Zaaburi 96
96
1 #
1 Bus 16:23-33. Nimweshongorere MUKAMA ekyeshongoro kisya;
Imwe abari omu nsi mwena, mweshongorere MUKAMA.#Zab 33:3; 98:1.
2 #
Isa 52:7. Mweshongorere MUKAMA, musiime eiziina rye,
Mworekye okujuna kwe buri kasheeshe.
3Mumanyise ekitiinisa kye omu mahanga,
Emirimo ye ey'okutangaaza omu mahanga goona.
4 #
Zab 48:1; 95:3. Ahakuba MUKAMA ni mukuru, ashemereire kuhimbisibwa munonga,
Kandi n'okutiinwa okukira baaruhanga boona.
5 #
Zab 115:4; Kut 1:1; Isa 42:5; Yer 10:12; Hab 2:18-20; Byak 19:26. Ahabw'okuba baaruhanga boona ab'abantu baba ebishushani;
Kwonka Ruhanga niwe yaahangire eiguru.
6Ekitiinisa n'obukuru bimwebembeire,
Amaani n'oburungi biri omu Mwanya gwe ogurikwera.
7 #
Zab 22:27; 29:1, 2; 114:7. Imwe enganda z'amahanga, mugambe,
Mugambe ku MUKAMA aine ekitiinisa n'amaani.
8Mugambe ku MUKAMA aine ekitiinisa ekishemereire eiziina rye;
Mureete empongano, mwija omu bikaari bye!
9Muramye MUKAMA mujwaire ebirikwera,
Muteteme omu maisho ge, imwe ab'omu nsi mwena!
10 #
Zab 9:8; 93:1. Mugambire omu mahanga muti: MUKAMA ari aha ngoma!
Eego, ensi ehamire; terikubaasa kutengyetsibwa;
Aryacwera amahanga emanja z'oburyo.
11 #
Zab 69:34; 97:1; 98:7. Eiguru rishemererwe, n'ensi eyesiime;
Enyanja ehoorere na byona ebiijwiremu;
12 #
Isa 35:1; 55:12. Emisiri eyesiime n'ebirimu byona!
Obwo nibwo emiti yoona ey'omu kibira eryeshongora ahabw'okushemererwa
13 #
Isa 11:1-5. Omu maisho ga MUKAMA, ahabw'okuba naija,
Naija kucwera ensi orubanja;
Aryacwera ensi orubanja omu kuhikiirira,
N'amahanga omu mazima ge.
Currently Selected:
Zaaburi 96: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
