Zaaburi 90
90
EKITABO KYA KANA
Obuhungiro bw'abantu ni Ruhanga otahwaho
Okushaba kwa Musa, omushaija wa Ruhanga
1 #
Zab 71:3. MUKAMA, niiwe waabaire ori obutaaho bwaitu obusingye bwona.
2 #
Yob 36:26; Enf 8:25. Ebibungo bitakabaireho, otakahangire nsi n'ebirimu byona,
Okwiha obusingye bwona n'okuhitsya obusingye bwona
Niiwe Ruhanga.
3 #
Kut 3:19; Mub 12:7. Ogarura abantu omu mucuucu,
Noogira oti: Nimugarukyeyo, iwme bantu 'mwe!
4 #
2 Pet 3:8. Ahakuba emyaka rukumi omu maisho gaawe
Eri nk'eizooba rya nyomwabazyo erihweire,
Nari nk'ahu abantu basisiimukira nyekiro.
5 #
Zab 103:15; Yob 20:8; Isa 40:6-8. Obatwarira kimwe, nk'abarikutwarwa omwegyemure;
Bari nk'abagwejegyeire;
Omu kasheeshe baba nk'obunyaatsi oburikumera;
6 #
Yob 4:20; 14:2; Yak 1:11. Omu kasheeshe butooka, kandi bukura;
Omu mwabazyo butemwa, kandi buhonga;
7Ahakuba tumazirweho okuguubwa kubi kwawe,
N'ekiniga kyawe nikitureebesa enaku.
8 #
Zab 19:12; Yer 16:17; Heb 4:13. Oyetaire okutahikiirira kwaitu omumaisho,
N'ebibi byaitu ebisherekirwe waabita omu mushana gw'amaisho gaawe.
9Ahakuba ebiro byaitu byona bigyenda nibihwaho otwiniire ekiniga,
Emyaka yaitu ehwaho nk'omwityso.
10Emyaka y'amagara gaitu eba makumi mushanju,
Nari ku tuba twagizire amaani, ehika makumi munaana;
Kwonka okugyogamu n'okufa kubi n'okureeba enaku;
ahakuba erahuka kuhwaho, naitwe twegyendera.
11N'oha orikumanya amaani g'okuguubwa kubi kwawe,
N'ekiniga kyawe, oku oshemereire kutiinwa?
12 #
Zab 39:4. N'ahabw'ekyo otwegyese kubara ebiro byaitu,
Tubone kugira omutima gw'obwengye.
13 #
Zab 74:9, 10; 135:14; Bir 32:36. Garuka, ai MUKAMA! Oryahitsya hi?
Saasira abairu baawe.
14 #
Zab 85:6. Omu kasheehse otuhaazye embabazi zaawe,
Tubone kushemererwa n'okwesiima ebiro byaitu byona.
15Otuhe okwesiima okurikwingana n'ebiro ebi waatubonaboneseizemu,
N'emyaka ei twareebeiremu enaku.
16 #
Zab 92:4; Hab 3:2. Itwe abairu baawe, otworekye omurimo gwawe,
N'abaana baitu oboorekye ekitiinisa kyawe.
17 #
Isa 26:12; 2 Tes 2:16, 17. Embabazi za Mukama Ruhanga waitu zigume ahariitwe,
Ohamye omurimo gw'emikono yaitu;
Eego, omurimo gw'emikono yaitu;
Eego, omurimo gw'emikono yaitu oguhamye.
Currently Selected:
Zaaburi 90: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
