Zaaburi 84
84
Okugira orushusho rw'okuramiza omu nju ya Ruhanga
Aha Mukuru w'abeeshongozi omu iraka ry'ekigitiiti. Zaaburi ya Beene Koora
1 #
Zab 43:3. Ai MUKAMA ow'amahe,
Ahu otuura ka ni harungi!
2 #
Zab 27:4; 42:1, 2; 63:1. Amagara gangye ni geetenga kureeba ebikaari byawe, ai MUKAMA,
Nangwa kigareeteire n'okugwa enshazi;
Omutima gwangye n'omubiri gwangye nibitakira Ruhanga ohuriire.
3 #
Zab 5:2. Ekiteerankumba kigira obutaaho,
N'entaratambi egira ekyashuri, ahi ezaarira obwana bwayo,
Nigo matambiro gaawe, ai MUKAMA ow'amahe, Mukama wangye, kandi Ruhanga wangye.
4 #
Zab 42:5, 11; 65:4. Baine omugisha abatuura omu nju yaawe;
Baryaguma nibakuhimbisa Sela.
5Aine omugisha omuntu, ou amaani ge gaba omuriiwe,
Omu mutima gwe hakabamu emihanda erikuza Saayuuni.
6 #
Ezk 34:26. Ku baba nibaraba omu #84:6 Omu Ruheburaayo oruhanga rw'amarira nirwetwa oruhanga rwa Baaka. ruhanga rw'amarira,
Baruhindura omwanya gw'enshuro z'amaizi;
Kandi enjura y'empangukano erushweka emigisha.
7 #
Zab 42:2; Enf 4:18; Isa 40:31; 2 Kor 3:18. Bagyenda nibeeyongyera amaani;
Buri muntu omuribo areebwa omu maisho ga Ruhanga omuri Saayuuni.
8 #
Zab 59:5. Ai MUKAMA Ruhanga ow'amahe, hurira okushaba kwangye;
Otegye okutu, ai Ruhanga wa Yakobo. Sela.
9 #
Zab 3:3. Ai Ruhanga reeba engabo yaitu,
Kandi oreebe ahamaisho g'ogwo ou waashukireho amajuta.
10 #
Zab 15:2; 34:9, 10; Enf 2:7; Isa 60:19, 20; Mal 4:2; Kush 21:11, 23. Ahakuba okumara ekiro kimwe omu bikaari byawe
Nikikira okumara ebiro rukumi ahandi.
Nkaayenzire kuba omukumiirizi omu nju ya Ruhanga wangye,
Okukira okutuura omu mahema g'obubi.
11Ahakuba MUKAMA Ruhanga niwe izooba kandi engabo;
MUKAMA aha embabazi n'ekitiinisa;
Taine kirungi kyona eki aima abagyendera omu mazima.
12 #
Zab 2:12. Ai MUKAMA ow'amahe,
Omuntu orikukwesiga aine omugisha.
Currently Selected:
Zaaburi 84: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
