Okushuuruurirwa 8

Okubambuura akamanyiso ka mushanju, na baamaraika okuteera enzamba

1Omwana gw'entaama ku yaabambwire akamanyiso ka mushanju, haabaho akaceceko omu iguru okumara nk'ekicweka ky'eshaaha. 2#Mat 24:31. Bwanyima naareeba baamaraika mushanju abeemerera omu maisho ga Ruhanga, kandi baaheebwa enzamba mushanju. 3#Kush 5:8. Haija maraika ondiijo, yaayemerera aha itambiro, aine ekyoterero ky'ezaabu; yaaheebwa obubaane bwingi bw'okwotera eby'okushaba by'abarikwera boona, ngu abyoterere aha itambiro ry'ezaabu omu maisho g'ekitebe ky'obukama; 4omwika gw'obubaane gwainamuka n'eby'okushaba by'abarikwera omu maisho ga Ruhanga, niguruga omu mukono gwa maraika. 5#Kur 19:16. Maraika yaakwata ekyoterero, yaakiijuza omuriro gw'aha itambiro, yaakinaga aha nsi; haabaho okuhinda n'amaraka n'emirabyo n'omutsitsa.

6Baamaraika mushanju, abaabaire baine enzamba mushanju, baayeteekateeka kuziteera.

7 # Yoel 2:30. Maraika ow'okubanza yaateera enzamba ye: haabaho orubaare n'omuriro birimu eshagama, byagwa aha nsi; ekicweka kya kashatu eky'ensi kyasya, n'ekicweka kya kashatu ky'ebiti kyasya, n'obunyaatsi bwona obubisi bwasya.

8 # Yer 51:25. Maraika owa kabiri yaateera eye; ekintu ekirikushusha orushozi ruhango orurikwaka omuriro kyanagwa omu nyanja; ekicweka kya kashatu ky'enyanja kyahinduka eshagama; 9n'ekicweka kya kashatu ky'ebihangirwe eby'omu nyanja ebiine amagara kyafa; kandi n'ekicweka kya kashatu ky'emeeri zoona kyacwekyerezibwa.

10Na maraika owa kashatu yaateera; enyonyoozi mpango, erikwaka nk'orumuri, yaagwa neeruga omu iguru; yaagwa ahari kimwe kya kashatu ky'emigyera n'aha nshuro z'amaizi. 11Kandi eiziina ry'enyonyoozi egyo ni #8:11 Apusinto n'ekiti ekirikushaarira nk'omuravunga. Apusinto. Ekicweka kya kashatu ky'amaizi kyahinduka omurura; abantu baingi baafa, baitwa amaizi ago, ahakuba gakaba nigashaarira.

12 # Kur 10:21. Kandi maraika owa kana nawe yaateera eye nzamba, ekicweka kya kashatu ky'eizooba n'ekicweka kya kashatu ky'okwezi n'ekicweka kya kashatu ky'enyonyoozi byateerwa; n'ahabw'ekyo ekicweka kya kashatu ky'okwaka kwabyo kyaba omwirima; eizooba ryarereera kwaka ekicweka kya kashatu kya nyomushana, kandi na nyekiro byaba bityo.

13Ku naimukize amaisho naareeba eishamba nirizeereera omu mwanya, naahurira nirigamba n'eiraka rihango riti: Ai mbambe! Ai bambe! abatuura omu nsi baryareeba enaku, ku barihurira amaraka g'enzamba ezi baamaraika abashatu barikwenda kuteera.

Currently Selected:

Okushuuruurirwa 8: RR64

Highlight

Copy

Compare