Zaaburi 81
81
Okusiima Ruhanga ahabw'ebirungi ebi yaakoreire abantu be n'obu baraabe baamugomeire
Aha Mukuru w'abeeshongozi, aha iraka ery'ekigitiiti. Zaaburi ya Asafu
1 #
Zab 66:1. Mweshongorere Ruhanga amaani gaitu n'eiraka rihango,
Muteerere Ruhanga wa Yakobo akaari k'okushemererwa!
2 #
Zab 33:2; Kur 15:20. Mwimutsye ekyeshongoro, muteere ebitaasa,
N'enanga nungi n'endingiri.
3 #
Kub 10:10; Lev 23:24. Muteere amakondere okwezi kubonekire, kandi mugateere kukuzire,
aha izooba ryaitu ry'obugyenyi erikuru.
4Ahakuba n'ekiragiro ahabw'Abaisraeli,
Ekyaragiirwe Ruhanga wa Yakobo;
5 #
Zab 78:5; 114:1; Kur 11:4. Akakitaho kuba eky'okureeberaho omu ba Yosefu,
Obu yaaraba omu nsi ya Misri,
Ei naahuririire orurimi oru ntarikumanya.
6 #
Kur 1:11. Nkabaiha omutwaro aha mabega,
Engaro zaanyu zaarekura ekiibo.
7 #
Kur 2:23; 14:10; 19:19; Kub 20:13. Ku mwatakire muri omu busaasi, naabakiza;
Naabagarukamu ndi omu mwanya gw'enkuba ogutarikumanywa;
Naabagyereza aha maizi ga Meriba. Sela.
8 #
Zab 50:7. Bantu bangye, muhurire ebi ndikubahana;
Iwe Israeli, nkaabaasibwa ki, ompurira!
9 #
Kur 20:3; Isa 43:12. Mutarigira ruhanga w'abanyamahanga omuriimwe,
N'obu kwakuba okumaramya.
10 #
Kur 20:2. Niinye MUKAMA Ruhanga waawe,
Owaakwihire omu nsi ya Misri;
Yashamya munonga akanwa kaawe, nkaijuze.
11 #
Kur 32:1; Enf 1:30. Kwonka abantu bangye tibarahuriire iraka ryangye,
Kandi Israeli tarankunzire na kakye;
12 #
Yer 7:24; Byak 7:42; Rom 1:24. Nikwo kubareka, bakaguma baine emitima egangaire,
Bakakurata obwengye bwabo ahabwabo.
13 #
Bir 5:29; Isa 48:18; Mat 23:37. Nkaabaasibwa ki, abantu bangye bampurira,
Abaisraeli bagyendera omu mihanda yangye!
14Naanye ndahuka kugomoora abazigu baabo,
Ndwanisa ababisha baabo.
15 #
Zab 18:44. Abangi ba MUKAMA bamugomookyera,
Kandi n'ebiro byabo tibyakuhweireho ebiro byona.
16 #
Zab 147:14; Bir 32:13, 14. Nkaabagaburiire engano nungi munonga,
Mbaigutsa obwoki oburikuruga omu rukiri.
Currently Selected:
Zaaburi 81: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
