Popular Bible Verses from Okushuuruurirwa 10

Share

kwonka omu biro ebi maraika owa mushanju ariteereramu enzamba ye, enaama ya Ruhanga eryahikiirizibwa, nk'ebigambo ebirungi oku biri ebi yaagambiire abaheereza be baanabi.

Naagambirwa ku nshemereire kugaruka kuranga eby'abantu b'enganda nyingi, n'amahanga, n'endimi, n'eby'abagabe.

Kandi nkareeba maraika ondiijo ow'amaani naashuma naaruga omu iguru, ayefubikire ekicu, n'omuhangazima guri ahaiguru y'omutwe gwe; ah'amaisho ge nihaaka nk'eizooba, n'amaguru ge nk'enyomyo z'omuriro.

Ntyo naaza ahari maraika, naamugambira kumpa ako katabo; yangarukamu ati: Nkako, katware, okarye, nikaija kunura nk'obwoki omu kanwa kaawe, kwonka omunda yaawe kashaarire. Nikwo kukaiha omu mukono gwa maraika, nkakarya; omu kanwa kangye kakanura nk'obwoki; kwonka ku naaherize kukarya, omu nda kaashaarira.