Zaaburi 97
97
Ekitiinisa kya Ruhanga ekirikureeberwa omu bi arikukora
1 #
Zab 93:1; 96:10, 11. MUKAMA ari aha ngoma; ensi k'eyesiime,
Ebirwa bingi bishemererwe!
2 #
Zab 18:11; 89:14; Bir 4:11; Kur 19:9. Ebicu n'omwirima bimbwehinguririize;
Okuhikiirira n'amazima nigwo musingi gw'ekitebe kye ky'obukama.
3 #
Zab 21:9; Dan 7:10. Omuriro gumwebembera,
Nigwotsya abazigu be abamuri embaju zoona.
4 #
Zab 77:18. Emirabyo ye emurika ensi,
Ensi ereeba, kandi etetema.
5 #
Mik 4:13; Nah 1:5. Enshozi ziyagira omu maisho ga MUKAMA nk'entsinda,
Omu maisho ga MUKAMA ow'ensi yoona.
6 #
Zab 50:6; Isa 40:5. Eiguru rimanyisa okuhikiirira kwe,
N'amahanga goona gareeba ekitiinisa kye,
7 #
Zab 96:5; Isa 42:17; Yer 10:14. Boona abaramya ebishushani bakwatwe enshoni,
Abarikwehimbisa ahabw'ebishushani ebitaine mugasho.
Imwe baaruhanga mwena, mumuramye.
8 #
Zab 48:11. Saayuuni ekabihurira, yaashemererwa,
N'abaishiki ba Yuda baayesiima
Ahabw'emicwere yaawe, ai Ruhanga;
9 #
Zab 83:18; 95:3. Ahakuba Iwe, ai MUKAMA, nookira ebiri omu nsi yoona,
Noohimbisibwa okukirira kimwe baaruhanga boona.
10 #
Zab 34:14; Enf 2:8; 8:13; Dan 3:28; Amo 5:15; Byak 12:11; Rom 12:9. Imwe abakunda MUKAMA, mwangye obubi.
Arinda amagara g'abarikwera be,
Abaiha omu mikono y'ababi.
11 #
Zab 112:4; Enf 4:18. Omushana gujwera abahikiriire,
Kandi okushemererwa kujwera ab'emitima egororokire.
12 #
Zab 30:4; 32:11. Imwe abahikiriire, mushemerererwa omuri MUKAMA,
Kandi musiime eiziina rye eririkwera.
Currently Selected:
Zaaburi 97: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
