Popular Bible Verses from Okushuuruurirwa 8

Share

Omwana gw'entaama ku yaabambwire akamanyiso ka mushanju, haabaho akaceceko omu iguru okumara nk'ekicweka ky'eshaaha.

Maraika ow'okubanza yaateera enzamba ye: haabaho orubaare n'omuriro birimu eshagama, byagwa aha nsi; ekicweka kya kashatu eky'ensi kyasya, n'ekicweka kya kashatu ky'ebiti kyasya, n'obunyaatsi bwona obubisi bwasya.

Ku naimukize amaisho naareeba eishamba nirizeereera omu mwanya, naahurira nirigamba n'eiraka rihango riti: Ai mbambe! Ai bambe! abatuura omu nsi baryareeba enaku, ku barihurira amaraka g'enzamba ezi baamaraika abashatu barikwenda kuteera.

Maraika owa kabiri yaateera eye; ekintu ekirikushusha orushozi ruhango orurikwaka omuriro kyanagwa omu nyanja; ekicweka kya kashatu ky'enyanja kyahinduka eshagama

Na maraika owa kashatu yaateera; enyonyoozi mpango, erikwaka nk'orumuri, yaagwa neeruga omu iguru; yaagwa ahari kimwe kya kashatu ky'emigyera n'aha nshuro z'amaizi. Kandi eiziina ry'enyonyoozi egyo ni Apusinto. Ekicweka kya kashatu ky'amaizi kyahinduka omurura; abantu baingi baafa, baitwa amaizi ago, ahakuba gakaba nigashaarira.

Kandi maraika owa kana nawe yaateera eye nzamba, ekicweka kya kashatu ky'eizooba n'ekicweka kya kashatu ky'okwezi n'ekicweka kya kashatu ky'enyonyoozi byateerwa; n'ahabw'ekyo ekicweka kya kashatu ky'okwaka kwabyo kyaba omwirima; eizooba ryarereera kwaka ekicweka kya kashatu kya nyomushana, kandi na nyekiro byaba bityo.