Zaaburi 85
85
Okushaba Ruhanga okutugirira embabazi n'okumwesiga
Aha Mukuru w'abeeshongozi. Zaaburi ya Beene koora
1 #
Zab 14:7. MUKAMA, okagirira ensi yaawe embabazi;
Waagarura aba Yakobo abaabaire banyagirwe.
2 #
Zab 32:1; 78:38; Yon 3:9. Okaihaho okutahikiirira kw'abantu baawe;
Waasaasira ebibi byabo byona.
3Okaihaho ekiniga kyawe kyona;
Waareka ekiniga kyawe ekirikwaka.
4 #
Zab 80:3. Otugarure aha buteeka, ai Ruhanga ow'okujunwa kwaitu,
Kandi orekye kutugwerwa kubi!
5 #
Zab 79:5. Oryatugirira ekiniga ebiro byona?
Oryaguma ogwereirwe kubi ab'obusingye bwona?
6 #
Zab 71:20; 90:14. Toritugaruramu amagara,
Abantu baawe bakashemerererwa omuriiwe?
7Otworekye embabazi zaawe, ai MUKAMA,
Otuhe okujuna kwawe.
8 #
Hab 2:1; Zek 9:10; 2 Pet 2:21. Ka mpurire ebi Ruhanga MUKAMA araagambe,
Ahakuba naija kugambira abantu be n'abarikwera be eby'obusingye;
Kwonka barekye kugaruka omu bushema.
9 #
Zek 2:5; Isa 46:13. Buzimazima okujuna kwe kuri haihi n'abarikumutiina,
Ngu ekitiinisa kibone kuguma omu nsi yaitu.
10 #
Zab 72:3; 89:14; Isa 32:17; Mik 7:20. Okusaasira n'amazima biryakwatanisa,
Okuhikiirira n'obusingye binywegyerane.
11 #
Isa 45:8. Amazima gamezire omu itaka;
N'okuhikiirira kwemire omu iguru, kwareeba aha nsi.
12 #
Zab 67:6; 84:11; Yak 1:17. Eego, MUKAMA aryagaba ekirungi,
N'ensi yaitu eryareeta omweru gwayo.
13 #
Isa 58:8. Okuhikiirira kuryamwebembera,
Kumubandire ah'okuraba.
Currently Selected:
Zaaburi 85: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
