Okushuuruurirwa 16

Ebibonaboneso mushanju eby'aha mperu

1 # Zef 3:8. Bwanyima naahurira eiraka rihango eririkuruga omuri hekalu nirigambira baamaraika mushanju riti: Mugyende, mushukye aha nsi enyabya mushanju z'ekiniga kya Ruhanga.

2 # Kur 9:10, 11. Maraika ow'okubanza yaagyenda, yaashuka orwabya rwe aha nsi; abantu abaabaire baine akamanyiso k'egyo nyamaishwa nibaramya ekishushani kyayo baakwatwa ebironda bibi ebirikunuuka.

3Maraika owa kabiri yaashuka orwabya rwe omu nyanja, enyanja yaahinduka, yaashusha eshagama y'omufu, kandi ekintu kyona ekihuriire ekyabaire kiri omu nyanja kyafa.

4 # Zab 78:44. Maraika owa kashatu yaashuka orwabya rwe omu migyera n'omu nshuro z'amaizi, byahinduka eshagama. 5#Bir 32:4. Naahurira maraika naagira ati:

Iwe Orikwera, oriho, kandi owaabaireho,

Ori ohikiriire, ahabw'okucwa otyo emanja;

6 # Isa 49:26. Ahakuba bakasheesha eshagama y'abarikwera n'eya baanabi;

Mbwenu obahaire eshagama kuginywa;

Kandi nikyo kibashemereire.

7 # Kush 19:2. Kandi naahurira eitambiro nirigira riti:

Eego, kibe kityo, Mukama Ruhanga ow'obushoboorozi bwona,

Emicwere yaawe n'ey'amazima kandi n'ey'oburyo.

8Maraika owa kana yaashuka orwabya rwe aha izooba, ryaikirizibwa kubabura abantu n'omuriro; 9#Kush 9:20, 21. abantu baayokibwa ekibabo kingi; baajuma eiziina rya Ruhanga, oine obushoboorozi aha bibonaboneso ebyo; tibaayeteisa ngu bamuhe ekitiinisa.

10 # Kur 10:21; Isa 8:21, 22. Maraika owa kataano yaashuka orwabya rwe aha kitebe ky'obukama ky'egyo nyamaishwa, obukama bwayo bwashwekwa omwirima; baayeruma endimi ahabw'obusaasi bwingi, 11baajuma Ruhanga ow'omu iguru ahabw'okuhururwa n'ahabw'ebironda byabo, kandi nabwo tibaayeteisa bi baakozire.

12 # Isa 44:27. Maraika owa mukaaga yaashuka orwabya rwe aha mugyera muhango, Furaati; amaizi gaagwo gaayoma, ngu omuhanda gushemezibwe ahabw'abagabe abarikuruga oburugwa-izooba. 13#Kur 8:3; 1 Bag 22:21-23. Kandi naareeba omu kanwa k'ekijoka n'omu kanwa k'enyamaishwa n'omu kanwa ka nabi ow'ebishuba niharugamu emyoyo mibi eshatu erikushusha ebikyere; 14#Kush 19:19. niyo myoyo ya baadaimoni erikukora obumanyiso, erikuza oku n'oku omu bagabe b'ensi zoona, okubateeranira hamwe kuza omu rugamba orw'ekiro kikuru kya Ruhanga ow'obushoboorozi bwona. 15#1 Tes 5:2. (Reeba, niinyija nk'omushuma! Aine omugisha orikuguma naareeba, akarinda ebijwaro bye, ngu arekye kugyenda ajwaire busha, bakareeba enshoni ze.) 16#Zek 12:11. Emyoyo egyo yaabateeranira omu mwanya ogurikwetwa Haramagedoni omu Ruheburaayo.

17Maraika owa mushanju yaashuka orwabya rwe ahaiguru omu mwanya, eiraka rihango ryaruga omuri hekalu aha kitebe ky'obukama, nirigira riti: Kyahwa. 18#Dan 12:1. Haabaho emirabyo n'amaraka mahango n'okuhinda n'omutsitsa muhango; omutsitsa muhango kandi ogw'amaani gutyo tigukabahoga okwiha obu abantu baabaho omu nsi. 19#Dan 4:30; Yer 25:15. Orurembo rukuru rwabaganukamu ebicweka bishatu: endembo z'amahanga zaagwa; kandi Ruhanga yaijuka Babulooni, orurembo orukuru, okuruha ekikopo kya viinyo ey'obushaarizi bw'ekiniga kye. 20#Kush 6:14. Ebirwa byona byahunga, kandi ebibungo byona byabura. 21#Kur 9:23. Orubaare rwingi rwateera abantu niruruga omu iguru, buri rubaare rwine oburemeezi #16:21 eraatiri igana omu Rugriika ni etalanta emwe. bw'eraatiri igana; abantu baajuma Ruhanga ahabw'ekibonaboneso ky'orubaare orwo; ahakuba kikaba kiri kihango munonga.

Currently Selected:

Okushuuruurirwa 16: RR64

Highlight

Copy

Compare