Zaaburi 89
89
Endagaano ei Ruhanga yaaragaine na Daudi
Zaaburi ya Esaani Omuezerahi, eyaagunzirwe n'obwengye
1Ndyayeshongora eby'embabazi za MUKAMA ebiro byona;
Ndyaguam niinyeshongora eby'embabazi zaawe, ai MUKAMA,
Mmanyise ab'obusingye bwona okwesigwa kwawe n'akanwa kangye.
2 #
Zab 36:5. Ahakuba ngizire nti: Embabazi zaawe ziryaguma zongyerweho ebiro byona;
Kandi okwesigwa kwawe kuryahamibwa omu iguru.
3 #
Zab 132:11; 1 Bag 8:16. Ndagaine endagaano n'ou naatooraine,
Nindahirira Daudi omwiru wangye, nti:
4 #
2 Sam 7:8-16; 1 Bag 9:5; Isa 9:7; Yer 33:17; Ezk 37:25; Luk 1:32, 33; Yoh 12:34. Baijukuru baawe ndyabagumyaho ebiro byona,
Mpamye ekitebe ky'obukama bwawe obusingye bwona. Sela
5 #
Zab 19:1; 50:6; Yob 5:1. Ai MUKAMA, eiguru rihimbisa eby'okutangaaza byawe,
Kandi n'okwesiga kwawe omu mutwe gw'abarikwera.
6 #
Zab 29:1; 86:8; Isa 40:18. Ahakuba n'oha omu iguru orikubaasa kugyeranisibwa na MUKAMA?
N'oha omu b'omu iguru ori nka MUKAMA,
7 #
Zab 47:2; 103:20, 21. Ruhanga ow'okutiinisa omu ishengyero ry'abahikiriire,
Kandi ow'okutiinwa okukira abamwehinguririize boona?
8 #
Zab 35:10; 68:4; 1 Sam 2:2. Ai MUKAMA Ruhanga ow'amahe, n'oha ow'obushoboorozi nkaiwe,
Oyehinguririziibwe okwesigwa kwawe, ai MUKAMA?
9 #
Zab 65:7. Niiwe otegyeka okuhinduriza kw'enyanja;
Ebingonzi byayo ku bisiikuuka, obicureeza.
10 #
Isa 30:7. Okahondahonda Rahabu nk'oitsirwe,
Waabingisa abazigu baawe omukono gwawe ogw'amaani, baataataana.
11Eiguru n'eryawe, n'ensi nayo n'eyaawe;
Ensi n'ebirimu byona niiwe waabitaireho.
12 #
Zab 98:8. Obukiizi-bwa-bumosho n'obwa-buryo niiwe waabihangire;
Tabora na Herumooni zishemerererwa eiziina ryawe;
13Oine omukono gw'obushoborozi;
Omukono gwawe n'ogw'amaani, omukono gwawe gwa buryo gubangirwe.
14 #
Zab 85:13; 97:2. Okuhikiirira n'amazima niyo misingi y'ekitebe kyawe ky'obukama;
Embabazi n'okwesigwa bikwebembera.
15Abarikumanya eiraka ry'okushemererwa baine omugisha;
Bagyendera omu mushana gw'amaisho gaawe, ai MUKAMA.
16 #
Zab 20:5, 7. Beesiimira eiziina ryawe eizooba ryona;
Kandi omu kuhikiirira kwawe nimwo batunguurirwa.
17 #
Zab 75:10. Ahakuba niiwe kitiinisa ky'amaani gaabo;
Kandi embabazi zaawe nizo ziriimutsya eihembe ryaitu.
18 #
Zab 47:9; 71:22. Ahakuba engabo yaitu n'eya MUKAMA,
Kandi omugabe waitu n'ow'Orikwera wa Israeli.
19Omu bunaku obwa ira okagambira abarikwera baawe omu kworekwa oti:
Njwekire ow'amaani ekirunga;
Ntungwire owaatoorainwe omu bantu.
20 #
1 Sam 16:13; Byak 13:22. Mboine Daudi omwiru wangye,
Naamushukaho amajuta gangye agarikwera.
21Engaro yangye eryaguma nawe obutoosha,
N'omukono gwangye guryamugumya.
22 #
2 Sam 7:9, 10. Omuzigu tarimubuza bwengye;
N'omubi tarimubonabonesa.
23Ndyahondahondera ababisha be omu maisho ge,
N'abarikumwanga mbateere, bagwe.
24 #
Zab 89:1. Kwonka okwesigwa kwangye n'embabazi zangye biryaguma nawe;
Kandi omu iziina ryangye eihembe rye nimwo riritunguurirwa.
25 #
Zab 72:8. Ndyategyekyesa enyanja omukono gwe,
N'emigyera omukono gwe gwa buryo.
26 #
2 Sam 7:14; 1 Bus 22:10. Aryantakira ati: Niiwe Tata;
Ruhanga wangye, kandi orukiri rw'okujunwa kwangye.
27 #
Zab 2:7; Kur 4:22; Rom 8:29; Heb 1:5; Kush 1:5. Ndyamugira omujigaijo gwangye,
Omugabe orikukira abandi boona ab'omu nsi.
28 #
Zab 89:3. Ndyamubiikira embabazi zangye ebiro n'ebiro,
N'wendagaano yangye nawe eryahama.
29 #
Zab 89:4; Bir 11:21. Ndyagumyaho oruzaaro rwe ebiro byona,
N'ekitebe kye ky'obugabe nk'ebiro by'eiguru.
30 #
2 Sam 7:14; Yer 9:13. Abaana be ku barireka ekiragiro kyangye,
Bataatwaza nk'oku naaragiire,
31Kandi ku barishiisha ebi naataireho,
Bataayorobera biragiro byangye,
32Ndyahanisa eby'okushiisha byabo enkoni,
N'okutahikiirira kwabo nkuhanise enkoba;
33Kwonka tindimwihiraho kimwe mbabazi zangye,
Kandi tindireka bwesigwa bwangye kuba ebishuba.
34Tindiita ndagaano yangye,
Nobu kwakuba okuhindura eki naagambire.
35 #
Amo 4:2; Heb 6:17, 18. Nkarahira okuhikiirira kwangye rimwe naaheza,
Tindibeiha Daudi.
36 #
Zab 72:5; 89:4. Oruzaaro rwe ruryagumaho ebiro byona,
N'ekitee kye ky'obugabe kigume omu maisho gangye nk'eizooba.
37 #
Yer 31:35, 36. Kiryagumibwa ebiro byona nk'okwezi,
Kandi nk'omujurizi ow'okwesigwa omu iguru.
Okutakira Mukama ahabw'obugabe bwabo okugayibwa
38 #
Zab 44:9. Kwonka hati onagire ou waashukireho amajuta,
Waamwanga, kandi waamugirira ekiniga;
39 #
Zab 74:7; Tonz 5:16. Oyangiire kimwe endagaano ei waaragaine n'omwiru waawe;
Waashiisha ekirunga kye, waakinaga omu mucuucu.
40 #
Zab 44:13; 80:12. Osheenyire engo ze zoona,
N'engo ze z'amaani waazihwerekyereza.
41Abahinguzi boona nibamunyaga;
Ahindukire orikugaywa bataahi be.
42Otungwire omukono gw'ababisha be ogwa buryo;
Waareetera abazigu be boona kwesiima.
43Ogaranjwire rurara ye ey'obwogi,
Tiwaamubaasisa kwemerera ahamire omu rugamba.
44Omazireho ekitiinisa kye,
Waanaga ahansi ekitebe kye ky'obugabe.
45 #
Zab 102:23; 109:29. Otuubize ebiro by'obutsigazi bwe,
Waamujweka enshoni. Sela.
46 #
Zab 13:1. Oryahitsya hi, ai MUKAMA, okweshereka ebiro byona?
Ekiniga kyawe kiryahitsya hi okwaka nk'omuriro?
47 #
Zab 39:5; Yob 7:7; 14:1. Ijuka ebiro byangye ku biri bikye,
Abaana b'abantu ka waabahangiire busha!
48 #
Zab 49:9; Heb 11:5. Ni muntu ki origuma ari ohuriire, atafe,
Akaiha amagara ge omu bushoboorozi bw'Okuzimu? Sela.
49Mukama, embabazi zaawe eza ira ziri nkahi,
Ezi waarahiriire Daudi omu bwesigwa bwawe?
50 #
Zab 74:18, 22; 79:12. Mukama, ijuka oku barikujuma abairu baawe,
Oku ndikugumisiririza ebijumo by'amahanga goona ag'amaani,
51Ebi abazigu baawe barikujuma ou waashukireho amajuta, ai MUKAMA,
Bakashekyerera emigyendere ye.
52 #
Zab 41:13. MUKAMA asiimwe ebiro n'ebiro. Amiina kandi Amiina.
Currently Selected:
Zaaburi 89: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
