Okushuuruurirwa 15

Enyanja y'endeeberwamu

1 # Kush 11:18. Naagaruka naareeba omu iguru eky'okureeberaho ekindi, ekikuru kandi eky'okutangaaza, baamaraika mushanju baine ebibonaboneso mushanju eby'aha mperu; ahabw'okuba omuribyo nimwo ekiniga kya Ruhanga kyabaire nikihwera.

2 # Kush 4:6; 5:8. Naareeba ekirikushusha nk'enyanja y'endeeberwamu ejwangize n'omuriro, kandi n'abaatabaarukire omu rugamba rw'enyamaishwa n'ekishushani kyayo n'enamba y'eiziina ryayo basingwire, beemereire aha rubaju rw'egyo nyanja, baine enanga za Ruhanga omu ngaro zaabo. 3#Kur 15:1, 11; Zab 139:14. Nibeeshongora ekyeshongoro kya Musa #15:3 Omu Rugriika n'omuhuuku. omugaragwa wa Ruhanga, n'ekyeshongoro ky'Omwana gw'entaama nibagira bati:

Mukama Ruhanga ow'obushoboorozi bwona,

Ebi waakozire ni bikuru kandi n'eby'okutangaaza;

Emihanda yaawe ehikiriire kandi n'ey'amazima,

Nyakusinga Mukama w'amahanga.

4 # Mal 1:11. Mukama waitu, n'oha otaritiina, akahimbisa eiziina ryawe?

Ahakuba niiwe wenka orikwera;

Amahanga goona garyaija gakuramye,

Ahakuba emitwarize yaawe y'oburyo eyorekirwe.

5 # Kush 11:19. Bwanyima y'ebyo naareeba hekalu ey'eihema ry'obujurizi omu iguru eigwire; 6omuri hekalu egyo haarugamu baamaraika mushanju abaabaire baine ebibonaboneso mushanju, bajwaire emyenda mirungi erikwengyengyeta, beezirikire emyeko y'ezaabu omu kifuba. 7Kimwe aha bihangirwe ebiine amagara ebina kyaha baamaraika mushanju enyabya z'ezaabu ziijwire ekiniga kya Ruhanga otuuraho ebiro n'ebiro. 8#Isa 6:4. Hekalu yaijura omwika ogurikuruga omu kitiinisa kya Ruhanga n'omu bushoboorozi bwe; kandi tihariho muntu weena owaabaasize kutaaha omuri egyo hekalu, ebibonaboneso mushanju bya baamaraika mushanju bitakahweireyo.

Currently Selected:

Okushuuruurirwa 15: RR64

Highlight

Copy

Compare