Okushuuruurirwa 10

Yohaana okushuuruurirwa omuzingo gw'akatabo

1 # Kush 5:2. Kandi nkareeba maraika ondiijo ow'amaani naashuma naaruga omu iguru, ayefubikire ekicu, n'omuhangazima guri ahaiguru y'omutwe gwe; ah'amaisho ge nihaaka nk'eizooba, n'amaguru ge nk'enyomyo z'omuriro. 2Akaba aine omuzingo gw'akatabo kashuurwirwe omu ngaro ze. Yaata ekigyere kye kya buryo aha nyanja n'ekya bumusho aha nsi; 3#Hos 11:10. yaagamba n'eiraka rihango nk'oku entare etsinda; kandi ku yaagambire, ebirikuhinda mushanju byagamba. 4#Dan 12:4, 9. Ku byaherize kugamba, naayenda kuhandiika; kwonka naahurira eiraka niriruga omu iguru, nirigira riti: koma n'akamanyiso ebyo bigambo ebyagambwa ebirikuhinda mushanju; otabihandiika. 5Maraika ogwo, ou naareebire ayemereire aha nyanja n'aha nsi; yaimutsya ahaiguru omukono gwe gwa buryo, 6#Neh 9:6. yaarahira Ogwo obaho ebiro byona, owaahangire eiguru n'ensi n'enyanja n'ebirimu byona, ku hataribaho kutuuraho bundi; 7#Amo 3:7; Byak 3:21; Kush 11:15. kwonka omu biro ebi maraika owa mushanju ariteereramu enzamba ye, enaama ya Ruhanga eryahikiirizibwa, nk'ebigambo ebirungi oku biri ebi yaagambiire #10:7 Omu Rugriika n'abahuuku. abaheereza be baanabi.

8Eiraka eryo eri naahuriire niriruga omu iguru ryagaruka ryagira riti: Gyenda, otware omuzingo gw'akatabo akashuurwirwe akari omu mukono gwa maraika oyemereire aha nyanja n'aha nsi. 9#Ezk 3:1-3. Ntyo naaza ahari maraika, naamugambira kumpa ako katabo; yangarukamu ati: Nkako, katware, okarye, nikaija kunura nk'obwoki omu kanwa kaawe, kwonka omunda yaawe kashaarire. 10Nikwo kukaiha omu mukono gwa maraika, nkakarya; omu kanwa kangye kakanura nk'obwoki; kwonka ku naaherize kukarya, omu nda kaashaarira. 11#Yer 1:10. Naagambirwa ku nshemereire kugaruka kuranga eby'abantu b'enganda nyingi, n'amahanga, n'endimi, n'eby'abagabe.

Currently Selected:

Okushuuruurirwa 10: RR64

Highlight

Copy

Compare