Zaaburi 82
82
Okuhanwa kw'abategyeki babi
Zaaburi ya Asafu
1 #
Yos 22:16, 17; Mub 5:8. Ruhanga ayemereire omu ishengyero rye;
Ahagati ya baaruhanga naacwa emanja.
2 #
Bir 1:17; Enf 18:5. Muryahitsya hi okucwa emanja ezitari z'oburyo,
N'okugwera orubaju rw'ababi?
3 #
Zab 10:18; Yer 22:3. Mucwere abooro n'efuuzi emanja z'oburyo,
Mukorere abarikubonabonesibwa n'enshoberwa eby'amazima.
4 #
Yob 29:12; Enf 24:11. Mujune abooro n'abakyene,
Mubaihe omu mikono y'ababi.
5 #
Zab 11:3; 14:4; Enf 2:13. Tibaine ki barikumanya, n'obu kwakuba okwetegyereza;
Bagyendagyendera omu mwirima;
Emisingi y'ensi yoona etengyesibwa.
6 #
Yoh 10:34. Nkagira nti: Muri baaruhanga;
Imwe mwena muri abaana ba Rukira-boona,
7 #
Yob 21:32; Ezk 28:2-10. Kwonka muryafa nk'abantu,
Mugwe nk'abanyiginya boona oku bagwa.
8 #
Zab 2:8; 12:5; Kush 11:15. Imuka, ai Ruhanga, ocwere ensi orubanja;
Ahabw'okuba amahanga goona garyaba obuhunguzi bwawe.
Currently Selected:
Zaaburi 82: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
