Zaaburi 65
65
Okusiima Ruhanga okutuha eby'okututunga byona
Aha Mukuru w'abeeshongozi. Zaaburi ya Daudi ei baayeshongoire
1 #
Zab 50:14. Ai Ruhanga, okuhimbisibwa kukushemereire omuri Saayuni;
Kandi niiwe barihikiiririzaho ebi baaraganiise nibahiga.
2 #
Zab 86:9; 2 Bag 19:20; Isa 66:23. Iwe ohurira okushaba, abantu boona baryaija ah'ori.
3 #
Zab 38:4; 79:9; Isa 6:7. Eby'okutahikiirira n'obu biraabe nibituremesa,
Kwonka Iwe otusaasire eby'okushiisha byaitu.
4 #
Zab 33:12; 84:4. Aine omugisha ou otoorana, okamwiriza haihi, kuguma omu bikaari byawe.
Turyahaagibwa oburungi bw'omu nju yaawe,
Omwanya ogurikwera omuri hekalu yaawe.
5 #
Zab 22:27; Bir 10:21; 2 Sam 7:23. Omu kuhikiirira kwawe oryatugarukamu n'ebirikutiinisa,
Ai Ruhanga ow'okujunwa kwaitu;
Niiwe matsiko g'abari aha muheru gw'ensi,
N'abari hare aha nyanja.
6 #
Zab 93:1. Niiwe waagumize ebibungo,
Oyezirikire amaani gaawe;
7 #
Zab 89:9; Isa 17:12, 13; Mak 4:39. Niiwe ocureeza okuhoorera kw'enyanja n'okw'ebingonzi byayo,
Kandi n'okujagarara kw'amahanga;
8N'ahabw'ekyo abatuura aha muheru gw'ensi
Batiina, baareeba obumanyiso bwawe;
Ku butsya bwaira, oreetera akasheeshe n'omwabazyo
Kuteera akaari k'okushemererwa.
9 #
Zab 46:4; 68:9; 147:14; Lev 26:4. Otaayaayira ensi, kandi ogigwisiza enjura,
Ngu ogihindure erikweza munonga.
Omugyera gwa Ruhanga gwijwire amaizi.
Niiwe obatungira oburo,
Waaheza kushemeza otyo eitaka.
10 #
Yob 5:10. Niiwe oshukyerera empazo zaayo amaizi maingi,
Okaringaniza emigongo yaayo,
Okagyorobya n'orutoonyerera,
Okaha omugisha ebigimeramu.
11 #
Zab 104:13. Ojweka omwaka ekirunga ky'oburungi bwawe;
Ebigaari byawe bigyenda nibisheesha omweru;
12 #
Yob 38:26, 27; Yoel 2:22. Niguragarika omu mariisizo g'omu ihamba,
Ebibunto byezirika okushemererwa;
13 #
Zab 98:8; Isa 30:23; 44:23. Amariisizo gashwekwa amagana,
N'empanga zishwekwa oburo,
Ziteera akaari k'okushemererwa, kandi zeeshongora.
Currently Selected:
Zaaburi 65: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
