungulugulu mwa Ciŵata ca Alinoni) ni msinda wa pasikati pa cele ciŵataco, mpaka ku Lusulo lwa Yaboki, malile ga Aamoni; 3ŵawangenye ni Ciŵata ca Yolodani kutyocela ku Nyasa ja Galileya kum'mwela kwa Beti Yeshimoti (kungopoko lyuŵa kwa Nyasa ja Njete) ni kwendelecela mbali syakuseleleka sya Litumbi lya Pisiga.

4Jemanjajo ŵampundile soni Mwenye Ogi jwa ku Bashani, juŵaliji jumo jwa ŵakusigala ŵa Lefayimu; jwalakwe ŵalamulilaga ku Ashitaloti ni Edileyi. 5Ucimwene wakwe wapwatikenye Litumbi lya Helimoni, Saleka, ni Bashani josope mpaka ku malile ga Geshuli ni Maaka, mpaka soni litika lya Giliyadi, mpaka ku cilambo ca Mwenye Sihoni jwa ku Heshiboni.

6Mose* ni ŵandu ŵa ku Isalaeli ŵapundile ayimwene ŵaŵiliŵa. Mose jwakutumicila jwa AMBUJE* ŵacipelece cilambo cawo ku mitundu ja Lubeni ni Gadi nipo litika ku lukosyo lwa Manase, kuti ciŵe cawo.#Num 32:33; Det 3:12

Ayimwene ŵiŵapundidwe ni Yoswa

7Yoswa ni ŵandu ŵa ku Isalaeli ŵagonjesye ayimwene wosope mcilambo ca kungapilo lyuŵa kwa Yolodani, kutyocela ku Baala Gadi m'Ciŵata ca Lebanoni mpaka ku Litumbi lya Halaki kum'mwela ciŵandika ni Edomu. Yoswa ŵacigaŵenye cele cilamboci mwa mitundu ni kucipeleka kwa jemanjajo kuŵa cawocawo mpaka kalakala. 8Wele upandewu ŵawupwatikenye cilambo ca kwitumbi, mwiŵanda mwa matumbi mbali jakapila lyuŵa, Ciŵata ca Yolodani, ni mwiŵanda mwa matumbi mwakwe, kwakutuluka matumbi ca kungopoko lyuŵa, ni cilambo ca cipululu ca kum'mwela. Cele cilamboci ni cicaliji kumangwawo kwa Ahiti, Aamoli, Akenani, Apelesi, Ahifi, ni Ayebusi. 9Ŵandu ŵa ku Isalaeli ŵagonjesye ayimwene ŵa misinda aji: Yeliko, Ai (ciŵandika ni Beteli), 10Yelusalemu, Hebuloni, 11Yalamuti, Lakishi, 12Egiloni, Gesele, 13Dibili, Gedala, 14Holoma, Aladi, 15Libina, Adulamu, 16Makeda, Beteli, 17Tapuwa, Hefele, 18Afeki, Lashaloni, 19Madoni, Hasoli, 20Shimuloni Meloni, Akishafu, 21Tanaki, Megido, 22Kedeshi, Yokinimu (ku Kalimeli), 23Doli (mu ngulugulu nyasa), Goyimu (ku Galileya), 24ni Tilisa, nipo ayimwene wosope ŵene ŵakwanile 31.

Currently Selected:

Yos 12: YAWO

Highlight

Copy

Compare